تكفى أبي تعلمني كيف أخونك^^^شوف الوفاء وين الوفاء ودانى

#1 11-16-2008, 09:14 AM

اليوم جبت لكم قصيده لحميد الشمرى اتمنى انها تنول رضاكم

بكل برود تقول لي وش لونك^^^وأنت إلي بنظرة منك تقرانــــي

يعني تبي تتأكد من ظنونك^^^تبي تعرف أن في شي يخفانـي

كل ماأشيك على تليفونك ^^^ألقاني المجني علي والجانــــــي

أواه ياجرح ذبح مطعونــك^^^خلاني أنزف كل دم شريانـــــــي

وخلاني أشكي أورده يشكونك^^^وخلاني وخلاني وخلانــــــي

وخلاني مجنونك وأنا مجنونك^^^وسواس قام يوسوسه شيطاني

هو ليش؟لأني ماقدرت أصونك^^^ولا لأن واثق بخلانـــــــــــــي

ولاعشان أني عطشت مزونك^^^ولا عشان الأبيض من ألوانــــي

لا صرت أراجع كهكهات عيونك^^^وشلون كانت تتبسم لأجفاني

ولا صرت دلوعي كذا يسمونك^^^وألحين أدورني ولا ألقانـــــي

ولا صرت أموت بكل لحظه دونك^^^ماعاد ألحق دنيتي وأمداني

ولا صرت أشوف الهم يصرخ عونك^^^ولا صار الدمع ينتثر مجاني

عيوني اللي بليا سبب يبكونك^^^مع أني ما أذكر أحد قد بكاني

ولا صرت أشوف الكون كله كونك^^^ياخذني عن أقرب وأعز أخواني

أخر طلب وأضلوعي يترجونك^^^وهالطلب ياروحي ويا وجداني

تكفى أبي تعلمني كيف أخونك^^^شوف الوفاء وين الوفاء وداني

للمبـــدع ( الحميـــــدي الشمــــــــري)
تحيااااااااااااااااتى لكم