منتديات سلايل عبس | بني رشيد

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

- - خلاص كنسلتك* (http://www.slayl-abs.com/vb/showthread.php?t=29425)

خلاص كنسلتك*

http://up8.up-images.com/up//uploads...34e21aba04.jpg

خلاص كنسلتك ومليت طاريك
وحتى خيالك من وجودي محيته

عافك خفوق ٍ بالموده مصافيك
وأنهى معك قصة غرام ٍ بديته

رحل عَنْك .. ما عاد يتبع خطاويك
واضح من العنوان خط ٍ قريته

فاق الخفوق اللي محبك ومغليك
وندم على ممشآ لشخصك مشيته

قضيت منك ولا بقى غير ماضيك
أتعبتني لين المفارق نويته

ماني تراني لعبةٍ بين أياديك
وش في غرامك من نعيم ٍ لقيته

غيرالشقا ودموع عين ٍ تراعيك
هذي نتيجه للوفا اللي عطيته

تحرمني الفرحه ولا يمكن أجفيك
وش ذنبي اللي في حياتي جنيته

رضيت تعذ يبك ونفسي أداريك
وخسارة ٍ مثلك بروحي فديته

بانت مع الأيام وش هي خوافيك
وصدمتني بأسلوب لا ما هقيته

يا للأسف أشغلتني في تماديك
أدمح خطاك وخاطري ما رعيته

كان التصنِّع والردى مِـيِّـزَت فيك
لازم أهد اللي من أجلك بنيته

وأبي أعترف لك وأقسم اليوم مابيك
ملامحك ذكراك شخصك نسيته

ولا عاد تعنيني ولا عاد أنا أعنيك
وهذا القرار اللي لذاتي خذيته

أعز نفسي عنك لا يمكن أرجيك
وإن حن لك قلبي رفضت وعصيته
للشاعره سحايب
دمتم بوووووود
http://i3.makcdn.com/userFiles/l/i/l.../118image.jpeg

رد: خلاص كنسلتك*

صدمة !!!!!!!!!!

نجمة كل الشكر والتقدير لك

رد: خلاص كنسلتك*

ابيااااااات جميله ياالنجمه
يعطيك العافيه نجمتنا

رد: خلاص كنسلتك*

اقتباس:

المشاركة الأصلية كتبت بواسطة ابن حوقان (المشاركة 326840)

صدمة !!!!!!!!!!

نجمة كل الشكر والتقدير لك

الصدمات تحتاج الى مواقف حازمه*
شرفني مرورك الرااااقي
تقديري لك*

رد: خلاص كنسلتك*

اشكركي ياختي النجمه
تحياتي لكــ

رد: خلاص كنسلتك*

غيرالشقا ودموع عين ٍ تراعيك
هذي نتيجه للوفا اللي عطيته

تحرمني الفرحه ولا يمكن أجفيك
وش ذنبي اللي في حياتي جنيته

رضيت تعذ يبك ونفسي أداريك
وخسارة ٍ مثلك بروحي فديته

بانت مع الأيام وش هي خوافيك
وصدمتني بأسلوب لا ما هقيته

يا للأسف أشغلتني في تماديك
أدمح خطاك وخاطري ما رعيته

نجــــــــــــــــــمة

أبيات يقف تعبير عنهاء

ولاتقف الدمووع من اصتدام الابيات
باللحواس الداخليه
على العممموووم
ياعطك الف الف عافية

رد: خلاص كنسلتك*

قصيده رائعه جدآ وتستاهل الاقتباس من اولها لأخرها يامبدعه.
تقديري لكِ ولتألقك.

رد: خلاص كنسلتك*

اقتباس:

المشاركة الأصلية كتبت بواسطة نسمه فجر (المشاركة 326862)

ابيااااااات جميله ياالنجمه
يعطيك العافيه نجمتنا

منوره عسوووووووله
تقديري لك*