قصيدة ثناء في ابن هدباء

هذه القصيده في ابن الدليله ابن هدباء الرشيدي



اليكم

يالله يالمعبود ياعالم الغيب =انك تقديني على الاستقامه
وتعين من يبغى الوفا للمواجيب=في حميد ابن هدباء امير العدامه
ياهاجــسي رتــبلي القاف ترتيب=القلب شاف اللي يكدر منامه
سلا م يار عا الوفا والـــمواجيب=عداد مالاحت بروق الــغمامــه
ياراعي الفزعات عطب المضاريب=فزعت للي منتخيك بكلامه
جيتك وراع السجن مقضوب تهريب=وطشيت من راسي عليك العمامه
واعبيد ابن هدباء رسول المكاتيب=وانا اتحرى للوكيد بسهامه
وانته يابو محمد تحل الاصاعيب=ومكانتك بالطيب ذروة سنامه
وابوك قبلك ياعطيب المضاريب=متعلمن بين الوفاء والزعامه
تقول لا يلحقك شك ولا ريب=واقول عندك ماتضيع الكرامه
ياللي اليا جات الدهيات ماتغيب=احزام للي مرتخنبه حزامه
حرن شلعت وماكرك بالمراقيب=عوق الخصيم اللي صعيب خصامه
يافزعتي من بين كل الاصاحيب=وياذخر من حاله يقن في هدامه
ولاتلوم من جالك من العالم مصيب=انتم ذرانا ياعيال الجهامه
من ضلع حايل لين ترد المقاضيب=ومن نيره الين ترد بتهامه
محد ذكركم غير بالجود والطيب=الله من جوده عليكم ادامه
من جدك اللي نازلن يالمشاهيب=شرق من ارطاة المحير وعدامه
الين بيتك ياحصان الاطاليب=وانتم تقودون القنا والجهامه
هذاه قولي واقنبه قنبة الذيب=وهذاه توقيعي وبصمة ابهامه
وصلات ربي عد مانجم يغيب=على نبي بالحقيقه كلامه

يعطيك العافية وماطلبت شي

جااااااااااااري تنسيقهـ

اهلاً وسهلاً فيك

اخوي / محمد

وانتـه يابـو محمـد تحـل الاصاعيـب***ومكـانـتـك بالـطـيـب ذروة سـنـامــه

وابـوك قبلـك ياعطيـب المضـاريـب***متعـلـمـن بـيــن الـوفــاء والـزعـامـه

كفو كفو كفو
وصح لسانك على هذه القصيده الشامخه والمميزه بجميع ماتحمل بطياتها

ويستاهل كل من نسج من اجله ذلك

تم التنسيق

وتقبل فائق تحياتي وتقديري

صح لسانك واعتلا شانك

صح السانك وسلم بوحك ويستاهل المدح من يحوز عليه

بيض الله وجهك تحياتي لك

صح السانك واعتلاء شانك وبيش الله وجهك ويستاهل المدح من يحصل علي الطيب

تحياتي وتقديري لك

صح لسانك يابن هدباء

لاهنت

صح لسانك ....