الشاعر: مفلح الخضيري

ياخاطري ويش فيك بالحيل منحاس
ماتذكر اللي قلت والا نسيته
يوم انصحك في طيب الاسم والساس
وانهاك عن درب الخطاء لانويته
وكم قلت لك خلك محايد وحساس
وخلك حذر بالهرج لامن حكيته
بعض البشر وسواس من غيروسواس
لوانت من مثناة كبدك عطيته
مايشغلك غير القريب من الناس
والا المشطرلاتردى جفيته
هرج السعه مهو للاصحاب مقياس
لافاتني هرج العرب ماقتفيته
ان دك في بالي من الهرج هوجاس
من العلوم الطيبات ابتديته
وليا دعاني موقفن يرفع الراس
وقفت ميقاف الفخر واحتميته
علامة أستفهام مابين الاقواس
مضرب مثل موت الدري مابكيته