الفتاة العاملة فمجتمعنا وخاصة الغير متزوجة..



الكثير من الناس ينظر لها وكأنها الدجاجة التي تبيض ذهبا



كل احد يريد منها فلوس..



كل احد يبا يتسلف منها..



اخوانها.. اعمامها.. وخوالها.. واولادهم.. صاحباتها.. والاقارب.. والجيران واللي ما يقدر يكلمها بنفسه يرسل لها احد..
كل مرة يطلع احد من تحت الارض يتمسكن انه محتاج ويبا يتسلف



(وكأنها بنك القروض!!!)



والتفكير اللي يفكر فيه الكل:::



تراها مب متزوجه!!



لا عندها بيت ولا عيال تصرف!



اش تسوي بالفلوس؟؟



نسوا انها بشر..لها طموحات.. وتخطيط لنفسها ..



هي بعد تريد تسوي اشياء لنفسها... خلوها تفرح بفلوسها..بتعبها..




هذا من ناحية



الناحية الثانية:::



موضة الزواج من الفتاة العاملة



كل شاب الحين يبا يتزوج وحدة تشتغل (طبعا هناك شواذ لهذه القاعدة)



لانه بصراحة اللي تشتغل ..ما بتجلس ع راسه::



"اعطيني ..هات"



وخاصة في ظل ارتفاع الاسعار عندنا



وبتخفف عليه كثير من المصروفات..يعني لما تشوف شي وتستحلاه لها او لاولادها او لبيتها ..



طبعا بتشتريه....وما راح تعطيه الفاتورة تقول::هاك..اعطيني ثمن اللي دفعته.. وغيره وغيره




وهذا واقع تراه ما اخترعته من مخي::



ظاهرة لاحظتها عندنا وهي ان



الشباب فاحدى القرى تزوجوا كل البنات العاملات وخاصة المعلمات(كونهن المفضلات..راتبا ودواما) وخلصن وبقن اللي ما مشتغلات..واعليهم



اش سووا الشباب؟؟...



توجهوا للقرى والمناطق اللي جنبهم يبحثوا : نبا وحدة شرط تكون تشتغل)



وكم شاب صرح بهالكلام ...2 من صديقاتي كانوا يدوروا عروس لاخوتهم واول صفة طالبين فيها ::انها تشتغل




سبحان الله ..



انا الحين ما اتهم الرجال او نظرتهم للمراة بس الواقع يقول كذا




الامر يخليني اتعجب::



كيف المادية سيطرت على عقول الناس!!!!




وكيف كل شي صار مصلحة فهالدنيا!!!!






لا تقروا وتضحكوا علي وبس...



اريد تعليقكم ع الموضوع