منتديات سلايل عبس | بني رشيد - تركتني بالغياب المرّ واسئلته .!

منتديات سلايل عبس | بني رشيد (http://www.slayl-abs.com/vb/index.php)

- منتدى نوادر القصيد (http://www.slayl-abs.com/vb/forumdisplay.php?f=16)

- - تركتني بالغياب المرّ واسئلته .! (http://www.slayl-abs.com/vb/showthread.php?t=23106)

تركتني بالغياب المرّ واسئلته .!

لو كل حكي ٍ يجي في خاطري قلته .؟!
ماشفت بعض الكلام يجرّح لساني .!!

تركتني بالغياب المرّ واسئلته .!
ماقلت لي قبل [ ترحل ] وين ابلقاني .!!

كل درب يمكن يجيبك ماتجاهلته .!
كل درب جابك علي مر وتعداني .!!

طاح بغيابك رجل واقفيت ماشلته .!
ياكبرها بعين اصحابي وعدواني .!!

حتى مكاني على روحي تـثاقلته..!
لاجيت اسولف على جرحك و حرماني .!!

احيان اخونك واحس بـ شيّ : كملته .!
واحيان مدري من اللي خاين الثاني .!!

ضيعتني فيك : حزني ماتشكلته .!
لاغرّد الخووف من وجهي على اغصاني .!!

كم انتظرتك على وصلك ولا طلته .!
ملت دموعي بغيابك تطرق احزاني .!!

ياصاحب الجرح عذرك ماتحملته .!
لاتكتب الموت بعيوني وتقراني .!!

طالبك ابقى [ مثل ] اي شخص جاملته .!
يمكن تحس بعذابك لاتقهواني.!!

[ انا ] . ؟؟..

... بكيتك عمر والشووووق سيّـلته.!
محتاج تبكي معي [ مره ] على شاني. !!!

تركي عواد