ريف النشاما
04-23-2010, 12:20 AM
بسم الله الرحمن الرحيم
عبدالله بن علي بن محمد بن دويرج .. الملقب ( هدبان ) من مواليد قرية جفن في منطقة السرّ بنجد . كانت حياته تتسم بشظف العيش والفقر الشديد وهذا ما يتضح بـ أغلب قصائده . رحل الى عنيزة وكانت مدينه مزدهرة نشطه واسعة الخيرات ولكن حياته أستمرت على الفقر والشكوى . فضّل الشاعر التقوقع على النفس والاكتفاء بحياته الكادحه وهو بشاعريته كان يستطيع أقتحام الاوساط الشعريه حوله وفي الخليج العربي حيث كانت الكويت ساحة شعريه زاخره بالمواهب والاحتكاك والظهور .. كما لا يذكر انه رحل كغيره الى الحجاز حيث الملك فيصل حاكما هناك من قبل والده .. وكان يفد اليه الشعراء من كل مكان فيجدون الرعايه .
ومن يقرأ شعر ابن دويرج يلاحظ الاصاله الشعريه وطول النفس .. لغته الشعريه جزله يعشق العسير من بحور الشعر لقوة قريحته . الكلام عن هذا الشاعر رحمة الله يطول .. لكن من خلال قصائده يتضح للقاريء ما أشرنا اليه . توفي رحمه الله في عنيزة ودفن فيها عام 1365 هـ .
ياهل الزرفات بكره كان مريتوا طـوارف خلـي
خبروه اني شكيت الهم والسامـوح عقـب فراقـه
مانسيت الصاحب اللي بالموّده والهوى صافي ليّ
جالي أصفا من غدير (الجلت)وحلا من حليب الناقه
مانسيته يوم أنا أنهل من كما..ذوب العسل واملي
خابرٍ نفسـي عيـوف ولاتدانـي عقبـه العشاقـه
مع ثلاثٍ عارضني صبح يوم العيـد دق وجلـي
وصفهن ثنتين جل وثالثتهٍـن بالوصـوف ادقاقـه
أنهب الممشا لجلهن ميرادهـن ماودهـن يندلـي
كل ماقربـت منهـن خالفنـي وقطعـن الساقـه
يالطيف الحال غظّات الصبايا كيف مايـاون لـي
حملنيّ من كثيب الرمل ملموض وعليـه وساقـه
صابني منهن هنوفٍ من لماها علتـي ودون لـي
ودي أصبر مير قلبي من فراقـه غـاديٍٍّ حراقـه
صرت مثل اللي يعبر في زمانه كل حـل بحلـي
الله أقوى كل عبـدٍٍ مشتكـا حالـه علـى خلاقـه
كن عينه عيـن شيهـانٍٍ ربـا بالنايـف المتعلـي
أو كما عين الغزال اللي يلد أبهـا علـى دراقـه
جادلٍ تل الضماير فـي كلاليـب المحبـه تلـي
تل هجنٍٍ في سموم القيض عطشا والشراب شفاقـه
( عنيزه )
سقا الفيحا روايح بارقٍ يوضـي كمـا البنّـور
حقوق والرعد له في قنـوف المـزن زلزالـي
لكن ابه الطها جول المها اللي بالخـلا مذيـور
إلى هبت ذعاذيـع الصبـا جـا لـه تعزالـي
ثمان اوجاب والرايح سنـا برقـه يقـدّ النـور
من الجمعة إلـى الاثنيـن والمامـور همالـي
من البربك إلى رامه وغربيـه ضفـا بحـدور
على وادي الرمه لين ان سيله يركـب الجالـي
حقوق صيّب نافع على الفيحـا وهـو مامـور
ولا به شر بل هو خير يحيـي الدمـدم البالـي
سقا دار يداريها العدو يخشـى مـن المحـذور
إلى زامت خضع له خضعت المملوك للوالـي
كما العله على كبد الحريب وصيتهـا مشهـور
حشى ما ساقت الجزيه من الاول الـى التالـي
ترا سوره مقاديمه إلـى كـل بنـا لـه سـور
ولا فيهـا يطيعـون الوشـاة وهـرج عذالـي
إلى هاجت زمول الحرب يضحي ضدهم مكسور
تـرا عقالهـم مـع ثـورة البـارود جهالـي
فالى منه زبنهم مجـرم كنـه بجـال الطـور
ينام الليل لو حمله وحـل مـا هـوب ينشالـي
على سامانها لو كان يطبّـل للحريـب ازمـور
بواريـدٍ تثـور وصـوت عمّـالٍ ومحـالـي
حليّت ما عمر شداد ميـوات وحسـن قصـور
على ما ينبغي مثل الزهر مختلـف الاشكالـي
إلى مريت سوق العصر فيها مثل نفخ الصـور
قريب من نهار العرض منـه العقـل يهتالـي
ذكرت اللي بنفسي عن جميع البادية وحضـور
على سوق سقاه مـن المعـزّه صيّـب يالـي
رعى الله ديرة ما سادها الحصني ولا السنّـور
ولا صابه مثل ما صـاب غيـره ذل واذلالـي
لكن اللي مفصّلهـا علـى تفصالهـا مجبـور
على حد الوعر والغين في دمثـات الاسهالـي
على فجّ المناكب يشربن من دارجـات نهـور
الا وازينهـن كـان الثمـر بفروعهـن مالـي
مرابي خرّدات كنهـن مـن ناعمـات الحـور
مرابيهـن مصابـيـح مرتـبـةٍ بالاشكـالـي
حماها لاطم العيّـال مـن لا يقتـدي بالشـور
أبـو خالـد بعـزم وجـزم نقّـاض وفتالـي
معه سلّة هل الفيحا إلى كـزّ الحريـب سبـور
بكور وصله عدم والكل يرخص عمره الغالـي
يبيعون الغوالي دون غـرّ مدعجـات خـدور
لهم بالضيـق هـداتٍ كمـا هـدات الاشبالـي
حشا ما ظنتي يطري على الخاطر من المخطور
رها بك يالاله اللي علـى سابـع سمـا عالـي
فلا يشره على دار ربا فيهـا الاسـد وانمـور
محال إنه يرام الليـث حيـث الليـث زعّالـي
الا يا سورها يـا نورهـا لا تذخـر المقـدور
ترى الديره طموح وشفّهـا مـع كـل رجالـي
على ما قال الاول كنت حبر فالرجـال حبـور
وانا ما قولـه إلا شاهـد المشـروع يبرالـي
الى قلت الليال أقفت تراها كد عطـت بنحـور
علـوم الرشـد رجليّـه وعلـم السـوّ خيالـي
عدوك لو ضحك لك بالشفه مستدخـل شابـور
خفيّـه سـم والبيّـن عـذي الـذوق سلسالـي
جرا مني نصيحه والنصيحـه حقهـا الدستـور
ولا مثلـك يواخذنـي ولـو زليّـت بامثالـي
يقوله صاحـب عـذّار وانـت مكـرّم مافـور
عسى عزك يـدوم ولا نـدور فيـك الابدالـي
تزول الروح مني لا زههفت ولا هرجت الزور
كلامٍ في محله فـاض مـن بالـي ولا ابالـي
على طه صلاةٍ عدّ ما سـاق الضيـا الديجـور
وعدد ما هلّ واهمل من حقوق المـزن همالـي
قال الذي شـاف مـن وقتـه امـور عجايـب
يضحك مع اللي ضحك لاشك خاف الهم دابـه
البارحـه يـا لطيـف الحـال هلّـن الحبايـب
دمع كما وبـل هملـولٍ تطلّـق مـن سحابـه
من ضيم دنيا رقص شيطانهـا بيـن القرايـب
رفيقك الصاغ مثل الموس عضّه فـي قضابـه
قالوا تولّـع بطـاروق المـودّة وانـت شايـب
قلت ايه نعم ما سمعنا به على المسلـم عتابـه
قالوا ورا مـا تتـوب وقلـت : انـا لله تايـب
الله عن اللي يريد المغفـره مـا صـكّ بابـه
بعض العرب ينصحون ونصحهم ماهوب صايب
ايحرّمـون الجـواب ويستحـلّـون السبـابـه
واهل النصيحه ربيـع قلوبهـم بيـع الغلايـب
الحق كـل يعرفـه ميـر ويـن اللـي يهابـه
ويش الحول يا الربيعي يا مـورّد كـل هايـب
بالمشكل اللي تبيّن لـي ولـك خافـي عيابـه
نشري قماشة بحاضر والمبيعـه بيـع غايـب
بالدفتر اللي على راعيـه مـا يشكـل كتابـه
حطوّا وشالوا ولا بيني وبيـن احـدٍ طلايـب
وكل الى عزّلت روحه علـى الوالـي حسابـه
قال الذي لاعه مـن البيـن لايـع
الدمع من عينه على الخـد همّـاع
وهـو بديـرة مشبعيـن الهلايـع
رجّالهم من لمسـة الخشـم جـزّاع
بالعز اهلهـا بيـن شـاري وبايـع
ومن البحر الى البحر ذكرهم شـاع
اودعتهم مـن لا يخـون الواديـع
ومن هو وداعة مالك الملك ما ضاع
امدح ومدحـي بالمناعيـر ضايـع
ما واحد من فطرته كزّ لي صـاع
ماهوب كلـه بخـل لكـن طبايـع
ما سايل الشبعان عن بطن من جاع
بـذل المـروّه بينهـم بالبضايـع
ومن قال زاهف ذاك قاع وذا قـاع
السمن في محسوبة الشبـط مايـع
بالمستخص اسمه وهو شكله انواع
لاشك هو يحرم علـى كـل جايـع
لا والذي يجري من الريح ذعـذاع
يانا ومثلـي مـا نـذوق النوايـع
يا كود من مدّات معطـي ومنـاع
الصدق يذكر من خيـار البضايـع
والكذب علّه من خفيـات الاوجـاع
كم واحد ذكـره بالاقطـار شايـع
لو تطلبه صندوق كبريت ما طـاع
ماله يغطـي بـه عيـوب فنايـع
خالٍ من المعروف للسحت جمّـاع
يوم الملاقا فـي حسـاب الربايـع
