شعراء بني رشيد في مدح القبيله

السلام عليكم ورحمة الله وبركاته:
هذه ابيات للشعراء رشايده في مدح القبيله واليكم هذه الابيات العطره
ومن شعرائهم

الشاعر عائض الأبيتر القلادي الرشيدي

أنتم عتيبه وحنا من عبس=قوم على الخيل عياله

وقال الشاعر حامد بن عجوين

حنا عيال عنتر بني عبس قديم=فارس الفرسان عطبين الرماه

وقال الفارس محمد بن بداي القلادي الرشيدي

هذي عوايدنا ليا ثور القبس=تلحق على درب الطلاب طلابه
حنا اهل العاده سلايل بني عبس=كم عايل يزمى وحنا عذابه

وقال الشاعر هديبان بن علي العويمري الرشيدي

بني رشيد اللي من الاول الى الان=سلاحهم يعبا الرأس المعادي
عيال عبس مطوعت كل طغيان=مثل الحرار اللي جردها الهدادي

وقال حميد بن فحيمان الرشيدي

هل نجعٍ من بني عبس وسار=وقر في ربعي الجزيرة واستدار
ودار عن يثرب بناحية الشمال=وغربي البيضا الى وادي البيار
وحدنا واد الرمه من صوب نجد=ومن ورا ضرغط ونقصر عن قفار
شف منازل قيس دار اجدادنا=يوم ينزل في حجا تلك الحرار
شف كلام النابغة ذبيان قال=من بني غطفان يفخر في نزار
اصلنا عدنان بالقول الصحيح=في مضر وفى معد وفي نزار

وقال الشاعر حميد بن فحيمان الرشيدي

شف كلام النابغه ذبيان قال=من بني غطفان يفخر في نزار
شف جليبه عندنا هرجٍ صحيح=كتبها كوفي على صفح الحجار
سميت ذبيانه بسم البداه=حوزن قطعاننا منها صدار

وقال عايد السندي الرشيدي

بني رشيد ليا حصل بيع الأرواح=شدوا على صم الرمك واعتلوها
صار اللقاء بمصقل الحد ورماح=كم مهرةٍ حدر المجوخ خذوها

وقال حباب السندي الرشيدي

ان كان تنشدني تراني رشيدي=أصلي وفصلي يافتى من بني عبس
بني رشيد اللي تضد الضديدي=كان الشفاه من الزعل ريقها يبس

وقال الشاعر عاصي بن عيد بن عطران الرشيدي

بني رشيد اهل الفخر والكرامه=فكاكه التالي بغيبان الأذهان
وشيوخنا كلٍ براسه زعامه=أهل الشرف من عصر نوح وعدنان

وقال الشاعر سمير بن راشد الرشيدي

هذي عوايدنا من اول وتالي=نماراتنا يشبع بها الطير والذيب
بني رشيد اللي تفك التوالي=فعولهم تعرف بوسط الأجانيب

وقال الشيخ محمد بن بداي الرشيدي

يوم ان سرد الخيل راحن مرج=هذا ذبيح وذا جظيع صويب
كم سابقٍ تسحب رسنها ممرج=عنها جدعنا واحدٍ مايهيب
عنها جدعنا واحدٍ يذهب السرب=ذيب ٍ لزيزوم السبايا ذيب
خلى عشى للطير وسباع الخلا=والبيض عقبه شققن الجيب

وقال رشيد بن عواد الرشيدي

قبيلتي ياوي والله قبيله=ضد الحريب وضد ضدان الأجناب
واللي حضر منهم تبين جميله=بقول انا بالنوب عن كل من غاب

وقال رشيد بن عواد الرشيدي

ربعي هل العاده مطانيخ الأولاد=مابي بلا وأنا اخبرهم ورايه
مثل الحرار اللي على الصيد وراد= والهم فخر بالطيب لاخر نهايه

وقال حميد بن فحيمان الرشيدي

بني رشيد اللي منازلهم العلا=وبني عبس حنا قبل قيل وقال
وبن قيس بن عيلان والدار دارنا=بها يدرك العليا نجيب الخال

وقال الشاعر عويض سالم الرشيدي

رشايده وقلوبهم صاملاتي=متعلمين لحشمة الضيف والجار

وقال حباب السندي

قبيلنا يوم اللقاء مانهابه=وان سلم منا بات بالليل مرعوب
بني رشيد معربين النسابه=اولاد عبس اللي لها الأصل منسوب

وقال حباب السندي الرشيدي

بني رشيد مطوعت كل ممرور=مروين حد الشلف وقت الزحامي
اشهد شهادة حق ماقلتها زور=ان الرشيدي للرشيدي يحامي

وقال الشاعر حميد بني فحيمان الرشيدي

حنا بني عبس والأخبار تكفينا=وحنا بني قيس والتاريخ يثبتنا
تعرف تواريخنا وتعرف مماشينا=ولابه قبائل يرد الفعل كادتنا
حنا بتاريخنا عدنان حوينا=لاشك دونه قبائل من قرابتنا
وفي قرن ثامن عيال الزول سمينا=يوم القبائل بغربي نجد ضدتنا

وقال الشاعر عزيز بن علي العويمري الرشيدي من نوع الدحه

خلينه قياق ظيوفه=سحم الظواري تحوفه
قطعنه اهليه من شوفه=يسكن بديارن خليه

وسلامتكم


كاتب هذه القصايد
عبدالمجيد الرشيدي

اجتهاد رائع وحضور موقر لاهنت يابو عايد

على هذي المقتطفات الرائعه تحياتي لك وتقديري

موضوع متعوب عليه الله يعطيك العافيه

يا عبد المجيد مشكوووووووور

الله يعطيك العافيه يابو عايد
لله درك

المشاركة الأصلية كتبت بواسطة مفلح الخضيري

اجتهاد رائع وحضور موقر لاهنت يابو عايد

على هذي المقتطفات الرائعه تحياتي لك وتقديري

الله لايهينك ابو نايف

شاكر لك هذا المرور العطر

تحياتي لك

المشاركة الأصلية كتبت بواسطة مشاغب

موضوع متعوب عليه الله يعطيك العافيه

يا عبد المجيد مشكوووووووور

ويستاهل انه يكون في هذا المنتدى كي ابناء العمومه يشاهدون بعضاً من الابيات الشعريه في مدح قبيلتهم في الماضي وهذه الابيات جاءت من شعراء القبيله


والوفاء والمدح والعز موجود في رجالها

الله يعافيك

شاكر لك هذا المرور الجميل

تحياتي

المشاركة الأصلية كتبت بواسطة احمد السندى

الله يعطيك العافيه يابو عايد
لله درك

الله يعافيك اخي احمد السندي

شاكر لك هذا المرور العطر

تحياتي لك

لاهنت وبيض الله وجهك