منتديات سلايل عبس | بني رشيد - حكم القدر ساق القدم يم اراضيك

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

- - حكم القدر ساق القدم يم اراضيك (http://www.slayl-abs.com/vb/showthread.php?t=32796)

حكم القدر ساق القدم يم اراضيك

http://img08.arabsh.com/uploads/imag...4d4b64f405.gif

ياليل ياليل الشقا ويش تاليك

طال السهر والعين تبغى المنامي

زاد السواد اللي يغطي معانيك

حيرتني يالليل مدري علا مي

اشكي عليك الحال مرات واشكيك

مره نديم القلب ومره حرامي

وازعل عليك أوقات وارجع واراضيك

واعيش بك بين الصور والأسامي

وارتاح بك يالليل واغلي ثوانيك

وابعثر الونات وسط الظلامي

وانظم لك نجوم السماء عقد واهديك

واسري الهاجوس شرق وشامي

لامن غفت عين البشر جيت اناجيك

ثم قمت اجاوب نوح ورق الحمامي

من صاحبٍ يالليل مثل القمر فيك

خلٍ سكن بين الحشا والعظامي

والقلب عاف اليوم هذي وهاذيك

ماكنه الا عن هوى البيض صامي

لاقال ابي فرقاك ولاقال شاريك

كنه يمرجحني بسلك الغرامي

ياصاحبي كانه تغلي أنا اغليك

حرا م ماحبيت غيرك حرامي

حكم القدر ساق القدم يم اراضيك

اطرد سراب الصيف والصيف حامي

تبدي غرامك لي من دون تشكيك

والعين تسهرلك ورمشك ينامي

الله وكيلك كل ماحل طاريك

كن الدقيقه من جفا الوقت عامي

لبيه يارمشك وعينك واشافيك

ولبيه يانبرات حلو الكلامي

ولبيه ياطيف يجيبك ويدنيك

ولبيه ياعشقي وغاية مرامي

ليتك تحضن القلب بشويش بيديك

وتبل قلبٍ يابس الريق ضامي

أنا الضما جيت ارتوي من سواقيك

والا البحر مابل ريق الضوامي

ولاتحسبني لاقسى الوقت ابرجيك

والله ماينزل عشانك مقامي

بعيش في ذ**** وارحل واخليك

واحفظ مقامي هيبتي واحترامي

ماعشت ياراسي على شان اوطيك

دون المذله حد سيف الحسامي

أنا عطيتك كاش لاترد لي شيك

هات الجواب وخل عنك التعامي

والله يجازي الليل والله يجازيك

اسهرتني واحرمت عيني منامي

مما راق لي