خطرٍ الى شاف الثعل منـه يرتـاع
فيهم رجال مثـل حصـنٍ طلايـع
بين العنـان وغافـره تقـل فـزّاع
يلقـى بيـومٍ يكـبـرن الوقـايـع
واف النسب ساقٍ وسمحوق وذراع
لا طنّب الصايح وصـارت فزايـع
بالسيف لارقاب المناعيـر قطّـاع
لا حذّفن عطـر الجيـوب القنايـع
يقلط امام الجمـع ماهـوب نسّـاع
والى بقى منـوة امديـم الزرايـع
يسوق به غال الثمـن كـل زرّاع
وصلوا على الهادي لدرب الشرايع
ما ناض برق وغرّد الورق سجّـاع
يا راسي اللي شاب من قبل حينه
مما جرا لي والخلايق مريحيـن
يا قلبي اللي حنّ واطول حنينـه
حنّة مفاريـد واهلهـن محيليـن
سمعت لي علم حـدث بادعينـه
صنعة حراميّة ولايـة شياطيـن
اللي يشيلـون القريـن وقرينـه
ربيعهم شوف الثنيـن متشاكيـن
يا بنت وان كان العـذر تقبلينـه
عذر سمين ان كان قلبك على دين
واللي بنى بيت النبـي بالمدينـه
ما قلت فيكم ما يخفض الموازين
والا فدرب الشيـن لا تذخرينـه
وحنا لمن له عندنا دين مصخيـن
واقصى مداك فهيـد تاتخبّرينـه
والى عطاني كلمةٍ قلت له عشرين
سريت يوم انحـى القمـر بتهويفـه
يوم ان كل في لذيـذ الكـرى بـات
سرحت ابي لاخـوان ميثـا طريفـه
ولا صدت غير غراب واربع قطاوات
اطلقـت مسماكـي وجالـه وحيفـه
ودلاّ غراب الجول يرمي بالاصوات
المس غراب الجوال واثـره هديفـه
طـارٍ علـي آكـل ثناديـه نيّـات
يالله يـا متلـف علـيـه الخليـفـه
تعوضني باقبـال فـي فايـت فـات
يقوله من بدا وقت الضحى ذكر الله الاعظـم
وهو في عالي المرقاب تلعب فيـه الانسامـي
عليّ البارحه حلو الكرى جنح الدجـا يحـرم
هواجيس بين سوق الهند والطايف الى الشـام
ابا المرواح عـن دار جفتنـي جعلهـا تهـدم
مطرها بالشتا من زمهرير وقيضهـا حامـي
الا يالله كان القلـب هوجـس بالحـرام وهـمّ
وتبدّا باسود الجنحان مـن ضـدات الايامـي
وانا مالي صديق الا انت لا ياوي ولا يرحـم
حسير من سنعك اضعيف ما تنهضني اقدامي
وانا مانيب غيّه خابـر ان الغيـب مـا يعلـم
حذا الله خابر انـه للخفـا والغيـب علامـي
لو اجري مثل مجرا الشمس مالي غير ما يقسم
فلو خالفت رزقي جان سيـر وصـار قدامـي
انا شوف الضعيف فلا يبّرق بـه ولا يرحـم
ولا احد يلتفت له لو حديثه يـروي الظامـي
وكثير المال يمشى له ولو هو بالدجا الاظلـم
يجي عند العرب باشه ولو هو مثل الانعامـي
قال الذي من صروف الوقت بيّح كل مكنـون
سمتي معي حافظه يوم ان سمت اللاش ضاعي
اضحك بليا طرب عند العرب والقلب مشطون
عقب الفضا يا لطيف الحال ضاق بي الوساعي
سيّرت ابي لي رفيق وصارت الدعوى الى دون
ورجعت عقب الوفا يقصر عن المدين صاعـي
ابا اتريّح ببيتي واقتصر والـرزق مضمـون
واجوز من روحة يم العرب من غيـر داعـي
مكتوب رزقي يجيني لو مشيت الرفق والهـون
لا خير لا خير فـي نفـس ترفـد باللعاعـي
يالله يالله ياللي لـك جميـع النـاس يرجـون
منك الفرج يرتجى يا سامك السبـع الرفاعـي
كتبت رزق الاسد قـدره ولا ضيّعـت بـزّون
والذّر والحمّره من مـدك الضافـي شباعـي
بين الخلايق قسمت ارزاقهم غابـن ومغبـون
الضان رزقه رغد واللي يجوعـون السباعـي
لولاك كان الملا جمله عن آخرهـم يضيعـون
بامرك يسير الفلك والكل مـا خلّـي ضياعـي
الـف امـة قايـم بارزاقهـم ليمـا يموتـون
امعطّلين السبـب واللـي يحثـون السواعـي
يا مالك الديـن والدنيـا بليّـا شـك وظنـون
كل الخلايق رعيّه وانـت للمخلـوق راعـي
وصلاة رب عدد مـا حلتـم الرعـاد بمـزون
على نبي ومرنـا بالهـدى وامـره مطاعـي
يا من يبادلني بحظـي وازيـده
من جاز له بالزود ما فيـه ردّه
يقدم على حظٍ ترا يـوم عيـده
ساعة يشوف الرزق ودّه يـرده
عذروب حظي بركته ما تكيـده
والى برك يبسط على القاع خدّه
يكره الى شاف الثياب الجديـده
ويفرح الى شاف الملابيس جرده
لا واهني من يلتوي في وريـده
بمصقلٍ يمضي على العظم حدّه
الفقر ما يفختني ابدٍ مـن أيـده
ايضا وعندي له فراش ومخـده
دايم علـيّ معاملاتـه شديـده
مالي عنه منهاج والبـاب سـدّه
يا ابو سليّم يا صدوق الوعيـده
فكّن منه لا رحم ابو جـد جـدّه
والله ما غيـرك حـدٍ نستفيـده
افزع لرجل بيّـح الفقـر سـدّه
مضى العمر انا والفقر يا شعيل حطّ وشيل
انا اقـواه يـومٍ وبـاق الايـام يقوانـي
ادير الروابع ليـن يقبـل سمـار الليـل
الى رحت مع سـوق ٍ ابغديـه لاقانـي=
قلبني وله مع ساقتي مثـل رجـد الخيـل
علـى وصلتـي للبـاب ولاّه يتنـانـي
تنابزت انـا وايـاه ثـمٍ نخيـت شعيـل
بكا الـورع مالـه حيلـةٍ منـه ياقانـي
وذي حالة الدنيا متى ما اجنفـت بالميـل
لقيت الحصيني يفرس الذيـب سرحانـي
وانا فـي عنيـزة علّهـا مدلهـم السيـل
الى ما يجي للسيـل بالسـوق غدرانـي
ما ينظـر النـاس كنّـه للثريـا ينـوش
وهو الى كبرت القالـه بـداه ارتهـاش
جعله فدا الهيلع اللي للمراجـل خمـوش
جاهوش بالمرجله ماهوب خطو المشـاش
عدٍّ الى كثر ورده باسود المـا يجـوش
قرهود يبهج مهاليـك الكبـود العطـاش
يفرح الى قيل نّوخ عند بابـك طـروش
اضيوفٍ عماسا يريدون الدفـا والمعـاش
هذا وغيره بعد ما اقضّب الهـرج بـوش
صلوا على المصطفى ما فرّ طير العشاش
قال من جر الونين وعقّـب الونّـه عوايـه
في حجـا مبريّـة لا علّهـا وبـل المخيلـه
يجتلد كنّـه جريـح بايـت بالجـرح دايـه
ما ينام الليل طرفـه والشقـا ينقـل فتيلـه
يالله اني طالب منـك المروفـه والحمايـه
يا قويٍ من صواديف النيـا ينجـي دخيلـه
ارحم اللي حاربت رجليـه مشـي بالحذايـه
كل وقت ودوك ليل من الحرص ياطا شليله
في طلب رزقه يدور اله السبب في كل شايه
مير اثر حظ الضعيف الى ربض ما فيه حيله
خابرٍ حظ الفقير الى ربـض مابـه عبايـه
كل ما بارح نهار اليوم الآخـر يلتـوى لـه
لا وراه دقاق غوش ولا ضياع فـي لزايـه
والعشا يطرد غدانـا والله ان هـذي فشيلـه
والله اني طامع ان الوجه الاقشر فـي قفايـه
اجمعه بالتطرفه وابليس ينقـل فـي زبيلـه
الدمار اسرع مـن اللـي مستمـرٍ بالبنايـه
يوم هو جنّب عن الثنتين يرضا في حصيلـه
والله اني ماخبر في يوم واحـد جـا منايـه
كود يومٍ صدت فيه اربع قطا واوفيت شيلـه
يـامــن لـعـيـن مقـزّيـهـا عـــن الـلــذات عـامــوس
والـقـلـب كـنــه يـجـرّحـه الـزمــان بـحــدّ مـوســه
قالـوا لـي العـب وانـا قلبـي يـديـره كــل هـاجـوس
ولا تنقـضـي حاجتـيـن الـلـي مـلازمـتـه هـجـوسـه
والثانـيـه مــا لـقـيـت ابـــردّي الامـثــال نـامــوس
نمـرة شجـر هيـل مـا ينفـع الـى وخـذت اجـروسـه
لقيت الاريا كما اذنـاب الدعـم واسـم الدعـم عـوس
يــا فاهمـيـن المعـرفـه كـــل وقـــت فـــي لـبـوسـه
وهـرجٍ بـلا فـايـده معـنـاه بـرقـة ريــش طــاووس
سـوق المجالـس لبيـب الـهـرج والانـسـه عـروسـه
والفكـر غبّـة بحـر مـا احـد يجيـه الا مـعـه قــوس
والخـامـل الـلـي يـمـشّـي جالـبـوتـه قـبــل قـوســه
وشلـون وشلـون اعبّـر جالبوتـي والـهـوى كــوس
الـى نهضـت الشـراع الـى هـوى الغربـي يحوسـه
مـن قــلّ مـالـه ولــو يسـنـد بـعـد لعـيـال فـاعـوس
عافـوه الاقـراب واكثـر مـا يخـون التـمـر سـوسـه
فيما مضى الذيب يفرس واصبح السرحان مفروس
وسعـيـد قــد ســاد عـمّـه عـقـب مــا سـلّـم فلـوسـه
بغـيـت لــي مـربـع فـقـر كــلاه وصــار مـانــوس
