ياهاجسي الابداع عذب الهناديب= حرك شجون الخاملات السمايل
حرك سحاب مزون وبل المشاريب=وامطر على مرفا البسيطه زلايل
من جم دهماً بالمزون المحاديب=غيمة وفاء تنشي صدوق المخايل
ان ماتعالت واشرقت شمس ماتغيب= ماتاخذ الابالسباق الاوايل
في حفلة اللي يحتمون المواجيب= اللي لهم بالمجد قول وفعايل
اللي لهم في ماكر العز ترحيب=بالمجد نالو طيبات الخصايل
كان الفخر يورث فعول ومكاسيب= عزالله أن الهم شهود ودلايل
عيال عوداً باليال الشلاهيب=ريف الهجافا بالسنين القلايل
ان قلت ساير والسلاله من رقيب= مظيبري مجنا عريب السلايل
سيفً لهداته جروحا معاطيب = وشيخا يمثل بالقبيله قبايل
يرقا بميقافه على هامة الطيب= ومبطي وهو لصروح الامجاد طايل
عند اللوازم شامخ الراس مايهيب=عده لياعدت عيال الحمايل
ضلال عن شمس الضحى والواهيب= قيفاً يضلل عن سموم القوائل
عن الردى يكرم عزيز المجاذيب = ماحاش غير الطيبه والجمايل
يستاهل التمجيد عون الاصاحيب= قلته وغيري لاهل الطيب قايل
وختام مبدا القول ياعلم الغيب= ياباقين بالكون والخلق زايل