ان عذلت القلب زاد ابه الغلا

اقبلت تمشي مثل ظبي الفلا=من خجلها تجفل من اضلالها
اقبلت والقلب رحب ياهلا=والعيون استبشرت باقبالها
الظلام بنورها ادبر وانجلا=فتنة الدنيا صدق من قالها
في هدبها السود صرت مكبلا=وصرت اسير لخدها ولخالها
ان عذلت القلب زاد ابه الغلا=وان تركته بالضلوع اوما لها
كان قلبي بالقفول مقفلا=مافتح باب الغرام الا لها
صرت مجنونن بها دون الملا=لجلها لي بس شالت شالها
ماحدن قبلي ولابعدي ولا=غيري من الناس جا في بالها
يوم قالت لي نعم ماقلت لا=صارت الفلوه وانا خيالها
كنها الي في سما الكون اعتلا=ماحدن طاله ولحدن طالها
شد من ذيك المرابيع وجلا=واعجبه يصير من سلسالها
صار هو والليل بالزين ازملا=ذاك غرتها وذاك اسبالها

منقوول