داجـت عليـه الرعايـا عقـب مــا جـونـي عسـوسـه
سريـت والبـدر منهـي واستـكّـن الـبـدر مطـمـوس
وظلّـيـت حـيـران بالافـكـار والـرجــل امحـبـوسـه
يالله يـــا واحـــد فـــرد صـمــد ســبــوح قــــدّوس
تفرج لمن باع عشـر ابخمـس والخمـس امخموسـه
ان ترحم اللي جرا له من صروف الوقت عاكـوس
اسـبـاب هـجـر الـزمـان الـلــي بحـذيـانـه يـدوســه
عيّنـت نمـرود عقـب امزاعمـه ومطـاول الــروس
اسقـاه مـن عقـب مشـروب العسـل مــرّات كـوسـه
قال انكس الطعم يالنمرود وارجـع وانـت منكـوس
الــى نـهــار عـظـيـم يـرهــب الـمـجـرم عـبـوسـه
مـا قلـت قولـي بمـن شـعّـت جبيـنـه نــور فـانـوس
ادعـج غـنـج فــي جبيـنـه مــا حــلا دقّــة العـوسـه
مـن مارثـت نـوح لا مسلـم ولا مـن لبـس كـبّـوس
قـلـتـه بـوقــت تـوطّـانـي كـفــى الله شـــرّ بـوُســه
وصلوا على المصطفى ما زبّرن الهـوج لطعـوس
او عــدّ مــا غــردن ورق الحمـايـم فــي غـروسـه
قال الذي كن حاله من صروف الدهر عود الجريد
أسـبــاب جـمـلـة سـوامـيـح مـــن الايـــام مـتـابـعـه
لقيـت نـاس يريـدون الـهـوى لاشــك عنـهـم بعـيـد
ابعـد مـن السابعـه يـا للـي تميزهـا عــن السابـعـه
انــا بجـيـل جـديـد وظـاهــر لـلـوقـت جـيــل جـديــد
الجيـل لـه رابعـه والوقـت لـه فـي ساكـنـه رابـعـه
دنيـا ضحـوك لهلهـا كالهنـوف اللـي غـلاهـا يـزيـد
وهـي عجـوز تـوري النـاس زينتهـا وهـي كابـعـه
عينت كسرى وقيصـر عزلـوا والكـل بأسـه شديـد
اقـفـت سفيـنـة معـزتـهـم بـغـبـات الـبـحـر طـابـعـه
يا راكب اللي الـى حلّيـت مقدمهـا
مقدم سويح البحـر والعيـر لا بالله
وجنا الـى روّحـت لكـن تغانمهـا
تغانم الذيب شاف العـزب بيّـن لـه
واللي على كورها ماهـوب يتهمهـا
تجفل متى ما افترك والى احترك ظله
عذروبها الزرفلـه ماهيـب تفحهمـا
فان روّحت كنها تاطـا علـى ملـه
لله يرعـد مـن الزومـاع برطمهـا
يشدي زمام الهنوف مغانجـه خلّـه
يـا رب وانـك الراعيهـا تسلّمهـا
وهنيّ منهي وشرواهـا حـلال لـه
بيّاعهـا وش يـدوّر فـي دراهمهـا
يا بايع صحتـه يـا شـاري العلـه
حلات مـا ينقـل اللحيـه يحسنّهـا
الى صفالك صدق فأيْت صـافٍ لـه
يا تايـه الـراي لا تنسـى قوايمهـا
يوم الخرايم على العيـرات مشتلـه
يالله كـان البـر ذهبـت وحوشـه
بين الدرك والجـوع والانقطاعـي
بهايـم قلّـت عليهـا المعـوشـه
ما عـاد تلقـى بالمفالـي متاعـي
فـي كـل فـج كاثـرات اولوشـه
عاشت بها برق الرخم والضباعـي
امر بهر مـا عـاد نقـدر نهوشـه
كلّت وملّت مـن غثـاه السباعـي
منك الفرج نرجي بشايـر طروشـه
نوٍ رعـوده تـودع النيـم ياعـي
الى نشى مثل الشوامـخ عروشـه
يبـرق طهـاه ويتّصـل باتساعـي
يقبـل حقـوق كـل وادٍ يـدوشـه
ولا يركب الطامن عشير الرفاعـي
ماشي يغطي بالوطـا مـا ينوشـه
واسع يردّ ابه الخبـر كـل ساعـي
ايشيّل فروخ الوعر مـن عشوشـه
يملى المضيق وكل خـدٍ وساعـي
تضفي على حد المناهـي رشوشـه
وتسيل وديـان السهـل والتلاعـي
الى انحدر لـه بالمحانيـب هوشـه
مثل البحر فيه الزبـد كالسواعـي
تلقى الحيا غب الشهر من رشوشـه
تصبح مهازيل المواشـي شباعـي
فيه الزهر مثـل الزوالـي نقوشـه
يعجب لمن دار النظـر باطّلاعـي
نوّه على الفيحـا وباقـي نطوشـه
دار الحيا ذكره بالاقطـار شاعـي
دار السعد دار النـدى والمعوشـه
دار الشراحـه والمبـان الوساعـي
لاشفت سوق العصر تعجب شبوشه
كالحشر داعيهـم للاقبـال داعـي
بالسـوق غـادٍ للمخاليـق شوشـه
هـاذاك شـرّايٍ وهـاذاك باعـي
دار يهـدّون الاصاعيـب غوشـه
ماصوفـة مثـل حنيـش الافاعـي
لاشنّفـت حرّابهـا مـا يهـوشـه
لا رازها يمشي لهـا بانخضاعـي
دار الى مالحـرب بانـت نبوشـه
فافعال اهلهـا مـن قديـم افداعـي
يـوم تخالـف بالنشامـا نمـوشـه
يوم يحيـر بـه الذليـل الرعاعـي
يوم الفشق مثـل التهامـي قفوشـه
يردون حيضـان المنايـا سراعـي
صاحوا وزادوا ضدّهم من غشوشـه
كم ابلـج تنعـي عليـه النواعـي
هـذا ذبيـح وذا تقّـرب نعـوشـه
وهذا هرب لكن له المـوت داعـي
يتلـون مفنـي باللـوازم كبوشـه
غيث المحـول ومدهـل للجياعـي
عبدالعزيـز اللـي كبـار بطوشـه
عن مخلبـه ماللضديـد ارتفاعـي
ملجا الضعيف اللي خلا من قروشه
وستر الهنوف اللي رمت بالقناعـي
وان سرّبت يـم المعـادي جيوشـه
من الشر يوفي راعي المدّ صاعـي
وجهـه يبـادر بالمـروه بشوشـه
لاجنّب الكايـد قصيـر الذراعـي
عدٍّ الـى نشّـت مغانـي امشوشـه
هدّاج تيما كـل مـا ميـح فاعـي
وصلوا عدد ما العين تغضي رموشه
او عد ما يمشي على الساق ساعـي
علـى النبـي والآل مـادر بوشـه
او عد ما قيـل ارفعـوا للشراعـي
لقيت اليوم درويش يطـقّ البـاب عقلـه بـوخ
وهو لا تاهم انه يـوم طـقّ البـاب محتاجـي
انا وياه عريـان تدربـا لـه علـى مصلـوخ
ولا ينلام مسكيـن فجـاه مـن الدهـر فاجـي
على الجاهل تعرض اصناف كيناوي ولب الجوخ
ولا يفـرز عليهـن يحسـب الماهـود كلاّجـي
عجايب يالزمان اللي عبيـده يملكـون شيـوخ
على النمر الزعول ام الحبينـا تاخـذ الباجـي
يعزّ المال من يصفرّ لي طالع شـرار اشـروخ
يورّا انه ولد باشـة حلـب لـو كـان هلباجـي
وهو له مجلس مفهوم كرسيّـه علـى مشلـوخ
يقـدّم لـه نوايـع تيـن عطـر بيـد فراجـي
انا يا حجّ ما عندي بهذا غيـر غمـر صنـوخ
اسويهـن حبـال بـيـن مـحّـال ودراجــي
قليل المال من ديوان تجّـار العـرب منسـوخ
ولو عنـه السبايـا يضربـن الحـزم هجّاجـي
كثير الناس ما يفرز على المشوي من المطبـوخ
وهو في خاطره كنـه لبـس بالمعرفـه تاجـي
الى ما اقبل يجرّ البشت الاشقر والردون طروخ
وهومايـه تبـع سبـع يحطّـن فوقهـن تاجـي
قال الذي كنّ حاله من صروف الوقت عود الجريد
اسبـاب جملـة سواميـح بهـالايـام متتابـعـه
لقيت ناس يريدون الهـوى لاشـك عنهـم بعيـد
ابعد من السابعه ياللـي تميّزهـا عـن السابعـة
وانا بوقت جديد وظاهـر للوقـت جيـل جديـد
الجيل في رابعه والوقت له مـن ساكنـه رابعـه
دنيا ضحوك لاهلها كالهنوف اللي غلاهـا يزيـد
وهي عجوز توّر النـاس زينتهـا وهـي كابعـه
عيّنت كسرى وقيصر عزّلوا والكل باسـه شديـد
امست سفينة معزتهـم بغبـات البحـر طابعـه
عفـا الله عــن عـيـن جـداهـا ونينـهـا
يـاوي لهـا مـن كـان يـوحـي حنينـهـا
علـى طفلـة عمهوجـة غضـة الصـبـا
تسبـي قـلـوب اهــل الـمـوده ابزينـهـا
تباهـى بمـجـدول عـلـى الــردف كـنـه
ثـلـيــل شــقــرا بـالـلـقـا مسـرجـيـنـهـا
والعـنـق منـهـا عـنـق قــوادة الـمـهـا
بــانـــت عــلـــى تـفّــاقــة ذايـريـنـهــا
ذرعــان بالكفـيـن هــي غـايـة الـمـنـا
مـــع حسـنـهـا بخضـابـهـا ناقشيـنـهـا
انـا مـا ذبحنـي ليـن شفتـه وبـان لـي
كمـا اللولـو المنظـوم بـيـن اشفتينـهـا
وخـد كمـا المصقـول فـي كــف نــادر
حـامــي بـهــا ورد عـلــى وجنتيـنـهـا
ومـحـاجـر ذبــــحٍ لـطـلابــة الــهــوى
لكن ذحـاح المـوت فـي حجـر عينهـا
زهـى الصـدر منهـا كالرماميـن تــرّز
حـمـر ثمـرهـن مـــا لـهـجـن جنيـنـهـا
والبطـن لا ديـبـاج لا المـرعـز الــذي
كـمــا دارة الـدهــدار لـونــه ولـيـنـهـا
وردف يعوقه عن مسيره الـى مشـت
...........( )............
