قصيدة المقناص:(في وصف الطير والمقناص)

اخواني واخواتي اعضاء وزوار هذا المنتدى
السلام عليكم ورحمة الله وبركاته
الكثير منكم يهواء القنص با الصقور
علا شان كذا اهدي لكم هذه المتواضعه
للمصافحه.
غايتنا رضاكم

لاوالله الا تو مابالي انساح=يوم ان مزن الوسم لاحت بروقه
وراع الولع يجيب للطير ملواح=غير له البرقع وجدد سبوقه
وانابعد بالمثل جهزت وضاح=يعوق خرب(ن)وان تعذر لحوقه
ناب الثنادي والجناحين نزاح=ادعج تقول مخضباتْ اشنوقه
كاشف تقل بين الجناحين مصباح=اشقر تقل جمر الغضى حط فوقه
افجح وسيقانه قصيرات ذباح=ضربات كفه ماتخيط فتوقه
نبي على المقناص مع فج الاصباح=قبل شعاع الشمس يبدا شروقه
مع ربعت(ن) شفقين عجلين ولحاح=كل(ن) على المطلاع نفسه تسوقه
من فوق شهب(ن) لجرد الخد تجتاح=اسبق من الشيهان مومي اخفوقه
نباء الديار الي محاني وصحصاح=شرقي شمال مريط بقصى عروقه
شمال من فيحان وغرب ام رماح=جنوب من الانبط وعقرب والوقه
يم الديار الي لها القلب يرتاح=هي منوة الصقار شفه وذوقه
فيها الحباري بين ممسى ومصباح=في وسط سدر(ن) كل نبقه تذوقه
ياحلو جرتهاتقل نظم مسباح=بين العرافج مثل مشي السروقه
يبرا لها خربْ(ن) تقل لون تمساح=هذا يقطع له وهذا يسوقه
ليا من طارن لجوا الصوت بصياح=ووضاح جاهز ثم فكوا سبوقه
واحد تعلى بالسماء وواحد(ن) طاح=وضاح يم الي تعلى يعوقه
وشوي في كفه يلولح تلولاح=مره يجي تحته ومرات فوقه
ثم اجتمعنا في تعاليل ومزاح=وفنجال بن(ن) للنشامى نسوقه
في روض(ن)أخضر نبته الشيح فواح=يامحلا اليافاح ريحةنشوقه
هذي حلات العمر والي مضى راح=نفسي على حب النشامى شفوقه
واليا نتهى المقناص ننكف مرواح=كل(ن) يبي لديار حيه وشوقه

رائعة هذه القصيدة .............

بداية قوية أخي عبيد اتمنى من المزيد ................

وأهلا وسهلا بك .........

الاخ/ عبيد

صح لسانك واعتلى شانك وبيض الله وجهك على المؤشحه الرائعه

ماكتبت الا ماعبرت به عن شعورك وبديت به احلى بدايه بارك الله فيك

واستاذن مشرف القسم لتثبيت هذه الابيات الذي تستحق الكثير

تقبل تحياتي وتقديري

ياحلـو جرتهاتقـل نظـم مسبـاح
بين العرافج مثل مشـي السروقـه
يبرا لها خربْ(ن) تقل لون تمسـاح
هـذا يقطـع لـه وهـذا يسوقـه

صح لسانك وبيض الله وجهك على هالقصيدة

اقتباس:
المشاركة الأصلية كتبت بواسطة البرنس
رائعة هذه القصيدة .............

بداية قوية أخي عبيد اتمنى من المزيد ................

وأهلا وسهلا بك .........

البرنس

اشكرك على لاشاده

وعلى الكلام الطيب

وان دل هذا فا انما يدل على

حسن الخلق واذوق الرفيع

لك مني الاحترام والتقدير

الشاعر عبيد د عيع صح السانك مدد بلاعدد قصيده استمتعنا بقراءتها من ماتحمل الشي الكثير من قوة الوصف والمعنى والاستهاضه للقنص والمطلاع قصيده اكثر من رائعه كاروعة شاعرها اتمنى المزيد من الجديد يابو دعيع وتقبل تحياتي وتقديري احترامآ لشاعر القصيده تم تثبيت القصيده بعد اذن مشرف القسم

ياحلـو جرتهاتقـل نظـم مسبـاح

بين العرافج مثل مشـي السروقـه

يبرا لها خربْ(ن) تقل لون تمسـاح

هـذا يقطـع لـه وهـذا يسوقـه

الله الله يا ابو يوسف على هـ الوصف والإبداع
شاعر بما تحمل الكلمة ومبدع بكل حضور

صح لسانك ولاهنت وسجل متابعتي واعجابي الشديد
اخوك ابو نايف

اقتباس:
المشاركة الأصلية كتبت بواسطة مهدي الخضيـــــــــــري
الاخ/ عبيد

صح لسانك واعتلى شانك وبيض الله وجهك على المؤشحه الرائعه

ماكتبت الا ماعبرت به عن شعورك وبديت به احلى بدايه بارك الله فيك

واستاذن مشرف القسم لتثبيت هذه الابيات الذي تستحق الكثير

تقبل تحياتي وتقديري

مهدي الخضيري

صح بدنك

واشكرك على الكلام

الطيب والمشجع

لاخلا ولاعدم

كما اشكرك على تثبيت القصيده

لك مني كل الاحترام والتقدير