طرائف من الشعر النبطي*

المشاركة الأصلية كتبت بواسطة ابن حوقان

طرائف جميلة جداً بحدود الأدب

النجمة أشكرك بعنف

يا هلا والله منور
البرررررررررنس
ربي يعافيك تقديري واحترامي لك
ولذوقك الراقي في الرد*

يقول الشاعر غالب بن منصور
ياللي تطق الباب لا تكسر الباب
الباب مفتوح من طلعة الشمس
أقلط على نار تولع بمشهاب
ما هوب قز بايح غازه من أمس


يقول ناصر بن شريم:
عسى الله ما يرعى الراعي
اثره عكروت طماعي
ضيع عنزي وأكل صاعي
وانا قلبي مثل الفايح
والله ما دون يدورها
والا ينقل خسايرها
وإن عيا حيثه خابرها
تليته للقاضي صالح

يقول علي الماجد في نصيحة لابنه:
اسمع يا ماجد يا ولدي
ما ودي تغر وعدي
اليا قلت لك أقض اللازم
تجي من ملعبك تعدي
واليا منك رحت وجيت
رح زمر كنك بستدي
يوم الخميس والجمعه
يا زينك لعب وطردي


تقول حصة العنزية:
يا عيال يا طول غربتكم
نصف الشهر ما تمضونه
حصيلكم بس كورتكم
والزود للشوق صابونه


يقول ابراهيم المزيد:
دخيل الله عن هرج السملج
اللي بالهذر أطلق لجامة
ألا ياليت ربي يوم سوى
عبيده حط بالطيب علامة
على شان الذي بالناس جاهل
يعرف الحر من برقا الجهامة

********************************

قلبي صحن دش شعر كوميدي


قلبي صحن دش وعيونك عربسـات
والبث حـي مباشـر مـن كلاماتـك

سلكي ولاسلكـي وعبـر المسافـات
يسري اثيرك في فضـاي وصفاتـك

القلب مخـرج والمشاعـر مذيعـات
والشـوق مبعـوث مراسـل لذاتـك

ارسال متواصل على خمس فتـرات
ينقل وقايـع مـا يصيـر بحياتـك

صورتك في فكري على سبع شاشات
وافضل برامـج سهرتـي ذكرياتـك

وارسال حسادك قطعتة عن السـات
بدلـت كيبلهـم بكيـبـل غـلاتـك

والغيت يا ثريـا الغـلا الأشتراكـات
ما عاد اشاهد غير مـا بـث ساتـك

لو شوشت ع البث كـل المحطـات
يلقـط رسيفـر خاطـري ذبذباتـك

جرب على ريموت الأحساس ضغطات
تلقـاه مــا يخـتـار الا قنـاتـك