وحدر الردوف احزوف تزهاه ما حلا
سـاقـيـن صـافـيـة الـبـهـا واقدمـيـنـهـا
فـلاشــك واعـــزاه مـاهـيـب ضـنـتــي
خـيــره لـغـيــره وابتـلـتـنـي بحـيـنـهـا
زهت بالشباب وغاية الحسـن والبهـا
وهي لـه ثـلاث وعشـر عـدة سنينهـا
ابــت لا تمنـيـنـي ولا تـقـطـع الـرجــا
ولا تـنـفـع الـشـكـوى لـمــن يـزيـنـهـا
وهي سمحة الاطراف ملهوفة الحشـا
الا واهـنـيـك بـالـطـرب يـــا خـديـنـهـا
كمـا دوحـة البـان الـذي هــزّه الـهـوا
الـى هــب ذعــذاع تمـايـل اغصينـهـا
حشـا الله مـا فيهـا مـن العـيـب ذارب
حـذا فـي ليـال اشـبـاط لــذة حضينـهـا
ولا ظـن لـه عنـدي حتيـن مـن الـمـلا
حـذا مـوق عينـي ربمـا انــه حتينـهـا
تهاوي هواه النفس وهـو علـى النقـا
فلاشـك اعـذل النفـس عنهـا واهينهـا
مــاهــوب لا بــغــض ولا مـحـقـريــه
فلاكـن اخـاف النـفـس تـبـدي كنينـهـا
الى انتحت نفس آدمـي علـى الهـوى
فهـي ربـمـا يصـبـح ضعـيـف يقينـهـا
فلاكـن علـى المخلـوق يسـال خالـقـه
يعينـه عـلـى نفـسـه ويـخـزي لعينـهـا
تـزريـت مــن قــول القـلـوب شـواهـد
وانـا اظــن هــذي هـرجـة ناسخينـهـا
يـــود هـبـيـل الـقـلـب مـــن لا يــــوده
علـى عصـر بـن بـدران يـا جاهلينهـا
ومني ومن يوحي صلاة علـى النبـي
ماحـي ظــلام الـشـرك بـانـوار دينـهـا
والآل والاصـحـاب مــا قـلـت مبـتـدي
عفـى الله عـن نفـس جـداهـا ونينـهـا
هاضني نوٍّ سديـد وشـاق لـي برّاقـه
كن باركانـه قناديـل الحـرم مشبوبـه
هلّ واهمل جلّ من ركّب طهاه وساقـه
لين اخذ حدّه من الصافي وكـنّ بنوبـه
فوق دار العندل اللـي تذبـح العشاقـه
وان مشت تطوي ردايفها مثانـي ثوبـه
لا ضخيمة زول لاهي بالنشـاش ادقاقـه
حطّها الله للمشقّى والمولّع بالغرام اعقوبه
جذبني بالمساجد جضةٍ توحش وحطب قـران
والى ما غير هرج لسان والا المال لا تطريه
انا احسب رمضان انه الى جانا الضعيف يعان
واثار ان الزمان اقشر وخيره عاقـب راعيـه
كلوا حق الولي كله ولا يصخون لـه بقـران
عطاهم مال وامرهم يزكّونـه وشحّـوا فيـه
اليوم واحيلتـي يامـا مـن الفكـر والافكـار
كيف الولد يزمله بطنه ويـزري عنـه يمـلاه
ظهرت ابا صرم معي فاسي ومشفاري ومنشار
طارٍ عليّه الى جيت الشعيب ابـدا مـن ادنـاه
لقيت بادنى الشعيب اقشر حلايـا فوقـه غبـار
قلت انت فقر الزمان اللي يذكر قال انـا ايـاه
لكن شوري عليك ان طعت شوري يدك والحار
تراي انا مسكني بالطلح وادّب فيـه مـن جـاه
قبلـت شـوره وجيـت مـعـوّد لله مخـتـار
امشي برجوا إلـه مـا يخيّـب مـن ترجـاه
انا احسب انه قعد واثره سبقني نـاصٍ الـدار
ما تنفهق عـن مكانـي قـال والله مـا تعـداه
الا ترانـا نهـارٍ للمطـوع فـيـه خـطـار
والضيف لازم الى امسى عند راع البيت عشّاه
اصبح وقال المطوع جعل ابو ذا العيـن للنـار
حرام بالبيت يالحب الاحمـر مـا عـاد يلقـاه
قال الله اقوى طرتوني وانا ورعانـي صغـار
الصبح باكر نفرقهم على ادنا القصر واقصـاه
وحق علينا نفرق بيـن راع الاصـل والجـار
ولا استقـام السمـا والارض الا بالمـسـاواه
واقفا وخلـىّ عيالينـه بقـاص الـدار حسّـار
احد يوّجب واحد يحرم عليـه المـا ومرعـاه
تململوا قالـو الورعـان هيّـا نخلـي الـدار
ترا العليـا وقصـر محمـد الخـرار مشهـاه
قـال السفيـه العليـا قـال العاقـل يـسـار
ما عند ذيب الاديـب ارزاق ياليـت المكافـاه
اقفوا ومرّوا على الروضه إلى يلعب بها الفـار
تقللـوا يشتمـون السّـر هـو ويّـا قـرايـاه
داجوا بسموا القرايا والجنوب وكـل الاقطـار
او هايف القصر الرفيع وقام يرقص طاب ملفاه
قال انزلوا يا عيالـي جعـل بنّايـه للابـرار
انتم وكحلة عيـال العـم مـا فيكـم مـراواه
قال الكحالي علامك يا خطيب تقـرّ الاسطـار
تردّ وجهٍ غبر من عقـب مـا قفّـت مطايـاه
ابا استعين الولي واقف الى جا الفقـر طـرار
الى نهيته وعيّا يجنّـب صفقتـه بيـن حجّـاه
الفقر ولدت حـرام خاطـره ماهـوب عـذّار
اما عذرنـا يعيـذ الله وهـو لارحـم مجنـاه
ذا لي ثلاث اجبة والقدر ما ركّب علـى النـار
ازريت لا ادرك اربيع طحين اخبـزه واتغـداه
يا اهل الرفيع اعرضوا باكر وخلّو نقرع الطار
وابي نرجمه يـا نشامـا رجـم قابـه ونتقفـاه
تلقى الحصى في متون الفقـر ورّاد وصـدّار
من قصرنا سنّد الوادي وخشـم النيـر ممسـاه
والصبح ياما حلا له من خشوم النيـر منشـار
ياطا سجا والينوفـي والحـرار ادنـا معشـاه
وصلوا على المصطفى المختار ما هلّن الامطار
وآله وصحبه عدد ما غـردن الـورق بغنـاه
ضحكت في عصر الشباب وغرّني
ما ميّز البيزات من صرف الجني
يحّول يا عين قـزا عنهـا الكـرا
من ضيم همّ في ضميـري يبتنـي
اضحى الضحى وهي تجادل نومها
تقول يـا نومـي لمـا حاربتنـي
قال المجادل بيننـا وش هـو لـه
متذّكر عصر مضـى مـا ينثنـي
قالت لقيـت بمـا تقـول مرافـق
فلجتنـي بالنـوم لكـن عـزّنـي
من ضيم وقت بـان منـه دلايـل
هوايل تدعـي العقـول اتجنّنـي
الليث يمسـي ديـرة مـن ديـره
ولا جت له الدنيا على ما يمتنـي
والهرّ قاصـرة الحبـال اشبـوره
ياكل ويشرب في حياتـه مهتنـي
من عاش بالدنيـا تفكّـر واعتبـر
عما تسوّى بالضعيـف وبالغنـي
دنيـاك لاضحكـت لعبـد ساعـة
واستّر واصبح من ثمرها يجتنـي
امسـت هشيـم خامـد نـوّارهـا
الامـر لله كيـف فيهـا نغتـنـي
لو انهـا تسـور جنـاح بعوضـه
ما حقّـت اللعنـه عليهـا تلعنـي
ترا الفخر باكر الى بـان السعـد
ماهوب جمع المال واكله بالهنـي
من مات ما قـدّم لنفسـه صالـح
حتى ولو هو بالحيـاة مصلطنـي
تلقاه يوم العرض حملـه باهـض
يوم تفـرّ الوالديـن مـن البنـي
ليما يطيـح بقعرهـا يـا كافـي
يا غافر الزلـه اجرنـي وانجنـي
انـا ومـن يتبـع طريـق نبيّـه
يوم الشفاعـه للمسـي يالمحسنـي
ختمت قيلي بالصلاة علـى النبـي
اعداد ما يرفـع بصوتـه مذّنـي
واعداد ما تسعى الركاب الى الحرم
واعداد خلقه حي او من هو فنـي
يا الله يالله يالمطلوب تبعد عن بلدنـا الكفـر
يا سيّدي مسندي يا مودع حبل الفلك يستديـر
يا كثر ما شافوا الاسلام منهـم مـوارٍ قشـر
حديد يمشي برجلينه على الرّقّه والآخر يطير
واظهر مكينه تصفّي ماً قراح من هماج البحر
لولاه شافه لبيب العقل في عينه جزم ما يصير
مكاين جعل من هندس بها لين استوت في سقر
والى دعا الله يغيثه وردّه مالم على زمهريـر
حنّا الى صلّح الساعه حدانا قيل هـذا الفخـر
هذا السّتاد الفرنقي ما ورا هذا استـاد يصيـر
عدّيـت بالمرقـاب والدمـع سكّـاب
واجـاوب القنّـاب ممـا لجـا بـي
عيني قزت بمراح والبال مـا انسـاح
والسـد منـي بــاح لا واعـذابـي
على حسيـن الـدلّ زيـن المعـزّل
يتـل قلبـي تـل جـال العـذابـي
اللـي صفالـي كالغديـر الـزلالـي
ليما طـوى حالـي بسهـل الجنابـي
اتلى العهد به شدّ مـن جانـب العـدّ
واقـد قلبـي قـد قــد الايهـابـي
عدّ وطـا بـه زيـد جالـي عذابـه
سقى جنابـه مـن حقـوق السحابـي
دنّـوا لهـا هيّـاف والقلـب ينـلاف
كرّب عليه وحـاف تـرف الشبابـي
كرّب على وضحان واوما للاضعـان
واقفا وهو مـا كـان حولـه وجابـي
سنّد يبي المكيال مـع سـردق الـلال
واتلى العهد به حـال دونـه سرابـي
كزيت لـه منـدوب حـق وماجـوب
لا يـا عسـل ذوب حلـو الشرابـي
رد الخبر بوكاد مـع عجـل الاوراد
الجسـم منـي بـاد والـراس شابـي
عمر مضى بطريـاه مـا والله انسـاه
سجّيـت انـا ويـاه واثـره عذابـي
والله لولا الباس يـا عـدم الاجنـاس
وادرا زرايـا النـاس بيّـن وغابـي
لاضرب بك الادراك في بعض الافلاك
واسـج انـا ويـاك قبـل المتـابـي
قبـل اتولـع فيـك والقلـب ناسيـك
واليوم انـا باغيـك تبـرد صوابـي
فان كان مـا تبريـه ادّ السبـب فيـه
والطـب الا تخفيـه واحـذر عيابـي
ليـاك تجفانـي جـفـاك الزمـانـي
بالشين تجزاني علـى اخـر حسابـي
مثلك يدارينـي كمـا انـه ضنينـي
والا يجازينـي بحـسـن الثـوابـي
يا بندقي يا هيـف صيـد الملاقيـف
اللي ليـال الصيـف مثـل السرابـي
لا عرّض الادمـي تدرّجـت قدمـي
فالى احترك هدمي عطيـت المغابـي
فالـى درج ظلـي تغبـيّـت كـلـي
فالى تبيّـن لـي علـى راس نابـي
شرّعت شاربها فـي وسـط حاجبهـا
وخليّـت مضربهـا يفـج الصوابـي
وحنيّت عاقبهـا وهـو مـن سبايبهـا
ومما نشوف إبها طمسنـا القضابـي
وصلوا على الهادي سبيـل الرشـادي
ما غرّد الشادي في عالـي الهضابـي
عبدالله بن علي بن محمد بن دويرج .. الملقب ( هدبان ) من مواليد قرية جفن في منطقة السرّ بنجد . كانت حياته تتسم بشظف العيش والفقر الشديد وهذا ما يتضح بـ أغلب قصائده . رحل الى عنيزة وكانت مدينه مزدهرة نشطه واسعة الخيرات ولكن حياته أستمرت على الفقر والشكوى . فضّل الشاعر التقوقع على النفس والاكتفاء بحياته الكادحه وهو بشاعريته كان يستطيع أقتحام الاوساط الشعريه حوله وفي الخليج العربي حيث كانت الكويت ساحة شعريه زاخره بالمواهب والاحتكاك والظهور .. كما لا يذكر انه رحل كغيره الى الحجاز حيث الملك فيصل حاكما هناك من قبل والده .. وكان يفد اليه الشعراء من كل مكان فيجدون الرعايه .
