قبل لاخذ للحذر عن هاجسي علم(ن) وحيطه=كنت غافل والله أعلم هالشهر واخر صيامه

كم خيالا هزني شوقه وقلدني غبيطه=وكم سهرت وكم شكيت وكم حصلي من ندامه

وكم تواجهني متاعب مع هواء الشوق النشيطه=مع صلاهيجن معالمها بلا رمز وعلامه

وكم عبرت فجوج دو(ن) شابك (ن) طلح وشويطه=وكم سريت بليل مظلم مايفاجيني ظلامه

وكم سبحت مع البحوربغبتآ زرقا غويطه=وكم مشيت وكم ركضت وكم تواجهني ملامه

قلت اجرب والتجارب ماتبي بحث ووسيطه=وأتحمل ماحدث لي طول صبري والتزامه

وهاجرت في الهجوس وقلت هجرتها بسيطه=رحلتن يوجع صداها عقب حلو الابتسامه

وانجرحت وزاد جرحي مالقيت اللي يخيطه=والتجارب عز راسي والعوض عال مقامه

النبا هز المشاعر واتنهى موجز شريطه= وعاقبت لذ الحياه ولا عواقيب القيامه

ولا علي اقدى مسيري بالنظر وأقرا الخريطه=وكل مادرات سنة ميلاد هجري دارعامه

وخان بي حلو الامان وغرني طبع العبيطه= والرماضي تجبر الطرقي على كربة حزامه

وشالني من شال هجسي وأنقلع وأبعد حطيطه=وأتمسك بالمبادي والثقة حفظ الكرامه

وكل ماعاطت هجوسي عطت للهوجاس عطيه=لعنبوك أثبت وجودك لاتعلمها الرخامه

وش علي من الليالي هي رخا والا شطيطه=شمس قيض ولا تضر الرأس في ظل العمامه

مرتً (ن) وأحيان حلوه مثل طعم القرنبيطه=و النتيجة من يواصل بالرجا يقطع مرامه
ماذكرت اعلاه واضح زين والاضواء سليطه= اتهامي في محله والرجاء خوف وشهامه

المهم اني عبرت الهند وابحرت بمحيطه=مامعي سترة نجاة ولالقيت الا السلامة