الشاعر المرحوم رشيد بن عواد

وهذه قصيده رثاء للشاعر / رشيد بن عواد الرشيدي في رثاء حباب السندي



حبـاب راح وكلبـونـا فقـدنـاه
راع المعرفـه والوفـا والجمالـه
ما يرجعه كثر البكـا لـو بكينـاه
يومه وقف وقفـا وقفـت رحالـه
اليا صارت الدعوه وكبرت نصيناه
وأستقبل الدعوه بهـدوء وسهالـه
يحلهـا بالـراي والفكـر والجـاه
وأن كانها بالمـال يسـوق مالـه
اليا لبس بشت ٍ فوق الامتان تزهاه
والفـرد والغتـره وزيـن عقالـه
ياقف لها وقفت جمل مكـره عـداه
ما يلحقه منها زمـل بـأي حالـه
يفوز أبو هندي على مـن تحـداه
بالحق ماهو فـي طريـق البطالـه
مثل النـداوي والنـداوي حلايـاه
حبـاب شيـال الحمـول الثقالـه
اشهد شهادة حق ما هي مضاهـاه
ان أبو هندي مـا نحصـل بدالـه
أقولهـا بجهـار ماهـي منـاجـاه
واللي زعل يشرب من الماء حثاله
راع المزايـا الطيبـه مانسيـنـاه
يذكر علينا كـل مـا جـا مجالـه
عسـاه بالجنـه محلـه ومـثـواه
وعسى العوض عقبه بحضرة عياله
عساه يطلع واحـد ٍ مثـل شـرواه
والا علـى حـده بكـل المقـالـه
من لابـة ٍ مثـل الذهبـه مصفـاه
وأساسهم مثل الذهب عـن ريالـه
ربعه حمول الخيـل يـوم الملاقـاه
ولاخير باللـي مـا لقولـه دلالـه
فكاكـة الخلفـات يـوم المثـاراه
اليا طار ستر أممشطـات البلالـه
...الله يرحمهما جميعاا....

رحمهم الله وأسكنهم فسيح جناته

رحمهم الله وغفر الله لهم ولموات المسلمين سلمت الايادي على هذا الاختيار
للشعراء الكبار والتي يبقى لهم في صفحة التاريخ مجداً عميق دام عطائك

الف الف شكر ع المرور العذب

وعسى العوض عقبه بحضرة عياله
عساه يطلع واحـد ٍ مثـل شـرواه
والا علـى حـده بكـل المقـالـه
من لابـة ٍ مثـل الذهبـه مصفـاه
وأساسهم مثل الذهب عـن ريالـه
ربعه حمول الخيـل يـوم الملاقـاه
ولاخير باللـي مـا لقولـه دلالـه
فكاكـة الخلفـات يـوم المثـاراه
اليا طار ستر أممشطـات البلالـه
..
الله يرحمهم ويسكنهم الجنه
لاهنت ع النقل الرااائع وبدايه موفقه
كلي شوق لجديدك

رحمهما الله جميعاً

لاهنت على الطرح

تحياتي لك

الف الف شكر ع المرور

رحمه الله

وأحسنت الاختيار لهذه الأبيات الرائعة