الوديعه

#1 09-26-2007, 09:07 PM

كل وما قدم مـع النـاس يلقـاه=كلٍ على ما قيـل يلقـى صنيعـه
ما قدمت يمنـاك فعلـك وتجـزاه=مثل الوديعه عنـد راع الوديعـه
ترى الجزاء جنس العمل لا تناساه=والظالـم اللـي بـادي بالنزيعـه
العين فيها العين والسن بسـواه=هذا الذي نصت عليـه الشريعـه
واليوم بعض الناس طيبه مضاهاه=يا قل من تلقـاه طيبـه طبيعـه
وترى الذي ما فيه خيـر لدنايـاه=ولو أعجبك عن بعد برقة لميعـه
ما فيه خيـر ولا توقـع عطايـاه=أن ما جفاك الصبح يجفى تبيعـه
هذا تراه اليـوم واجـد حلايـاه=متسيدين الطيب كـذب وخديعـه
هذا رفيق رفقتـه بـس هاهـاه=رفيق ضحك وكـل خبـلٍ يطيعـه
لا من بغيته كن عـذره بمخبـاه=العـذر جاهـز والنوايـا شنيعـه
خله يولي وابرك الوقـت فرقـاه=واخير من جمعاه بـاب القطيعـه
ولو كان عنده حاجتك لا ترجـاه=خلك عزيز وخل نفسـك رفيعـه
من هان نفسه كل رجـلٍ توطـاه=ومن عزها ما ذاق طعم الهزيعـه
وأما الرفيق اللي ليا ضقت تنصاه=وله وقفت لا جيت يمـه سريعـه
ما هوب يذخر عنك مال ولا جـاه=وياقف معك بكـل مـا يستطيعـه
احرص عليه ولا تفرط بشـرواه=اللي شراك احـذر تفكـر تبيعـه

هاجد السبيعي