تغطيه لحفل الشيخ سرهيد ابن عمير

اخواني اخواتي

السلام عليكم ورحمة الله وبركاته

اسعد الله اوقاتكم بكل خير

يسر لي ان انقل لكم تغطية حفل الشيخ / سرهيد بن عمير القلادي بمناسبة تعينه معرفاً على جماعته ال عمير من القلادان من بني رشيد وكان هناك جمعاً غفيراً من المهنئين من شيوخ واعيان القبيله و شيوخ من قبائل اخرى وكما حضر الحفل شعراء بارزين امثال معيتق العويمري ومشعل النون وعبيدالله دعيع القلادي وسعد غاطي القلادي
واليكم بعضاً من الصور والقصايد التي تم التقاطها بالحفل

هذه قصيده سلام للشاعر عبيدالله دعيع القلادي

سـلام ياخـادم البيتيـن والأمّـه=سلام ياسيـدي سلطـان وأخوانـه
سلام يأمير حائـل والنظـر يمّـه=سلام يا نائـب الأميـر واعوانـه
أمير حائل سعـود وبالغـلا ضمّـه=حتى لبس فوق راس العز تيجانـه
يا ملوكنا اللي سكنتوا عالي القمّـه=سجل لكم صفحة التاريخ عنوانـه
الياورتوا شربتوا صافـي الجمّـه=يوم أن بعض الكبود تموت عطشانه
عيال عودٍ حكم لـم الوطـن لمّـه=بالحق والعـدل قـوى الله بنيانـه
عبدالعزيز البطل سم البطـل سمّـه=اللي تعلى سنـام المجـد سلطانـه
صقر الجزيرة ونصر الدين هو همّه=عساه في جنة الفردوس مسكانـه
نهدي لكم عودٍ أزرق ما حلى شمّه=ساقه قصيد الرشيدي فاح ريحانـه
الطيب خال الرشيدي والوفاء عمّه=وأبوه ساس الكرم من ساس جدانه
فيه المرؤه رضعها من حليب أمّـه=حتى كبر بالمرؤه وأعتلـى شانـه
مافيه عبسي خرج عن طاعة إلامّه=ولافيه عبسي سمعنا خان بإيمانـه
الدين يفديه في روحه وفـي دمّـه=ويفدي مليكه ويفدي تربة أوطانـه
بالحرب تلقى الرشيدي عالي الهمّه=فعله يبرهن لامـن طـب ميدانـه
من شأن دينه يموت الموت ماهمّه=يفرح صديقه ويزعل كل عدوانـه
كل القبائل لفعـل الطيـب منظمّـه=أفعالهـم دائمـاً جزلـه وماليانـه
يوم أن بعض الأوادم مالهـم ذمّـه=خانت عهود الله المعبود سبحانـه
اللي يخون الوطن والديـن لاذمّـه=أطعن جنابه وجود حلـق شيطانـه
وأقول سبع الفواسق فيك يالرّ مّـه=يا خاين الدين موت النفس منهانه
السيف الأحدب لرأس مضيّع اليمّه=يشيل من خان دينه والوطن خانـه
أقولهـا أمامكـم والنـاس ملتمّـه=من شاعرٍ صدق قلبه قاله لسانـه
وأختمامها لأبو متعب قائـد الأمّـه=تحيه الديـن والأسـلام وأركانـه

شعر عبيدالله دعيع بن عمير الرشيدي

وهذه بعضاً من صور الحفل


رجال الاعمال الشيخ سعود بن عابد والشيخ عبيد بن دعيع و الاستاذ سامي


عبدالمجيد الرشيدي ومشعل النون


الشيخ سرهيد ال عمير


جانب من حضور الحفل


اعضاء من منتديات منطقة حائل


الشاعر رشيد بن معدي و الشيخ دليم بن براك والشاعر فوزي بن مربح والشيخ سعود بن عابد


تصوير عبدالمجيد الرشيدي وفهد الشامان
هذا ولكم خالص التحيه