منتديات سلايل عبس | بني رشيد - شحّيت عنّي بـ(شوفك) صاار لك مـدّهـ

شحّيت عنّي بـ(شوفك) صاار لك مـدّهـ
واليوم(صوتك) بعد شحّيـت بـه عنّـي

قبل أمس لك صدة ٍ واليوم لـك صـدّهـ
زودن على مابي امن طعون تطعنّـي!!

إن ماات شوقك.. فشوقي واصل ٍ حـدّهـ
وإن كنت رايق.. فعقبك ماا ضحك سنّي

أرخي لك الحبل.. وانـت تعـوّد تشـدّهـ
صاار (الجفاا) فنّك.. وصاار (الوفاا) فنّي

هذي سوايااك فاللّـي خصّـك بـودّهـ!!
تعيّشه فـي عذابـك وأنـت متهنّـي!!

هذا جزا اللّي هواك وجـااك مـن جـدّهـ
عااش يتمنّى وقضّى العمـر متمنّـي!!

الله حسيبـك بقلـب ٍ صـاار مسـودّهـ
والله حسيبـك بحـاال ٍ صـاار متدنّـي

صبري قضى.. واللياال السـود ممتـدّهـ
العمـر تـوّه وأشـوف الهـمّ زابنّـي

عزّي لمن مثلي الدنيـاا غـدت ضـدّهـ
ربّه كتـب لـه يعيـش العمـر متعنّـي

ياا صااحبي.. صااحبك كفّه علـى خـدّهـ
يغفـي لـه شـويّ ثـمّ يفـزّ ويونّـي

يضرب بيدّه مـن الضيقـة علـى يـدّهـ
ومن القهر يعتلـي المشـراف ويغنّـي

ياا صااحبي.. والدروب اليـوم منسـدّهـ
وش عااد بااقي بعد ماا خااب بك ظنّـي

قاال المثل ((شي منّه تستحـي.. بـدّهـ))
وبقول لك شيّ فـي صـدري وغاابنّـي

((قلبي وداعه معك..واليـوم.. قـد ردّهـ
هااته بماا فيه وأخـذ وداعتـك منّـي))

ومانيب أبي منك.. لا حااجة.. ولا مدّهـ..
أبي اتصـاال ٍ عـن أحوالـك يطمنّـي

من ع ـيد لى ع ـيد.. دق.. وفضلك أعـدّهـ
ويمكن لا دقّيت رقمـي.. مـاا تعينّـي