كـلٍ علـى طبعـه يجيبـه حليـبـه

يالله تعدّيهـا علـى خيـر وتصـيـب
مـن حدّنـي أكتـب خمالـه وعيبـه


يبغى الصّراحه مابها شـك ولا ريـب
باقولهـا والـنـاس كــلٍ وطيـبـه


الـحـر ماينـفـع بلـيّـا مخالـيـب
والعقـل للرجّـال زيـنـه وهيـبـه


والسّالفـه ماهـي بلحيـة مواجـيـب
كـلٍ علـى طبعـه يجيبـه حليـبـه


بعض المنابـت بالمراجـل عذاريـب
وبعض المنابـت للمراجـل خصيبـه


رجلٍ يبـي طاريـه عنـد الأشانيـب
ورجـلٍ يبـي طاريـه عنـد الحبيبـه


ورجـلٍ يـودّي بالسواليـف ويجيـب
ورجـلٍ سواليفـه لفعـلـه تجيـبـه


ورجلٍ يغض الطّرف عن جارة صحيب
ورجلٍ عيونه فـي محـارم صحيبـه

ورجلٍ تسـد بغـيبته يومـه أيغـيب
ورجلٍ ولا تـقـدر تســد أمغـيبـه

ورجل يغيب ويفقدونـه هـل الطيـب
ورجلٍ ليامن غـاب ماحـدٍ دري بـه


ورجلٍ تشوف بخوّتـه لـك مكاسيـب
ورجلٍ تشـوف بخوّتـه لـك غليبـه


ورجلٍ إذا أخطى يرى نفسـه مصيـب
ورجـلٍ إذا إخطـى يراهـا مصيبـه


قلت الصّراحه مابهـا شـك أو ريـب
كـلٍ علـى طبعـه يجيبـه حليـبـه


بهـلك مـا والـلـه ملاقـيـن عـيب
تـاجٍ على روس المرا جل وهـيبـه




إشره وشرّه كـان تبغـى المواجيـب
عط حـق تاخـذ حـق مابـه معيبـه

مشعل


لاهنت على النقل الرائع


وصح لسان شاعرها

لك تحياتي وتقديري

صح السان الشاعر وسلمت يمناك اخوي مشعل

تحياتي لك وتقديري

مشكوووووور والله يعطيك الف عافيه

مشكوررررريــن على الردود الجميلهـــــ

لاهنت يابدر على هذا الاختيار الرائع

لاهنت على هذه القصيده التي امتعتنا
دمت بكل خير ان شاء الله ...

أعجبتني جداً هذه القصيدة الشامخة ...وصف حقيقي لمنازل الرجال .. صح الله لسان شاعرها وسلم الله يمين ناقلها


صدق ورب الكعبة(كـلٍ علـى طبعـه يجيبـه حليـبـه)