قل للفلوس اثيابنا ساده ولافيهــا جيــوب
يللي ماعندك مال وش لك فى الجيوب اتحطها

تدري إن حطك جيب خالي ذنب من أقوى الذنوب
لاتبلش إبها قبل تاطاك ألامور أتوطها

فقير لكن مايعيب الفقر فيني غير ثوب
وانا بلادٍ صعب تفصل بحرها عن شطها

خل ألاوادم عاد مختلفين غالب وامغلوب
احظوظ تلعب دورها .. واحظوظ واضح لطهــا

لولا ألامل بالله كان اتوقفت خضر القلوب
الارزاق والاعمار ربي في كتابه خطهـا

العمر فى الدنيا ورق ..والموت فى الدنيا هبوب
أدناة هبّه ماوقف أثقل ورق في خطها

فتىٍ ما يُحّسب فى الرخا ماهوب فى الضيق امحسوب
شهادةً أشهد بها لله ولا أغطهــا

دحلان له (غزه) ورام الله (لجبريل الرجوب)
وبحيرة البترول بالبنزين يسبح بطهـا

اللي مايضماء مايقدّر لذة الماي الشروب
واللي مايعرف شالها .. واللي مايدري حطها

فلا تصدّق فى المزون إلا لاخايلت النصوب
وصيةً وصّابها اللي كل قمه نطهـا



راية الشعر/ علي بن حمري

آلمستحيلآت : سبعةة ، ثآأإمنهآ آن تجدْ مثليّ ..! ً ♡