يجيبك الشوق ولاتجيبك الحاجه .....
مصيرك لاصفعك الوقت تذكرني !
اقفيت والحزن عقبك هبت ادراجه .....
ولابقى الاقصيدي فيك يجبرني !

قبلك سمحت وهجرت العشق وازعاجه .....
والشكر لله قبل الروح تشكرني !
وجيت وسلمتني قلبك ومزلاجه .....
واصبحت تنهي على كيفك وتامرني !




كنت احسبك طبيب القلب وعلاجه .....
واثرك تدور على ادنى شي يكسرني !
تسهر وترقد وشوقك طافي اسراجه .....
وانا اتململ وطار الشوق مسهرني !




يامن بكاه القصيد العذب وانتاجه .....
الله على كل طعنه منك ياجرني !
يمكن مع الوقت حظي يضحك احجاجه .....
يجيبك الله تقول ابطيت واعذرني !