إهتز غصن الحنين*

[النجمه]

إهتز غصن الحنين


http://i1.ytimg.com/vi/O9tyKzRkSE4/hqdefault.jpg
اهتز غصن الحنين وطاحت اوراق ابيك
من ريح فرقاك مير الله ستر ماانكسر

واسقيتها الذكريات واردفت هذي بذيك
واستورق بلا تغيب ولا يطول الهجر

تلاحقى الي تبقى من الغلا بين ايديك
وش يجمعه لو تطول غيبتك وانتثر

يتلني شوق لك رحمه على والديك
ماني بقد الصبر ولا انت قد الصبر

شف حالتي فالغياب اشكيك منك واليك
هم برى الحال وعيون طواها السهر

وش يمنعك لاتواصلني وانا اموت فيك
ظروف ليله ثلاث اسبوع ياخي شهر

كمّلت ثالث وانا كليّ شغلني عليك
ثلثين قلبي يباس وثلث باقي خضر

إماسقيته وصل ماعاد هو مرتجيك
باكر إليّا هبت الجوزاء يطير الشجر

صبري على غيبتك باسم الغلا مشتريك
لا فارق وسع عين ولا انت فارق خصر

في غفلة من زماني كنها تحتريك
غنت مقادير روحي لين جابك قدر

مريتها كنك الطرقي قبل تهتويك
من شفت زولك وخفاقي يكر الجمر

ألين قهواك شعر من الغزل يحتويك
من يومها وانت لامن جيت فالمختصر

واليوم في غيبتك ماني بعاجز لا جيك
لكني اخاف لامن جيت مالي قدر

ابيك واكذب عليك ان قلت ما تشتهيك
مشاعري يا نظر عيني وكلك نظر

اما احتضنها وصل والا تسلم عليك
تلقى بدالي وانا بشحذ زماني صبر

راقت لي لحمد السعيد
دمتم بحـــــــــــــــــــــــــب
http://i1.ytimg.com/vi/6WKrWakcRjU/hqdefault.jpg

[احمد السندى]

الله يعطيك العافيه نجمتنا الغاليه

رائعه من روائع حمد السعيد

شكرا النجمه ارويتينى شعرا

[ابونافع العايضي]

وذائقة فريدة
أهنئك على روعة الاختيار
لك ولعطائك الفريد كل تقدير واحترام

[مهدي الخضيري]

صور حزينه ومنادات فريده جداً


نجمه سلايل عودتينا على المميز دائماً

تمنياتي لك بالتوفيق

[النجمه]

باقه من اجمل الورود لكل من مر هنا
تقديري للجميع*

[ألغريب]

تلاحقي اللي تبقى من الغلا
بين ايديك
واش يجمعه لو تطول غيبتك
وانتثر
كل بيت في هذه القصيدة
احلا من الاخر
شـــكـرآ النجمه
ودمتي بخير وفي احسن حال

[مهرة العز]

رااااااااااااااااائعه قصيده ممتعه ,,
يعطيك العافيه ,,

[النجمه]

تلاحقي اللي تبقى من الغلا
بين ايديك
واش يجمعه لو تطول غيبتك
وانتثر
كل بيت في هذه القصيدة
احلا من الاخر
شـــكـرآ النجمه
ودمتي بخير وفي احسن حال
ي هلا منور متصفحي بمرورك الراقي
كل الشكرلك*

[النجمه]

رااااااااااااااااائعه قصيده ممتعه ,,
يعطيك العافيه ,,
الله يعافيك
تقديري لك*

[آلزيــن]

رووعه

[النجمه]

رووعه
منوررررررررره يا قمر*