حسايف فراقي للغضي صاطيه بالجوف = وانا محسب الفرقا كذا يالله الخيره
تحاسيفي اكثر من تحاسيف قربتشوف = على فراق شعبه والسبب ضعف تفكيره
يطالع بشعب(ن ) عاريآ ستره المكشوف = عقب مااعلن الرادو تفرق جماهيره
اهو ما حسب لحساب نكبة قليل الخوف = لحتى البلاد اهتز وزتاد تفجيره
وانا ماحسبت احساب نكبة ثلاث حروف =تجاهلتهن واخترت بالشك والغيره
اجامل من اجل الشمس واثر القمر مكسوف = لحتى غرامي تم بالفعل تدميره
على اتفه سبب صار العوض فيه صفق كفوف = يعرف السبب من شاف جرحي وتاثيره
ولوان صده ما له ايا سبب معروف =اسير المحبه يعلن الياس تحريري
ومدام ان راع العقل يسمع كلام ضعوف = انا ماسئل الخسران وادفع مخاسيره
ولارضاء بطعناتي وانا واقفآ مكتوف = اطارد بثاري واتقلع عن الديره