ومن يقرأ شعر ابن دويرج يلاحظ الاصاله الشعريه وطول النفس .. لغته الشعريه جزله يعشق العسير من بحور الشعر لقوة قريحته . الكلام عن هذا الشاعر رحمة الله يطول .. لكن من خلال قصائده يتضح للقاريء ما أشرنا اليه . توفي رحمه الله في عنيزة ودفن فيها عام 1365 هـ .
ياهل الزرفات بكره كان مريتوا طـوارف خلـي
خبروه اني شكيت الهم والسامـوح عقـب فراقـه
مانسيت الصاحب اللي بالموّده والهوى صافي ليّ
جالي أصفا من غدير (الجلت)وحلا من حليب الناقه
مانسيته يوم أنا أنهل من كما..ذوب العسل واملي
خابرٍ نفسـي عيـوف ولاتدانـي عقبـه العشاقـه
مع ثلاثٍ عارضني صبح يوم العيـد دق وجلـي
وصفهن ثنتين جل وثالثتهٍـن بالوصـوف ادقاقـه
أنهب الممشا لجلهن ميرادهـن ماودهـن يندلـي
كل ماقربـت منهـن خالفنـي وقطعـن الساقـه
يالطيف الحال غظّات الصبايا كيف مايـاون لـي
حملنيّ من كثيب الرمل ملموض وعليـه وساقـه
صابني منهن هنوفٍ من لماها علتـي ودون لـي
ودي أصبر مير قلبي من فراقـه غـاديٍٍّ حراقـه
صرت مثل اللي يعبر في زمانه كل حـل بحلـي
الله أقوى كل عبـدٍٍ مشتكـا حالـه علـى خلاقـه
كن عينه عيـن شيهـانٍٍ ربـا بالنايـف المتعلـي
أو كما عين الغزال اللي يلد أبهـا علـى دراقـه
جادلٍ تل الضماير فـي كلاليـب المحبـه تلـي
تل هجنٍٍ في سموم القيض عطشا والشراب شفاقـه
( عنيزه )
سقا الفيحا روايح بارقٍ يوضـي كمـا البنّـور
حقوق والرعد له في قنـوف المـزن زلزالـي
لكن ابه الطها جول المها اللي بالخـلا مذيـور
إلى هبت ذعاذيـع الصبـا جـا لـه تعزالـي
ثمان اوجاب والرايح سنـا برقـه يقـدّ النـور
من الجمعة إلـى الاثنيـن والمامـور همالـي
من البربك إلى رامه وغربيـه ضفـا بحـدور
على وادي الرمه لين ان سيله يركـب الجالـي
حقوق صيّب نافع على الفيحـا وهـو مامـور
ولا به شر بل هو خير يحيـي الدمـدم البالـي
سقا دار يداريها العدو يخشـى مـن المحـذور
إلى زامت خضع له خضعت المملوك للوالـي
كما العله على كبد الحريب وصيتهـا مشهـور
حشى ما ساقت الجزيه من الاول الـى التالـي
ترا سوره مقاديمه إلـى كـل بنـا لـه سـور
ولا فيهـا يطيعـون الوشـاة وهـرج عذالـي
إلى هاجت زمول الحرب يضحي ضدهم مكسور
تـرا عقالهـم مـع ثـورة البـارود جهالـي
فالى منه زبنهم مجـرم كنـه بجـال الطـور
ينام الليل لو حمله وحـل مـا هـوب ينشالـي
على سامانها لو كان يطبّـل للحريـب ازمـور
بواريـدٍ تثـور وصـوت عمّـالٍ ومحـالـي
حليّت ما عمر شداد ميـوات وحسـن قصـور
على ما ينبغي مثل الزهر مختلـف الاشكالـي
إلى مريت سوق العصر فيها مثل نفخ الصـور
قريب من نهار العرض منـه العقـل يهتالـي
ذكرت اللي بنفسي عن جميع البادية وحضـور
على سوق سقاه مـن المعـزّه صيّـب يالـي
رعى الله ديرة ما سادها الحصني ولا السنّـور
ولا صابه مثل ما صـاب غيـره ذل واذلالـي
لكن اللي مفصّلهـا علـى تفصالهـا مجبـور
على حد الوعر والغين في دمثـات الاسهالـي
على فجّ المناكب يشربن من دارجـات نهـور
الا وازينهـن كـان الثمـر بفروعهـن مالـي
مرابي خرّدات كنهـن مـن ناعمـات الحـور
مرابيهـن مصابـيـح مرتـبـةٍ بالاشكـالـي
حماها لاطم العيّـال مـن لا يقتـدي بالشـور
أبـو خالـد بعـزم وجـزم نقّـاض وفتالـي
معه سلّة هل الفيحا إلى كـزّ الحريـب سبـور
بكور وصله عدم والكل يرخص عمره الغالـي
يبيعون الغوالي دون غـرّ مدعجـات خـدور
لهم بالضيـق هـداتٍ كمـا هـدات الاشبالـي
حشا ما ظنتي يطري على الخاطر من المخطور
رها بك يالاله اللي علـى سابـع سمـا عالـي
فلا يشره على دار ربا فيهـا الاسـد وانمـور
محال إنه يرام الليـث حيـث الليـث زعّالـي
الا يا سورها يـا نورهـا لا تذخـر المقـدور
ترى الديره طموح وشفّهـا مـع كـل رجالـي
على ما قال الاول كنت حبر فالرجـال حبـور
وانا ما قولـه إلا شاهـد المشـروع يبرالـي
الى قلت الليال أقفت تراها كد عطـت بنحـور
علـوم الرشـد رجليّـه وعلـم السـوّ خيالـي
عدوك لو ضحك لك بالشفه مستدخـل شابـور
خفيّـه سـم والبيّـن عـذي الـذوق سلسالـي
جرا مني نصيحه والنصيحـه حقهـا الدستـور
ولا مثلـك يواخذنـي ولـو زليّـت بامثالـي
يقوله صاحـب عـذّار وانـت مكـرّم مافـور
عسى عزك يـدوم ولا نـدور فيـك الابدالـي
تزول الروح مني لا زههفت ولا هرجت الزور
كلامٍ في محله فـاض مـن بالـي ولا ابالـي
على طه صلاةٍ عدّ ما سـاق الضيـا الديجـور
وعدد ما هلّ واهمل من حقوق المـزن همالـي
قال الذي شـاف مـن وقتـه امـور عجايـب
يضحك مع اللي ضحك لاشك خاف الهم دابـه
البارحـه يـا لطيـف الحـال هلّـن الحبايـب
دمع كما وبـل هملـولٍ تطلّـق مـن سحابـه
من ضيم دنيا رقص شيطانهـا بيـن القرايـب
رفيقك الصاغ مثل الموس عضّه فـي قضابـه
قالوا تولّـع بطـاروق المـودّة وانـت شايـب
قلت ايه نعم ما سمعنا به على المسلـم عتابـه
قالوا ورا مـا تتـوب وقلـت : انـا لله تايـب
الله عن اللي يريد المغفـره مـا صـكّ بابـه
بعض العرب ينصحون ونصحهم ماهوب صايب
ايحرّمـون الجـواب ويستحـلّـون السبـابـه
واهل النصيحه ربيـع قلوبهـم بيـع الغلايـب
الحق كـل يعرفـه ميـر ويـن اللـي يهابـه
ويش الحول يا الربيعي يا مـورّد كـل هايـب
بالمشكل اللي تبيّن لـي ولـك خافـي عيابـه
نشري قماشة بحاضر والمبيعـه بيـع غايـب
بالدفتر اللي على راعيـه مـا يشكـل كتابـه
حطوّا وشالوا ولا بيني وبيـن احـدٍ طلايـب
وكل الى عزّلت روحه علـى الوالـي حسابـه
قال الذي لاعه مـن البيـن لايـع
الدمع من عينه على الخـد همّـاع
وهـو بديـرة مشبعيـن الهلايـع
رجّالهم من لمسـة الخشـم جـزّاع
بالعز اهلهـا بيـن شـاري وبايـع
ومن البحر الى البحر ذكرهم شـاع
اودعتهم مـن لا يخـون الواديـع
ومن هو وداعة مالك الملك ما ضاع
امدح ومدحـي بالمناعيـر ضايـع
ما واحد من فطرته كزّ لي صـاع
ماهوب كلـه بخـل لكـن طبايـع
ما سايل الشبعان عن بطن من جاع
بـذل المـروّه بينهـم بالبضايـع
ومن قال زاهف ذاك قاع وذا قـاع
السمن في محسوبة الشبـط مايـع
بالمستخص اسمه وهو شكله انواع
لاشك هو يحرم علـى كـل جايـع
لا والذي يجري من الريح ذعـذاع
يانا ومثلـي مـا نـذوق النوايـع
يا كود من مدّات معطـي ومنـاع
الصدق يذكر من خيـار البضايـع
والكذب علّه من خفيـات الاوجـاع
كم واحد ذكـره بالاقطـار شايـع
لو تطلبه صندوق كبريت ما طـاع
ماله يغطـي بـه عيـوب فنايـع
خالٍ من المعروف للسحت جمّـاع
يوم الملاقا فـي حسـاب الربايـع
خطرٍ الى شاف الثعل منـه يرتـاع
فيهم رجال مثـل حصـنٍ طلايـع
بين العنـان وغافـره تقـل فـزّاع
يلقـى بيـومٍ يكـبـرن الوقـايـع
واف النسب ساقٍ وسمحوق وذراع
لا طنّب الصايح وصـارت فزايـع
بالسيف لارقاب المناعيـر قطّـاع
لا حذّفن عطـر الجيـوب القنايـع
يقلط امام الجمـع ماهـوب نسّـاع
والى بقى منـوة امديـم الزرايـع
يسوق به غال الثمـن كـل زرّاع
وصلوا على الهادي لدرب الشرايع
ما ناض برق وغرّد الورق سجّـاع
يا راسي اللي شاب من قبل حينه
