يالله تعديها على خير....

بسم الله الرحمن الرحيم

السلام عليكم ورحمة الله وبركاته

يالله تعديهـا علـى خيـر وتصـيـب **** مـن حدنـي أكتـب خمالـه وعيبـه

يبغى الصّراحه مآبها شـك أو ريـب**** باقولهـا والـنـاس كــلٍ وطيـبـه

الـحـر ماينـفـع بلـيّـا مخالـيـب**** والعقـل للرجّـال زيـنـه وهيبة

والسّالفـه ماهـي بلحيـة مواجـيـب**** كـلٍ علـى طبعـه يجيبـه حليـبـه

بعض المنابـت بالمراجـل عذاريـب**** وبعض المنابـت للمراجـل خصيبة

رجلٍ يبـي طاريـه عنـد الأشانيـب**** ورجـلٍ يبـي طاريـه عنـد الحبيبة

ورجـلٍ يـودّي بالسواليـف ويجيـب****ورجـلٍ سواليفـه لفعـلـه تجيـبـه

ورجلٍ يغض الطّرف عن جارة صحيب ****ورجلٍ عيونه فـي محـارم صحيبـه

ورجل يغيب ويفقدونـه هـل الطيـب**** ورجلٍ ليامن غـاب ماحـدٍ دري بـه

ورجلٍ تشوف بخوّتـه لـك مكاسيـب**** ورجلٍ تشـوف بخوّتـه لـك غلبيه

ورجلٍ إذا أخطى يرى نفسـه مصيـب**** ورجـلٍ إذا أخطى يراهـا مصيبة

قلت الصّراحه مابهـا شـك أو ريـب**** كـلٍ علـى طبعـه يجيبـه حلبيه

إشره وشرّه كـان تبغـى المواجيـب**** عط حـق تأخذ حـق ما بـه معيبة

مما راقى لي

كل الشكرلك على الابيات الرائعه

جمرة غضى ... أشكرك على الابيات الرائعه

يسلمك ربي يالغالي وشكرا على كلماتك الطيبه

لاهنت على هذا الاختيار

أشكرلك على النقل قصيده المميزه
تحياتي لك

لاهنت على هذا الاختيار

ابيات تعتبر مدرسه كامله
اختيار جميل ياجمرة غضى