فاجعة بنات حائل .. لــــــ مغااااااير

جلّ رب العباد اللي يسوق الزمن
قدّر لكل روحٍ عمر يمشيلها

لا أعتراضٍ على حكمك ياربي ولن
تجزع الروح والرحمة تعزي لها

وأنا رجل أغيب اليا أعتراني حزن
أتوارى عن العالم ولا أبيلها

للضلوع أرتجافه ولخفوقي غبن
وكل ماهدّت ضلوعي يناديلها

همٍ يموج منه القلب يطعن طعن
همٍ يطوّق أعماقي ويشكي لها

خيّم الحزن وأعماقي بهمي شدن
والمحاني تحادى ضيق وتشيلها

ضاقت الأرض وفجوج النواحي بكن
والسكك كلها توحش مداخيلها

وين أوجّه وأنا مالي بدالك وطن
وين والمملكه ما أرضى بتبديلها

دولةٍ للعدل فيها مقر وسكن
دولةٍ وجّب التاريخ تبجيلها

ياوطنا لو يدينك كرام وعطن
ذنب الارواح راح بذمة إكيلها

أدب الخاين اللي للسلامة ضمن
لاجل نطهر من الخوان ونزيلها

فاجعتنا عظيمه في شموعٍ طفن
فاجعتنا قوي الحيل مايشيلها

أثنى عش من بناتك ياوطنا غدن
في تفاصيل تذبحني تفاصيلها

ومعهم اللي ترك ثنتين وأم تون
وأخته اللي فجعها فقد غاليلها

ومعهم اللي توفى والحفوه الكفن
ودع الدار وأنفاسه تومي لها

لو دفنّا فقيدات الوطن ما أندفن
حزن قومٍ تحِسرِها يغني لها

جعلهم يا إلهي وسط جنة عدن
كل روحٍ بفردوسك مداهيلها

ويالله إنك تصبّر كل حلوة لبن
وكل أبٍ كبت حزنه ويدعي لها

عبدالله عواد
( مغاير )

جعلهم يا إلهي وسط جنة عدن
كل روحٍ بفردوسك مداهيلها
ويالله إنك تصبّر كل حلوة لبن
وكل أبٍ كبت حزنه ويدعي لها

صح اللسان الشاعر عبدالله عواد (مغاير)
أبن مدعث كل الشكر لك وبلغ سلام للأخ العزيز مغاير

عافاك الله يالنايف

ويبلغ السلام ان شاء الله

تحيتي لك ولي مرووورك العذب

صح السان الشاعر مغاير ابيات تحكي عن معاناة مريرها عاشها الجميع وسلمت يمناك يا مدعث على النقل الجميل

تحياتي لك

أحسن الله عزاء الجميع ...


رحمهن الله وغفر لهن وأسكنهن فسيح الجنان


صح لسان مغاير وتسلم يمينك على النقل يابن مدعث

صح لسان مغاير وتسلم يمينك على النقل يابن مدعث

.
.
.
حآدثه ..
فآجعه ..
آلم ..
معآنآه ..
مآزلنآ نتجرع مرآرة مآحدث ..
مآزلنآ نتآلم ممآ حدث وصآر ..

آللهم آسكنهم فسيح جنآتك يآرب ألعألمين ..

صح لسآن عبدآلله على هالقصيده المميزه ...
وتسلم يمينك محمد على آلطرح المميز ..
ربي يعآفيك ويديمك لمن آحببت ..

رحم الله الفقيدات رحمة واسعةوالهم اهلهن وذويهن الصبر والسلوان

وصح لسان الشاعر عبدالله عواد (مغاير) وسلمت يمينك يابن مدعث

علي حسن الاختيار تحياتي وتقديري لك