منتديات سلايل عبس | بني رشيد - قصيدة للشاعر موسى عمران بن جعيمير رداً على قصيدة الشاعر مساعد صنت الخياري

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

قصيدة للشاعر موسى عمران بن جعيمير رداً على قصيدة الشاعر مساعد صنت الخياري

بسم الله الرحمن الرحيم
هذه القصيده قالهاالشاعر/ موسى بن عمران الرشيدي رداًعلى الشاعر/ مساعدصنت معيتق الخياري الرشيدي

ياهجوس الشعر بالشعر ناديله
يا هجوس الشعر بالطيب والقوه
نادي الشاعر مساعد وقوليله
زانت الامثال والبكر بالدوه
كيف لاهل الكيف ومزودٍ هيله
بنٍّ أشقر قلت للقهوكي سوه
حط بالبغداد نادر محاصيله
بالعذاب اللي على النار مجذوه
يوم جانا القاف والقاف تاويله
لاضعيف ولامكسَّر ولامشوه
جابه الشاعر بورده واكاليله
واضحٍ ماهو مغطَّا ولا اموه
من سمع قافه من الناس يصغيله
شاعر فاهم والافعال مرضوه
حدها حدالدريول على ميله
عن يمينه جال وامع ايسره هوه
مع بطينٍ صعب للي يعديله
صوح ضلعٍ والشياهين بعلوه
ضايقٍ صدره بعد مد دربيله
مايشوف الا الجراهيد مخلوه
مع شقاه وجاير الوقت يطريله
شوف من بالزين والسترمكسوه
تدعي الله من شقاها وتدعيله
مثل بلوى السايق البنت مبلوه
المسافه صوبها يوم مع ليله
والولي من دونها شيب وامفوه
جر صوته من عناه وبهاذيله
والهموم بداخل الصدر محشوه
واتجه للي تنومس مداخيله
فزعته عندالرجاجيل مرجوه
وانتهت في جاه فزعة رجاجيله
قصةٍ صارت بالاشعار تلهوه
إنطوت قصة غرامه وماضيله
مثل مايطوى الكفن مامضاطوه
يامساعدساعدك من تصليله
منزل الآيات بالصحف متلوه
جاك رد القاف تبرق مخاييله
من سحابٍ غرّ ومرودمٍ نوه
من بدا بالطيب بالطيب نثنيله
بالمدايح كل ماحل مطروه
بالثناوالمدح والشعرنوفيله
نمدح اللي فيه فزعات واحموه
والشعرللسيف والرمح تكميله
كالأصايل للمهمات مقنوه
من بغا والْغا يعيدون تاهيله
عدلوبه كل غادي عن اغدوه
لالوا عصمان الاشناب تلويله
ويتضح مابه من الشين وينوه
ياحزامي باللغاالشين والعيله
والدلو من جمة البير ملقوه
كان خاب وغاب خبلٍ بردحيله
جرته من درب الامجاد ممحوه
مااعتزيبه بالمواقف ولاابيله
والسهوم بساحة الشعر مبروه
ياحفيد اخو بقيا على جيله
والقبايل بين غازي ومغزوه
بالفعل تشهدله الهجن واكحيله
والسيوف اللي للافعال محنوه
الفعل كل المخاليق تدريله
والنسب صافي عن الشين لولوه
وأنت نادر نادر الحرف تلطيله
ندّر عن بعض الافكار مغطوه
أنت قيفانك نقع من شهاليله
طش غرَّا باول الوسم بركوه
في هضابٍ وارضهاناقعٍ سيله
والفياض بهامل الغيث مغذوه
من طلبني للمجاراه أجاريله
كان ماهو من شواعيرمعفوه
القصيدالجزل اقوله واغنيله
في لحونٍ باعذب الصوت مزهوه
قالهن من صعب الامثال تمشيله
بالرضا والا من العنف مسبوه
لين مالن ميلت الريح بنخيله
مع نسيم الصبح والطلع بقنوه
واقبل الرد المكمّل ولااطيله
مااقصراغصونه ولاازيد بنموه
يمكم بالنورتوضي قناديله
والسلام امع التحيات مثنوه

الشاعر/ موسى بن عمران الرشيدي

،