كريم يابارق يبرق علـى الحره

كريم يابارق يبرق علـى الحـره =.عيني تخيله وانا طرقي ووحداني

خلته وعيني تلم الشـوف وتثـره = مرات ظلما ومرات احمر قانـي

برق رفيفـه يقـد الليـل ويقـره = من السما للثرى لين السماء ثانـي

برق خذَ قلبي الساهي على غـره.=جعله على دار حيانـي وجدانـي

وأنا لربعي ليا باح لمـدى سـره = لاقلت ربعي يجيك العلم من داني

ربع لهم في مداهيـل السماجـره=ياطيبهم للخوي والجار والعانـي

والمدح يظفي قميص العز ويزره = ماهو قصور بخلق الله ونقصانـي

واللاش ظنه عويذالله مـن شـره = أن كان وده على مـاود يحدانـي

اشوم عن مجلس الحقران والهذره = ابوي مبطي عن الهذرات وصاني

والوقت مايامن الرجال من غدره = والراس ماينحني كان الله أحياني

الشاعر الزعيم مساعد الرشيدي