مما جرا لي والخلايق مريحيـن
يا قلبي اللي حنّ واطول حنينـه
حنّة مفاريـد واهلهـن محيليـن
سمعت لي علم حـدث بادعينـه
صنعة حراميّة ولايـة شياطيـن
اللي يشيلـون القريـن وقرينـه
ربيعهم شوف الثنيـن متشاكيـن
يا بنت وان كان العـذر تقبلينـه
عذر سمين ان كان قلبك على دين
واللي بنى بيت النبـي بالمدينـه
ما قلت فيكم ما يخفض الموازين
والا فدرب الشيـن لا تذخرينـه
وحنا لمن له عندنا دين مصخيـن
واقصى مداك فهيـد تاتخبّرينـه
والى عطاني كلمةٍ قلت له عشرين
سريت يوم انحـى القمـر بتهويفـه
يوم ان كل في لذيـذ الكـرى بـات
سرحت ابي لاخـوان ميثـا طريفـه
ولا صدت غير غراب واربع قطاوات
اطلقـت مسماكـي وجالـه وحيفـه
ودلاّ غراب الجول يرمي بالاصوات
المس غراب الجوال واثـره هديفـه
طـارٍ علـي آكـل ثناديـه نيّـات
يالله يـا متلـف علـيـه الخليـفـه
تعوضني باقبـال فـي فايـت فـات
يقوله من بدا وقت الضحى ذكر الله الاعظـم
وهو في عالي المرقاب تلعب فيـه الانسامـي
عليّ البارحه حلو الكرى جنح الدجـا يحـرم
هواجيس بين سوق الهند والطايف الى الشـام
ابا المرواح عـن دار جفتنـي جعلهـا تهـدم
مطرها بالشتا من زمهرير وقيضهـا حامـي
الا يالله كان القلـب هوجـس بالحـرام وهـمّ
وتبدّا باسود الجنحان مـن ضـدات الايامـي
وانا مالي صديق الا انت لا ياوي ولا يرحـم
حسير من سنعك اضعيف ما تنهضني اقدامي
وانا مانيب غيّه خابـر ان الغيـب مـا يعلـم
حذا الله خابر انـه للخفـا والغيـب علامـي
لو اجري مثل مجرا الشمس مالي غير ما يقسم
فلو خالفت رزقي جان سيـر وصـار قدامـي
انا شوف الضعيف فلا يبّرق بـه ولا يرحـم
ولا احد يلتفت له لو حديثه يـروي الظامـي
وكثير المال يمشى له ولو هو بالدجا الاظلـم
يجي عند العرب باشه ولو هو مثل الانعامـي
قال الذي من صروف الوقت بيّح كل مكنـون
سمتي معي حافظه يوم ان سمت اللاش ضاعي
اضحك بليا طرب عند العرب والقلب مشطون
عقب الفضا يا لطيف الحال ضاق بي الوساعي
سيّرت ابي لي رفيق وصارت الدعوى الى دون
ورجعت عقب الوفا يقصر عن المدين صاعـي
ابا اتريّح ببيتي واقتصر والـرزق مضمـون
واجوز من روحة يم العرب من غيـر داعـي
مكتوب رزقي يجيني لو مشيت الرفق والهـون
لا خير لا خير فـي نفـس ترفـد باللعاعـي
يالله يالله ياللي لـك جميـع النـاس يرجـون
منك الفرج يرتجى يا سامك السبـع الرفاعـي
كتبت رزق الاسد قـدره ولا ضيّعـت بـزّون
والذّر والحمّره من مـدك الضافـي شباعـي
بين الخلايق قسمت ارزاقهم غابـن ومغبـون
الضان رزقه رغد واللي يجوعـون السباعـي
لولاك كان الملا جمله عن آخرهـم يضيعـون
بامرك يسير الفلك والكل مـا خلّـي ضياعـي
الـف امـة قايـم بارزاقهـم ليمـا يموتـون
امعطّلين السبـب واللـي يحثـون السواعـي
يا مالك الديـن والدنيـا بليّـا شـك وظنـون
كل الخلايق رعيّه وانـت للمخلـوق راعـي
وصلاة رب عدد مـا حلتـم الرعـاد بمـزون
على نبي ومرنـا بالهـدى وامـره مطاعـي
يا من يبادلني بحظـي وازيـده
من جاز له بالزود ما فيـه ردّه
يقدم على حظٍ ترا يـوم عيـده
ساعة يشوف الرزق ودّه يـرده
عذروب حظي بركته ما تكيـده
والى برك يبسط على القاع خدّه
يكره الى شاف الثياب الجديـده
ويفرح الى شاف الملابيس جرده
لا واهني من يلتوي في وريـده
بمصقلٍ يمضي على العظم حدّه
الفقر ما يفختني ابدٍ مـن أيـده
ايضا وعندي له فراش ومخـده
دايم علـيّ معاملاتـه شديـده
مالي عنه منهاج والبـاب سـدّه
يا ابو سليّم يا صدوق الوعيـده
فكّن منه لا رحم ابو جـد جـدّه
والله ما غيـرك حـدٍ نستفيـده
افزع لرجل بيّـح الفقـر سـدّه
مضى العمر انا والفقر يا شعيل حطّ وشيل
انا اقـواه يـومٍ وبـاق الايـام يقوانـي
ادير الروابع ليـن يقبـل سمـار الليـل
الى رحت مع سـوق ٍ ابغديـه لاقانـي=
قلبني وله مع ساقتي مثـل رجـد الخيـل
علـى وصلتـي للبـاب ولاّه يتنـانـي
تنابزت انـا وايـاه ثـمٍ نخيـت شعيـل
بكا الـورع مالـه حيلـةٍ منـه ياقانـي
وذي حالة الدنيا متى ما اجنفـت بالميـل
لقيت الحصيني يفرس الذيـب سرحانـي
وانا فـي عنيـزة علّهـا مدلهـم السيـل
الى ما يجي للسيـل بالسـوق غدرانـي
ما ينظـر النـاس كنّـه للثريـا ينـوش
وهو الى كبرت القالـه بـداه ارتهـاش
جعله فدا الهيلع اللي للمراجـل خمـوش
جاهوش بالمرجله ماهوب خطو المشـاش
عدٍّ الى كثر ورده باسود المـا يجـوش
قرهود يبهج مهاليـك الكبـود العطـاش
يفرح الى قيل نّوخ عند بابـك طـروش
اضيوفٍ عماسا يريدون الدفـا والمعـاش
هذا وغيره بعد ما اقضّب الهـرج بـوش
صلوا على المصطفى ما فرّ طير العشاش
قال من جر الونين وعقّـب الونّـه عوايـه
في حجـا مبريّـة لا علّهـا وبـل المخيلـه
يجتلد كنّـه جريـح بايـت بالجـرح دايـه
ما ينام الليل طرفـه والشقـا ينقـل فتيلـه
يالله اني طالب منـك المروفـه والحمايـه
يا قويٍ من صواديف النيـا ينجـي دخيلـه
ارحم اللي حاربت رجليـه مشـي بالحذايـه
كل وقت ودوك ليل من الحرص ياطا شليله
في طلب رزقه يدور اله السبب في كل شايه
مير اثر حظ الضعيف الى ربض ما فيه حيله
خابرٍ حظ الفقير الى ربـض مابـه عبايـه
كل ما بارح نهار اليوم الآخـر يلتـوى لـه
لا وراه دقاق غوش ولا ضياع فـي لزايـه
والعشا يطرد غدانـا والله ان هـذي فشيلـه
والله اني طامع ان الوجه الاقشر فـي قفايـه
اجمعه بالتطرفه وابليس ينقـل فـي زبيلـه
الدمار اسرع مـن اللـي مستمـرٍ بالبنايـه
يوم هو جنّب عن الثنتين يرضا في حصيلـه
والله اني ماخبر في يوم واحـد جـا منايـه
كود يومٍ صدت فيه اربع قطا واوفيت شيلـه
يـامــن لـعـيـن مقـزّيـهـا عـــن الـلــذات عـامــوس
والـقـلـب كـنــه يـجـرّحـه الـزمــان بـحــدّ مـوســه
قالـوا لـي العـب وانـا قلبـي يـديـره كــل هـاجـوس
ولا تنقـضـي حاجتـيـن الـلـي مـلازمـتـه هـجـوسـه
والثانـيـه مــا لـقـيـت ابـــردّي الامـثــال نـامــوس
نمـرة شجـر هيـل مـا ينفـع الـى وخـذت اجـروسـه
لقيت الاريا كما اذنـاب الدعـم واسـم الدعـم عـوس
يــا فاهمـيـن المعـرفـه كـــل وقـــت فـــي لـبـوسـه
وهـرجٍ بـلا فـايـده معـنـاه بـرقـة ريــش طــاووس
سـوق المجالـس لبيـب الـهـرج والانـسـه عـروسـه
والفكـر غبّـة بحـر مـا احـد يجيـه الا مـعـه قــوس
والخـامـل الـلـي يـمـشّـي جالـبـوتـه قـبــل قـوســه
وشلـون وشلـون اعبّـر جالبوتـي والـهـوى كــوس
الـى نهضـت الشـراع الـى هـوى الغربـي يحوسـه
مـن قــلّ مـالـه ولــو يسـنـد بـعـد لعـيـال فـاعـوس
عافـوه الاقـراب واكثـر مـا يخـون التـمـر سـوسـه
فيما مضى الذيب يفرس واصبح السرحان مفروس
وسعـيـد قــد ســاد عـمّـه عـقـب مــا سـلّـم فلـوسـه
بغـيـت لــي مـربـع فـقـر كــلاه وصــار مـانــوس
داجـت عليـه الرعايـا عقـب مــا جـونـي عسـوسـه
سريـت والبـدر منهـي واستـكّـن الـبـدر مطـمـوس
وظلّـيـت حـيـران بالافـكـار والـرجــل امحـبـوسـه
يالله يـــا واحـــد فـــرد صـمــد ســبــوح قــــدّوس
