نـــــــار الصــــــــــــــــــــــــــــمت

بسم الله الرجمن الرحيم


اقدم لكم هده القصيد واتمنا ان تعجبكم000



صالت هواجيسي وجالت حررت 000 نبذه عن الواقع بقاف ٍ بديته



على الشريعه من كرم خالقي سرت 000 وبحدودها حق القرابه رعيته



كم مرتن خطا القريبين صغرت 000 لوكان مكتوب ٍ بخط ٍ محيته



راع الخطا مع زلته ماتحدرت 000 بالعكس رجم العفو شمت ورقيته



مهما حصل من حظرته ماتكاثرت 000 وصارعت غيض النفس حتى قويته



ماهي ضعافه يوم عنه تقتقرت 000 بين الشنب والدقن وضعه لقيته



وليا نصاني بحاجة ٍ ماتأخرت 000 ان مانفعته بالزمن ماشنيته



ارتاح لامني لك الله تذكرت 000 كلمة نبي ٍ طايعه ماعصيته



واهل الوفاء والطيب فيهم تفاخرت000 منزالهم بقصا الظماير بنيته



وكم واحدن من قاصي الناس قدرت 000 اللي يقدر جيتي لانصيته



من الصغرعن واجبي ماتعذرت 000 وهبه من اللي في صلاتي دعيته



وبعلاج راع النمنمه ماتحيرت 000 اشعلت نار الصمت وفيها شويته



رغم الظروف بدنيتي ماتضجرت 000 فضل الصبر بكتاب ربي قريته



اخذت من كنز القناعه وكثرت 000 ما قدر المولا علينا رضيته



الشاعر/ صلاح مطلق بن بدوي المظيبري

</i>

صح لسانك واعتلا شانك يا صلاح على هذه القصيدة

اخذت من كنز القناعه وكثرت 000 ما قدر المولا علينا رضيته

صح لسانك على الأبيات الرائعه ...اشكرك

صح لسان الشاعر صلاح مطلق

أحسنت الإختيار

	مشكوووووور والله يعطيك الف عافيه

صح لسانك واعتلا شانك على هذه القصيدة
بنتظار جديدك

رغم الظروف بدنيتي ماتضجرت 000 فضل الصبر بكتاب ربي قريته



اخذت من كنز القناعه وكثرت 000 ما قدر المولا علينا رضيته

الله يعطيك العافيه على القصيده الراااائعه

أشكرك على الاختيار الرائع