انتصر ياس حبي وانتهى من رجايا !!!

انتصر ياس حبي وانتهى من رجايا
وابتدى الشك يظهر في خوافي ظنوني

أحسبك بقربك ودي تمشي معايا
ليش تقسى عليه وأنت قلبك حنوني

الله يسامحك ماظنيت هذا جزايا
ليه تبكي عيوني يامضنت عيوني

احسبك ماتصدق في هواى الدعايا
يوم انا فيك ماصدق ولو يعذولني

لاتقولون ياعذال ويش السوايا
انشدو من بدى بالهجر لاتنشدوني

انشدو من علي صده تحطم هوايا
عقب ذيك الصداقه كن مايعرفوني

صار حبي وحبك ياحبيبي روايه
مثلوه العواذل عن لقاك ابعدوني

دايم ارعي خيالك في صباح ومسايا
واذكر اسمك وانا اللي في هواك مغبوني

عط حنانك لغيري لاتسئل عن عنايا
خل ذكراك ليا وانتوا لاتذكروني

ياقمر وين نورك غاب واظلم سمايا
ليه سود الليالي تحول دونك ودوني

والله انه مصيبه من بيجبر عزايا
مير في عز نفسي كل شي يهوني

ليتني مادريت ولا عرفت النهايا
مير هذا مقدر لازم انه يكوني

مما رآق لــي