ابن شلاح يتوجد @

حين ينصاك شخص عزيز و شاعر*
فأين المفر ؟
الأخ / يوسف بن سالم بن شلاح أصابه ما أصابه و قتله الوجد على عزيز قلبه و مصدر
بهجته و رونقه فأنشأ يفوح فوحاً منعشاً
يلهب المشاعر و يخنق القلب بالاحاسس
بما بِهِ..

فمنا إليكم...*

ياكثر ما نفقد من الناس غالين=
أقفت بهم دنيا العناء بظرف ساعة

ناسٍ بهالدنيا وناسٍ مقفين=
أبطأهم اللي ما تدارك وداعة

شخصٍ رحل عنها وشخصٍ لا هالحين=
بين الظروف القاسية والقطاعة

لكن يا عادل لي خويٍ على الدين=
ما لي من الصدة لردة مطاعة

لو حاجتي له:حاجة العين للعين=
من منطلق خلق الفضاء وإتساعه!

اللي اليا اختلت كفوف الموازين=
رْجَّحت به كفة حمياء وشجاعة

واليا ذكرت انه من الربع الادنين=
عادلت به كفة فزوع الجماعة

اخذت لي من صدته سجت سنين=
وش مزعله؟ وش سبة الإنقطاعة؟

وقعدت احسب ذنوب دنياي عامين=
ما شفت منهن ما يكدر سماعه

مدري يا عادل طاع بي هرج واشين؟=
والا هبوب الحظ خانت شراعه؟!

الشاعر / يوسف سالم الرشيدي

يوسف شاعر كبير

وما أجمل القصيد عندما يتغى باسمه

أبو أحمد لاهنت على نقل هذا التوجد

*صح لسان الشاعر يوسف على القصيده الرائعه.
ولاهنت اخوي عادل على الطرح الجميل.
تحياتي لك.

صح لسان الشاعر يوسف على القصيده الرائعه.
ولاهنت اخوي عادل على الطرح الجميل.
تحياتي لك.

بيض الله وجهك على هذي الشامخة وصح السانك وعتلا شانك
تحياتي لك

والشكــــــر منا لك أخي عادل وموصولاً إلى الشـــاعر يوسف الشلاحي


فعلا الشـــــــاعر الشلاحي (شـــاعر مشـــاعر) دائماً يفيض بقريحته الأصلية ويبتعد عن تصنع الأحداث والولوج

في نسج الخيال وهو المثلب الذي نجده في كل شاعر من شعار الســـاحة الشعرية الآن إلا ماندر..


الشــلاحي شاعـــر يجيد العزف على الأوتار الحساسة خاصة عند مايكتب قصيد المشاريه .. لأنها تنبع من قلب

مشفق صادق ..غير متلبس ولامتدلس .. هكذا عرفته أبا يوسف ونعم الرجل أسأل الله له التوفيق ..

وأسأل الله أن يرفق بحال المجتمع السعودي فقد نهشت بجسده النمائم الملعونة والوشاية المقيته..

ياكثر ما نفقد من الناس غالين=
أقفت بهم دنيا العناء بظرف ساعة

أكرر الشكر لك مرة أخرى ياروائي عبس

صح لسان الشاعر يوسف على القصيده الرائعه