منتديات سلايل عبس | بني رشيد - مولتن كيك "Chocolate Lava Cake

المكونات :

نصف أصبع زبده غير مملحة + حوالي ملعقة لدهن القوالب .

ملعقتين صغار طحين أبيض

ملعقتين طعام كاكاو

رشة ملح

سكر ناعم للتزين

٦٠ جم شكولاته غامقة

بيضه كامله

صفار بيضتين

٣/٤ كوب سكر أبيض يفضل يكون ناعم بس موب مطحوووون .

أول شي تدهنين صحون سيراميك ( صحون سوفليه بزبدة دافيه ) بعدين حطيها في الثلاجة أنا أستخدمت صحون حجمها ٣/٤ كوب تقريبا .

الحين شغلي الفرن على ٣٥٠ فهرنهايت .

أنخلي الكاكاو مع الملح و السكر في صحن .

بعدين في حمام مائي ذوبي الشكولاته مع الزبدة مع التحريك طبعا إلين تسير ناعمه .

زي كذا :

http://up.shamoa.com/uploads/images/...bfe3d193a4.jpg

الحين شيليها من الحمام و أخلطي معاها السكر و الملح و الكاكاو .

بعدين أخلطي عليها صفار البيضتين وحركي زين وبعدين البيضة الكاملة و الطحين . بعد هذي المرحلة حاولي ما تركين كثير إلين ينخلط بس .

http://up.shamoa.com/uploads/images/...537c73a3e6.jpg

الحين وزعيها على القوالب اللي سويتيها وبعدين على الفرن على طول .

الحلو في الوصفة هذي إنه يمديك تسوين الخلطة قبلها بيوم ، يعني للعزايم تنفعكم .

خليها في الفرن حوالي ٢٠ دقيقة يمكن أكثر ويمكن أقل ، المفروض تكون الأطراف بدت تستوي بس الوسط يلمع شوي ولو دخلتي عود يطلع وعليه خلطة .

http://up.shamoa.com/uploads/images/...89a3851917.jpg

طلعيها من الفرن خليها بس شوي تبرد بعدين بسكين فكي الأطراف و أقليها على صحن وزينيها عاد حسب رغبتك .

http://up.shamoa.com/uploads/images/...37aa17df80.jpg

http://up.shamoa.com/uploads/images/...59c0f3f2c0.jpg

http://up.shamoa.com/uploads/images/...20e256dd2e.jpg

وباالعافيه ياحلوين