الشاعر: مفلح الخضيري

يموت الصبرفي خافقي والامل ممات
على شان تكفى امانتك لاتخليني
تقوله وهي تذرف على خدها عبرات
وانا الله ومانه دونها ماينسيني
عذاب الفراق اللي حرمني عن اللذات
طعن قلبي المجروح دوبه يناديني
على ماضي الذكرى رميت الاهات وجات
بعد دمعة الوجدان هزت موازيني
رسمته على شاشة خيالي تسع مرات
ولازلت افتش وين ضاعت تلاويني
عرض لي بطيف الليل يشكي من الحسرات
سمعته وانا غافي وكنه يصحيني
يجر الونين اللي جرح خافقي بسكات
ويقول الكلام اللي من العام مشقيني
تنهت متعطش والاعمال بالنيات
وخدشت الصبر غفله وثارت براكيني
وحضنت الحنين بعبرت الود والنبرات
ونثرت الدموع وجرحت دمعتي عيني
على قول سامحني تراها ابرك الساعات
توادعت انا وياهـ وابطى يوصيني