جيتك وضوح ونقـآ

من آلارشيـف ... آحببت آن آقدمهــأإ لكم ..

يآحيرتٍ رافقت بالي الطويل الوسيع=يادربي المر يامر الهوى ياصعبه

لي خاطرٍ منك عيـآ يستقر ويطيع=ماذللته الليالي رغم ماتتعبه

ياكم يشب بحشايه هم جرحٍ يليع=عليك ياللي عجزت أسايره وأغلبه

الوضع بيني وبينك صار امره مريع=مابين تترك وصالي أو تجي تطلبه

مرات أحسك لو أبعد عن عيونك تضيع=حتى خيالي من عيون العرب تسلبه

ومرات لو احترق في وسط جمر وليع=ماتطفي النار لكن بالجفا تسكبه

ماجيت يمك كذب ماجيت يمك خديع=جيتك اقدم لك أسمى مآنوجد وآعذبه

جيتك وسط نآظري دمعات طفلٍ رضيع=آقصى طموحه ودادك والغلا يكسبه

جيتك وضوح ونقـآ ماجيت يمك هجيع=جيتك وانا كل دربٍ بالوفاء أضربه

جيتك أحث القدم بالسير هون وسريع=جيتك وابترك وراي الهموم المتعبه

ياصاحبي شلت قدرك فوق روس الجميع=لينتْ لك كل قاسي وانخضع أصلبه

في ذمتك صون قلبي قدر ماتستطيع=لاتمثل الحب دور وتبتلش تلعبه

أنا نصيتك وابيك تكون سدي المنيع=عن كل جرح يحاول عالمي يجلبه

كلمــأإتي ..

..


..

يعطيك العافية على النقل الرائع تحياتي لك

ختيارجميل وراااااااااااااااااااقي
تحياتي لك

صـــح لســأإن الجميع ..

بس يا اخواني القصيده لي ,, ماهيب منقـــــوله .. لو كانت منقوله ماحطيتها بهالقسم ...

للمعلوميه بس ؛

كنت منزلتها بـ نك سـأإبق لي ,, اللي هو ( هواجيس ) .. علشــأإن مايكون في آشتباهه ...

ابيات تكتب من صميم الوجدان يزيد جمال الكلمات تتابع مفرداتها لتلحم بإيصال
معلومة غميقة بكل مقاييس الانظار هماليل مبدعة دائم صح السانك وسلم بوحك دمتي بخير

صح لسانك ياهماليل وتستحق التثبيت
تحياتي لكِ.

المشاركة الأصلية كتبت بواسطة مفلح الخضيري

ابيات تكتب من صميم الوجدان يزيد جمال الكلمات تتابع مفرداتها لتلحم بإيصال
معلومة غميقة بكل مقاييس الانظار هماليل مبدعة دائم صح السانك وسلم بوحك دمتي بخير

كــلأإم جمــيل ومرور له حجمــه .. من صاحب الكلمه الراقي ,, الاخ مفلح الخضيري ,,

لاهنت ياطويل العمر وصح بدنك..

المشاركة الأصلية كتبت بواسطة عبدالمجيد الهرسان

صح لسانك ياهماليل وتستحق التثبيت
تحياتي لكِ.

وصح بدنك , ياطووويل العمــر ,,

الف شكــر على تثبيتك للقصيده وهذا بحد ذآته رد مميز ..

لاهنـت ..