ازاور قبرها

السلام عليكم

اسمحولي اليوم اقدم لكم هذي القصيده الحزينه

للمبدع والهرم الشعري

الشاااعر : سعود الفهد

اتمنى تنال اعجابكم


طرت لي تربةٍ حلو ثراها ............... عسى ربي من الغيمه سقاها

طرى لي قبر محمول التهايا ............... آلا ياويـــل روحي واعناها

أزاور قبرها في كل ساعة...............وصار القبر غالي من غلاها

تزيد أجروح قلبي يوم أجيها ...............وأقبــّـــل رملها ويا حصاها

أكلمها ولا تسمع كلامي ............... ولا تدري بروحي وش لفاها

لفاها هم وهوجاس وعلــّــه ...............وحتى العين خايف من عماها

آلا وشلون نسلى كيف نسلى...............وجرح الروح مفقودٍ دواها

آلا وشلون ننسى كيف ننسى ............... وروحي زايد فيها شقاها

هي اللي دايماً تتبع رضايا ...............وأنا صافيتها وأتبع رضاها

ولكن القدر لا بدّ منـّـه............... أقول اللي خلقها هو خذاها

بقى تذكار حبي لرحيله............... ثبت بالقلب مايرحل معاها

بقى ذكرى عيوني في عيونه ...............حشى لله قلبي مانساها

آلا ياقبر ما والله أنسى ............... وشلون أم الولد تنسى ضناها

آلا ياقبر لاتجرح جسدها ...............طلبتك لاتسبب في غثاها

حسايف جسمها الناعم حسايف............... حرام الدود يأكل من حشاها

ترفق زينها حذرى دماره............... آلا ياقبر لا ينفذ حلاها

يقوله من فقد كلّ السعادة ............... على فقدانها يكتب رثاهـا

كتبت اللي جرى لي بالقصيدة ............... لأجل يدري بحالي من قراها

ودمتم

منقول

جمعتي بين الاختيار والابداع صح السان الشاعر وسلمت يدك مفاهيم الخجل

دمتي بخير وعافية تحياتي لك

أشكرك على ذائقتك الشعرية

وأتمنى لك التوفيق

الله يعافيك ويسلمك اخوي مفلح

تسلم كله من ذوقك

صح الله بدنك يابن حوقان

لاهنت على المرور العطر

~~دمت كما تحب~~

أكلمها ولا تسمع كلامي ***** ولا تدري بروحي وش لفاها


لفاها هم وهوجاس وعلــّــه ***** وحتى العين خايف من عماها


آلا وشلون نسلى كيف نسلى ***** وجرح الروح مفقودٍ دواها

بصـــرآحــــة خـــاثـــرة حــدهــــا

أفصح لســان قــالهــا

مفاهيم الخجــــل تشكــــــر’’’آت

صح الله لسان شاعرها
شكراً كل الشكر على هذا الأختيار الرااااائع

... مفاهيم الخجل ...

.. أعجبني طرحك الراقي وبداية الموفقة ...