لو كل من رام الطويله جلبها

ما بين دمعات العيون وهدبها=الا تقلب صوتك يا ضنى الروح
تنزع سعادتها وتقتل نسبها=وتقول لك مهما جرا منك مسموح
النور منها طيف خدك نهبها=اصبحت مصدرها على كل مصلوح
كم ونت في القلب لجلك جذبها=راعي عيون بالغلا هدة صروح
تدري متى عيني تقل بادبها=يوم يغمض جفني على خد مملوح
ارهاب اعصاب الخلايا سببها=انك على ماقيل تشتاق وتروح
الحب عذب نفسي اللي غلبها=واصبحت بعيون المخاليق مفضوح
نفسي لو تنفذ لنفسي طلبها=ما كان صار الحلق بالصوت مبحوح
لو كل من رام الطويله جلبها=ما كان عشت الليل ساهر ومطروح
والروح لو تقدر تفارق ذربها=كان استباحت نور الاعماق بوضوح
واللي فقد حاجه ثمينه ندبها=وانا ندبت عيون بالغيره تبوح
النار يتزايد بصدري لهبها=ودموع عيني من على خدي تلوح
لكن معى طول الحياه ونشبها=با اغير واهجد دام لي بال مشروح
القدس تنشد وين راحو عربها=والعين تنشد وين محبوبة الروح
كم جملة فالروح قلبي شربها=حتى غدى دم العلاقات مسفوح
لكن معى المزيون دوم احسبها=مادام قلبي يا اريش العين مجروح

صح السانك وعتلى شانك قصيده رائعه وجميله

تحياتي وتقديري لك

صح لسانك على هذه الابيات

تحياتي لك

القدس تنشد وين راحو عربها
والعين تنشد وين محبوبة الروح
كم جملة فالروح قلبي شربها
حتى غدى دم العلاقات مسفوح

ابيات تستحق الاشادة والتصفيق الحار صح السانك ياناصر الشريف
تقبل تحياتي لك وتقديري

قصيدة تستحق الاشادة والتصفيق الحار صح السانك ياناصر الشريف
تحياتي وتقديري لك

لاهنت ياناصر على هذه الرائعة , ودائماً ما نستمتع بقصائدك الرائعة

صح الله لسانك