حن الخفوق وزاد شوق ولاهه=وسوأل فيه مقطعات العلائق
عن ماضي اسلافاً تعيش برفاهه=في ضل حباً بين الاضلاع لائق
يبقى ويبطي في مكان النزاهه=متكفله فيه الضلوع الغلائق
يزيد حبي له بشغف وشراهه=مهو مثل حبي لبعض الخلائق
وتبى الاجابه واعتبرها سفاهه=عن ماتنشدني وتلقى الحقائق
لك في صميم القلب جاه ووجاهه=يقوم عاد ان صار دونك عوائق
اجيك لو مجداف حلمي متاهه=اسنين صبري ماتضيع بدقائق
قل للامان يشد فيك انتباهه=حتى الثقه تبني عليه الوثائق
قبل بدال الحب تبدا الكراهه=سدد وقارب في جميع الطرائق
للجد قول ولتعجب فكاهه=وللجرح طب وفاقد الهم رائق
وان قلت لك بعض السبايب تفاهه=صدقني ان مصدق الشك بائق
خذلك عن جروح الهواجس نقاهه=إن كان صدرك من صدى الشك ضائق