تفرج لمن باع عشـر ابخمـس والخمـس امخموسـه
ان ترحم اللي جرا له من صروف الوقت عاكـوس
اسـبـاب هـجـر الـزمـان الـلــي بحـذيـانـه يـدوســه
عيّنـت نمـرود عقـب امزاعمـه ومطـاول الــروس
اسقـاه مـن عقـب مشـروب العسـل مــرّات كـوسـه
قال انكس الطعم يالنمرود وارجـع وانـت منكـوس
الــى نـهــار عـظـيـم يـرهــب الـمـجـرم عـبـوسـه
مـا قلـت قولـي بمـن شـعّـت جبيـنـه نــور فـانـوس
ادعـج غـنـج فــي جبيـنـه مــا حــلا دقّــة العـوسـه
مـن مارثـت نـوح لا مسلـم ولا مـن لبـس كـبّـوس
قـلـتـه بـوقــت تـوطّـانـي كـفــى الله شـــرّ بـوُســه
وصلوا على المصطفى ما زبّرن الهـوج لطعـوس
او عــدّ مــا غــردن ورق الحمـايـم فــي غـروسـه
قال الذي كن حاله من صروف الدهر عود الجريد
أسـبــاب جـمـلـة سـوامـيـح مـــن الايـــام مـتـابـعـه
لقيـت نـاس يريـدون الـهـوى لاشــك عنـهـم بعـيـد
ابعـد مـن السابعـه يـا للـي تميزهـا عــن السابـعـه
انــا بجـيـل جـديـد وظـاهــر لـلـوقـت جـيــل جـديــد
الجيـل لـه رابعـه والوقـت لـه فـي ساكـنـه رابـعـه
دنيـا ضحـوك لهلهـا كالهنـوف اللـي غـلاهـا يـزيـد
وهـي عجـوز تـوري النـاس زينتهـا وهـي كابـعـه
عينت كسرى وقيصـر عزلـوا والكـل بأسـه شديـد
اقـفـت سفيـنـة معـزتـهـم بـغـبـات الـبـحـر طـابـعـه
يا راكب اللي الـى حلّيـت مقدمهـا
مقدم سويح البحـر والعيـر لا بالله
وجنا الـى روّحـت لكـن تغانمهـا
تغانم الذيب شاف العـزب بيّـن لـه
واللي على كورها ماهـوب يتهمهـا
تجفل متى ما افترك والى احترك ظله
عذروبها الزرفلـه ماهيـب تفحهمـا
فان روّحت كنها تاطـا علـى ملـه
لله يرعـد مـن الزومـاع برطمهـا
يشدي زمام الهنوف مغانجـه خلّـه
يـا رب وانـك الراعيهـا تسلّمهـا
وهنيّ منهي وشرواهـا حـلال لـه
بيّاعهـا وش يـدوّر فـي دراهمهـا
يا بايع صحتـه يـا شـاري العلـه
حلات مـا ينقـل اللحيـه يحسنّهـا
الى صفالك صدق فأيْت صـافٍ لـه
يا تايـه الـراي لا تنسـى قوايمهـا
يوم الخرايم على العيـرات مشتلـه
يالله كـان البـر ذهبـت وحوشـه
بين الدرك والجـوع والانقطاعـي
بهايـم قلّـت عليهـا المعـوشـه
ما عـاد تلقـى بالمفالـي متاعـي
فـي كـل فـج كاثـرات اولوشـه
عاشت بها برق الرخم والضباعـي
امر بهر مـا عـاد نقـدر نهوشـه
كلّت وملّت مـن غثـاه السباعـي
منك الفرج نرجي بشايـر طروشـه
نوٍ رعـوده تـودع النيـم ياعـي
الى نشى مثل الشوامـخ عروشـه
يبـرق طهـاه ويتّصـل باتساعـي
يقبـل حقـوق كـل وادٍ يـدوشـه
ولا يركب الطامن عشير الرفاعـي
ماشي يغطي بالوطـا مـا ينوشـه
واسع يردّ ابه الخبـر كـل ساعـي
ايشيّل فروخ الوعر مـن عشوشـه
يملى المضيق وكل خـدٍ وساعـي
تضفي على حد المناهـي رشوشـه
وتسيل وديـان السهـل والتلاعـي
الى انحدر لـه بالمحانيـب هوشـه
مثل البحر فيه الزبـد كالسواعـي
تلقى الحيا غب الشهر من رشوشـه
تصبح مهازيل المواشـي شباعـي
فيه الزهر مثـل الزوالـي نقوشـه
يعجب لمن دار النظـر باطّلاعـي
نوّه على الفيحـا وباقـي نطوشـه
دار الحيا ذكره بالاقطـار شاعـي
دار السعد دار النـدى والمعوشـه
دار الشراحـه والمبـان الوساعـي
لاشفت سوق العصر تعجب شبوشه
كالحشر داعيهـم للاقبـال داعـي
بالسـوق غـادٍ للمخاليـق شوشـه
هـاذاك شـرّايٍ وهـاذاك باعـي
دار يهـدّون الاصاعيـب غوشـه
ماصوفـة مثـل حنيـش الافاعـي
لاشنّفـت حرّابهـا مـا يهـوشـه
لا رازها يمشي لهـا بانخضاعـي
دار الى مالحـرب بانـت نبوشـه
فافعال اهلهـا مـن قديـم افداعـي
يـوم تخالـف بالنشامـا نمـوشـه
يوم يحيـر بـه الذليـل الرعاعـي
يوم الفشق مثـل التهامـي قفوشـه
يردون حيضـان المنايـا سراعـي
صاحوا وزادوا ضدّهم من غشوشـه
كم ابلـج تنعـي عليـه النواعـي
هـذا ذبيـح وذا تقّـرب نعـوشـه
وهذا هرب لكن له المـوت داعـي
يتلـون مفنـي باللـوازم كبوشـه
غيث المحـول ومدهـل للجياعـي
عبدالعزيـز اللـي كبـار بطوشـه
عن مخلبـه ماللضديـد ارتفاعـي
ملجا الضعيف اللي خلا من قروشه
وستر الهنوف اللي رمت بالقناعـي
وان سرّبت يـم المعـادي جيوشـه
من الشر يوفي راعي المدّ صاعـي
وجهـه يبـادر بالمـروه بشوشـه
لاجنّب الكايـد قصيـر الذراعـي
عدٍّ الـى نشّـت مغانـي امشوشـه
هدّاج تيما كـل مـا ميـح فاعـي
وصلوا عدد ما العين تغضي رموشه
او عد ما يمشي على الساق ساعـي
علـى النبـي والآل مـادر بوشـه
او عد ما قيـل ارفعـوا للشراعـي
لقيت اليوم درويش يطـقّ البـاب عقلـه بـوخ
وهو لا تاهم انه يـوم طـقّ البـاب محتاجـي
انا وياه عريـان تدربـا لـه علـى مصلـوخ
ولا ينلام مسكيـن فجـاه مـن الدهـر فاجـي
على الجاهل تعرض اصناف كيناوي ولب الجوخ
ولا يفـرز عليهـن يحسـب الماهـود كلاّجـي
عجايب يالزمان اللي عبيـده يملكـون شيـوخ
على النمر الزعول ام الحبينـا تاخـذ الباجـي
يعزّ المال من يصفرّ لي طالع شـرار اشـروخ
يورّا انه ولد باشـة حلـب لـو كـان هلباجـي
وهو له مجلس مفهوم كرسيّـه علـى مشلـوخ
يقـدّم لـه نوايـع تيـن عطـر بيـد فراجـي
انا يا حجّ ما عندي بهذا غيـر غمـر صنـوخ
اسويهـن حبـال بـيـن مـحّـال ودراجــي
قليل المال من ديوان تجّـار العـرب منسـوخ
ولو عنـه السبايـا يضربـن الحـزم هجّاجـي
كثير الناس ما يفرز على المشوي من المطبـوخ
وهو في خاطره كنـه لبـس بالمعرفـه تاجـي
الى ما اقبل يجرّ البشت الاشقر والردون طروخ
وهومايـه تبـع سبـع يحطّـن فوقهـن تاجـي
قال الذي كنّ حاله من صروف الوقت عود الجريد
اسبـاب جملـة سواميـح بهـالايـام متتابـعـه
لقيت ناس يريدون الهـوى لاشـك عنهـم بعيـد
ابعد من السابعه ياللـي تميّزهـا عـن السابعـة
وانا بوقت جديد وظاهـر للوقـت جيـل جديـد
الجيل في رابعه والوقت له مـن ساكنـه رابعـه
دنيا ضحوك لاهلها كالهنوف اللي غلاهـا يزيـد
وهي عجوز توّر النـاس زينتهـا وهـي كابعـه
عيّنت كسرى وقيصر عزّلوا والكل باسـه شديـد
امست سفينة معزتهـم بغبـات البحـر طابعـه
عفـا الله عــن عـيـن جـداهـا ونينـهـا
يـاوي لهـا مـن كـان يـوحـي حنينـهـا
علـى طفلـة عمهوجـة غضـة الصـبـا
تسبـي قـلـوب اهــل الـمـوده ابزينـهـا
تباهـى بمـجـدول عـلـى الــردف كـنـه
ثـلـيــل شــقــرا بـالـلـقـا مسـرجـيـنـهـا
والعـنـق منـهـا عـنـق قــوادة الـمـهـا
بــانـــت عــلـــى تـفّــاقــة ذايـريـنـهــا
ذرعــان بالكفـيـن هــي غـايـة الـمـنـا
مـــع حسـنـهـا بخضـابـهـا ناقشيـنـهـا
انـا مـا ذبحنـي ليـن شفتـه وبـان لـي
كمـا اللولـو المنظـوم بـيـن اشفتينـهـا
وخـد كمـا المصقـول فـي كــف نــادر
حـامــي بـهــا ورد عـلــى وجنتيـنـهـا
ومـحـاجـر ذبــــحٍ لـطـلابــة الــهــوى
لكن ذحـاح المـوت فـي حجـر عينهـا
زهـى الصـدر منهـا كالرماميـن تــرّز
حـمـر ثمـرهـن مـــا لـهـجـن جنيـنـهـا
والبطـن لا ديـبـاج لا المـرعـز الــذي
كـمــا دارة الـدهــدار لـونــه ولـيـنـهـا
وردف يعوقه عن مسيره الـى مشـت
...........( )............
