يابلادنـا حنـا جنـودك مـن جنـوب ومـن شـمـال

يابلادنـا حنـا جنـودك مـن جنـوب ومـن شـمـال = ونـرم لحدودالمملكـه شـرق(ن) غــرب اكبـادنـا
هــاذي بلـدنـا الغالـيـه دار الشـريـعـه والـعــدال= الـلــي فـداهــا اروحــنــا وامـوالـنــا و اولادنــــا
الـلـي غــلاه اغــلا مــن الام الحنـونـه للـعـيـال = ويجـري غـلاه مـع عـروق الـدم باقـصـا فـوادنـا
نـارد علـى حـوض المانايـا دونهـا وعنـف قـتـال = ونـمـوت تبـقـا الممـلـكـه بـامــن وعـــز بـلادنــا
اطهـر بلـد والشـرف بلـد بـالارض مافيهـا جـدال = والله وهـبـنـاهـا وفــــي حـكـامـهـا الله زادنــــا
ابناء زعيمن حطنا حراس بيت الله من بد الرجال = ولـعــز ديـــن الله ولحـمـاتـه ونــشــره قــادنــا
تحـت امــر حـكـام البـلـد رمزالعـروبـه والنـضـال = نـاقـف بـوجـه الـشـر دون حـــدود دار اجـدادنــا
تبـت يديـن اهـل ضـلال ومـن تبعـهـم بالـضـلال = وتـقـصـر يـديـهـم دون قـادتـنـا ودون امـجـادنــا
ناقف بوجه اهل الحسد والحقـد شينيـن القبـال = علـى الشريـعـه والعـدالـه لــو يـطـول اجهـادنـا
وليا حدوا في يوم حرب ولولشو فـي كـل جـال = حـنــا نـهــار الــحــرب دون دار يــــوم اعـيـادنــا
ناطـا عليهـم مثـل ماتاطـا علـى الارض الجمـال = لاشــب نــار الـحـرب دون الـعـدل قــدح زنـادنــا
نـدكـهـم ميفـكـهـم مــنــا اتـحـصــن بـالـجـبـال = ولـيـا فنيـنـا احفـادهـم تلـعـن ثـواهــا احـفـادنـا
لـو مانـخـاف الله وبــس الـهـم غــزون وحـتـلال = يـومـيـن مايـقـفـون قـــدم جيـوشـنـا وفـرادنــا
حنـا نعلـم مـن يضيـع ونــدب الـلـي بــه هـبـال = ولـيـا هجـدنـا مانـسـا طــول الـعـمـر مهـجـادنـا