وحدر الردوف احزوف تزهاه ما حلا
سـاقـيـن صـافـيـة الـبـهـا واقدمـيـنـهـا
فـلاشــك واعـــزاه مـاهـيـب ضـنـتــي
خـيــره لـغـيــره وابتـلـتـنـي بحـيـنـهـا
زهت بالشباب وغاية الحسـن والبهـا
وهي لـه ثـلاث وعشـر عـدة سنينهـا
ابــت لا تمنـيـنـي ولا تـقـطـع الـرجــا
ولا تـنـفـع الـشـكـوى لـمــن يـزيـنـهـا
وهي سمحة الاطراف ملهوفة الحشـا
الا واهـنـيـك بـالـطـرب يـــا خـديـنـهـا
كمـا دوحـة البـان الـذي هــزّه الـهـوا
الـى هــب ذعــذاع تمـايـل اغصينـهـا
حشـا الله مـا فيهـا مـن العـيـب ذارب
حـذا فـي ليـال اشـبـاط لــذة حضينـهـا
ولا ظـن لـه عنـدي حتيـن مـن الـمـلا
حـذا مـوق عينـي ربمـا انــه حتينـهـا
تهاوي هواه النفس وهـو علـى النقـا
فلاشـك اعـذل النفـس عنهـا واهينهـا
مــاهــوب لا بــغــض ولا مـحـقـريــه
فلاكـن اخـاف النـفـس تـبـدي كنينـهـا
الى انتحت نفس آدمـي علـى الهـوى
فهـي ربـمـا يصـبـح ضعـيـف يقينـهـا
فلاكـن علـى المخلـوق يسـال خالـقـه
يعينـه عـلـى نفـسـه ويـخـزي لعينـهـا
تـزريـت مــن قــول القـلـوب شـواهـد
وانـا اظــن هــذي هـرجـة ناسخينـهـا
يـــود هـبـيـل الـقـلـب مـــن لا يــــوده
علـى عصـر بـن بـدران يـا جاهلينهـا
ومني ومن يوحي صلاة علـى النبـي
ماحـي ظــلام الـشـرك بـانـوار دينـهـا
والآل والاصـحـاب مــا قـلـت مبـتـدي
عفـى الله عـن نفـس جـداهـا ونينـهـا
هاضني نوٍّ سديـد وشـاق لـي برّاقـه
كن باركانـه قناديـل الحـرم مشبوبـه
هلّ واهمل جلّ من ركّب طهاه وساقـه
لين اخذ حدّه من الصافي وكـنّ بنوبـه
فوق دار العندل اللـي تذبـح العشاقـه
وان مشت تطوي ردايفها مثانـي ثوبـه
لا ضخيمة زول لاهي بالنشـاش ادقاقـه
حطّها الله للمشقّى والمولّع بالغرام اعقوبه
جذبني بالمساجد جضةٍ توحش وحطب قـران
والى ما غير هرج لسان والا المال لا تطريه
انا احسب رمضان انه الى جانا الضعيف يعان
واثار ان الزمان اقشر وخيره عاقـب راعيـه
كلوا حق الولي كله ولا يصخون لـه بقـران
عطاهم مال وامرهم يزكّونـه وشحّـوا فيـه
اليوم واحيلتـي يامـا مـن الفكـر والافكـار
كيف الولد يزمله بطنه ويـزري عنـه يمـلاه
ظهرت ابا صرم معي فاسي ومشفاري ومنشار
طارٍ عليّه الى جيت الشعيب ابـدا مـن ادنـاه
لقيت بادنى الشعيب اقشر حلايـا فوقـه غبـار
قلت انت فقر الزمان اللي يذكر قال انـا ايـاه
لكن شوري عليك ان طعت شوري يدك والحار
تراي انا مسكني بالطلح وادّب فيـه مـن جـاه
قبلـت شـوره وجيـت مـعـوّد لله مخـتـار
امشي برجوا إلـه مـا يخيّـب مـن ترجـاه
انا احسب انه قعد واثره سبقني نـاصٍ الـدار
ما تنفهق عـن مكانـي قـال والله مـا تعـداه
الا ترانـا نهـارٍ للمطـوع فـيـه خـطـار
والضيف لازم الى امسى عند راع البيت عشّاه
اصبح وقال المطوع جعل ابو ذا العيـن للنـار
حرام بالبيت يالحب الاحمـر مـا عـاد يلقـاه
قال الله اقوى طرتوني وانا ورعانـي صغـار
الصبح باكر نفرقهم على ادنا القصر واقصـاه
وحق علينا نفرق بيـن راع الاصـل والجـار
ولا استقـام السمـا والارض الا بالمـسـاواه
واقفا وخلـىّ عيالينـه بقـاص الـدار حسّـار
احد يوّجب واحد يحرم عليـه المـا ومرعـاه
تململوا قالـو الورعـان هيّـا نخلـي الـدار
ترا العليـا وقصـر محمـد الخـرار مشهـاه
قـال السفيـه العليـا قـال العاقـل يـسـار
ما عند ذيب الاديـب ارزاق ياليـت المكافـاه
اقفوا ومرّوا على الروضه إلى يلعب بها الفـار
تقللـوا يشتمـون السّـر هـو ويّـا قـرايـاه
داجوا بسموا القرايا والجنوب وكـل الاقطـار
او هايف القصر الرفيع وقام يرقص طاب ملفاه
قال انزلوا يا عيالـي جعـل بنّايـه للابـرار
انتم وكحلة عيـال العـم مـا فيكـم مـراواه
قال الكحالي علامك يا خطيب تقـرّ الاسطـار
تردّ وجهٍ غبر من عقـب مـا قفّـت مطايـاه
ابا استعين الولي واقف الى جا الفقـر طـرار
الى نهيته وعيّا يجنّـب صفقتـه بيـن حجّـاه
الفقر ولدت حـرام خاطـره ماهـوب عـذّار
اما عذرنـا يعيـذ الله وهـو لارحـم مجنـاه
ذا لي ثلاث اجبة والقدر ما ركّب علـى النـار
ازريت لا ادرك اربيع طحين اخبـزه واتغـداه
يا اهل الرفيع اعرضوا باكر وخلّو نقرع الطار
وابي نرجمه يـا نشامـا رجـم قابـه ونتقفـاه
تلقى الحصى في متون الفقـر ورّاد وصـدّار
من قصرنا سنّد الوادي وخشـم النيـر ممسـاه
والصبح ياما حلا له من خشوم النيـر منشـار
ياطا سجا والينوفـي والحـرار ادنـا معشـاه
وصلوا على المصطفى المختار ما هلّن الامطار
وآله وصحبه عدد ما غـردن الـورق بغنـاه
ضحكت في عصر الشباب وغرّني
ما ميّز البيزات من صرف الجني
يحّول يا عين قـزا عنهـا الكـرا
من ضيم همّ في ضميـري يبتنـي
اضحى الضحى وهي تجادل نومها
تقول يـا نومـي لمـا حاربتنـي
قال المجادل بيننـا وش هـو لـه
متذّكر عصر مضـى مـا ينثنـي
قالت لقيـت بمـا تقـول مرافـق
فلجتنـي بالنـوم لكـن عـزّنـي
من ضيم وقت بـان منـه دلايـل
هوايل تدعـي العقـول اتجنّنـي
الليث يمسـي ديـرة مـن ديـره
ولا جت له الدنيا على ما يمتنـي
والهرّ قاصـرة الحبـال اشبـوره
ياكل ويشرب في حياتـه مهتنـي
من عاش بالدنيـا تفكّـر واعتبـر
عما تسوّى بالضعيـف وبالغنـي
دنيـاك لاضحكـت لعبـد ساعـة
واستّر واصبح من ثمرها يجتنـي
امسـت هشيـم خامـد نـوّارهـا
الامـر لله كيـف فيهـا نغتـنـي
لو انهـا تسـور جنـاح بعوضـه
ما حقّـت اللعنـه عليهـا تلعنـي
ترا الفخر باكر الى بـان السعـد
ماهوب جمع المال واكله بالهنـي
من مات ما قـدّم لنفسـه صالـح
حتى ولو هو بالحيـاة مصلطنـي
تلقاه يوم العرض حملـه باهـض
يوم تفـرّ الوالديـن مـن البنـي
ليما يطيـح بقعرهـا يـا كافـي
يا غافر الزلـه اجرنـي وانجنـي
انـا ومـن يتبـع طريـق نبيّـه
يوم الشفاعـه للمسـي يالمحسنـي
ختمت قيلي بالصلاة علـى النبـي
اعداد ما يرفـع بصوتـه مذّنـي
واعداد ما تسعى الركاب الى الحرم
واعداد خلقه حي او من هو فنـي
يا الله يالله يالمطلوب تبعد عن بلدنـا الكفـر
يا سيّدي مسندي يا مودع حبل الفلك يستديـر
يا كثر ما شافوا الاسلام منهـم مـوارٍ قشـر
حديد يمشي برجلينه على الرّقّه والآخر يطير
واظهر مكينه تصفّي ماً قراح من هماج البحر
لولاه شافه لبيب العقل في عينه جزم ما يصير
مكاين جعل من هندس بها لين استوت في سقر
والى دعا الله يغيثه وردّه مالم على زمهريـر
حنّا الى صلّح الساعه حدانا قيل هـذا الفخـر
هذا السّتاد الفرنقي ما ورا هذا استـاد يصيـر
عدّيـت بالمرقـاب والدمـع سكّـاب
واجـاوب القنّـاب ممـا لجـا بـي
عيني قزت بمراح والبال مـا انسـاح
والسـد منـي بــاح لا واعـذابـي
على حسيـن الـدلّ زيـن المعـزّل
يتـل قلبـي تـل جـال العـذابـي
اللـي صفالـي كالغديـر الـزلالـي
ليما طـوى حالـي بسهـل الجنابـي
اتلى العهد به شدّ مـن جانـب العـدّ
واقـد قلبـي قـد قــد الايهـابـي
عدّ وطـا بـه زيـد جالـي عذابـه
سقى جنابـه مـن حقـوق السحابـي
دنّـوا لهـا هيّـاف والقلـب ينـلاف
كرّب عليه وحـاف تـرف الشبابـي
كرّب على وضحان واوما للاضعـان
واقفا وهو مـا كـان حولـه وجابـي
سنّد يبي المكيال مـع سـردق الـلال
واتلى العهد به حـال دونـه سرابـي
كزيت لـه منـدوب حـق وماجـوب
لا يـا عسـل ذوب حلـو الشرابـي
رد الخبر بوكاد مـع عجـل الاوراد
الجسـم منـي بـاد والـراس شابـي
عمر مضى بطريـاه مـا والله انسـاه
سجّيـت انـا ويـاه واثـره عذابـي
والله لولا الباس يـا عـدم الاجنـاس
وادرا زرايـا النـاس بيّـن وغابـي
لاضرب بك الادراك في بعض الافلاك
واسـج انـا ويـاك قبـل المتـابـي
قبـل اتولـع فيـك والقلـب ناسيـك
واليوم انـا باغيـك تبـرد صوابـي
فان كان مـا تبريـه ادّ السبـب فيـه
والطـب الا تخفيـه واحـذر عيابـي
ليـاك تجفانـي جـفـاك الزمـانـي
بالشين تجزاني علـى اخـر حسابـي
مثلك يدارينـي كمـا انـه ضنينـي
والا يجازينـي بحـسـن الثـوابـي
يا بندقي يا هيـف صيـد الملاقيـف
اللي ليـال الصيـف مثـل السرابـي
لا عرّض الادمـي تدرّجـت قدمـي
فالى احترك هدمي عطيـت المغابـي
فالـى درج ظلـي تغبـيّـت كـلـي
فالى تبيّـن لـي علـى راس نابـي
شرّعت شاربها فـي وسـط حاجبهـا
وخليّـت مضربهـا يفـج الصوابـي
وحنيّت عاقبهـا وهـو مـن سبايبهـا
ومما نشوف إبها طمسنـا القضابـي
وصلوا على الهادي سبيـل الرشـادي
ما غرّد الشادي في عالـي الهضابـي