قصيده فى الغزل لحباب السندي

	قصيده فى الغزل لحباب السندي عزاه ياقلب تتله طواريه ** كثرت غرابيله وزادت شطونه يمسي ويصبح والمشاكل تباريه ** محروم والى عذبه حيل دونه حالوا على حلو التواصيف واليه ** ولاهمهم دمعٍ ذرف من عيونه يفز قلبي كل ماحل طاريه ** فزت كسيرٍ والعرب يجبرونه وجدي عليهم وجد من شاف غاليه ** على النعش ينقل قبل يدفنونه امه وحيده مالها من تراجيه ** وتصيح وتشوف ابنها يدفنونه تقول ياليت الليالي تخليه ** وانا قدامه قبري يصلحونه تنعي ولدها وكامل الزين ابي انعيه ** والكل منا ماتعالج اطعونه وانا الذي قلبي تصرم محانيه ** اقفي ربيع القلب وازداد كونه على عشير وال الاقدار ناحيه ** اقفي ولا خلص توالي ديونه في شهر تاسع في بدايه لياليه ** تسعه من التاسع تقافت ضعونه لولا الحيا لاصيح باسمه واناديه ** اخاف صوتي لابتي يسمعونه واقول الصبر ماني بقاويه ** قلبي غدوا به خايف يهلكونه مير البلا راع الهوى مايبديه ** الحب سر ولازم انه يصونه هذى ثمان وتسع والقلب يغليه ** سبعه عشر عام وغلاها نصونه

صح لسان الشاعر
بارك الله فيك اخوي احمد

رحمك الله ياحباب رحمة واسعه

ولاهنت يا بو انور اختيار رائع

تحياتي لك وتقديري

مشكور اخوي لك تحياتي

الاخ العزيز احمد الخضيرى لك منى جزيل الشكر

اين التقييم

صح لسان شاعرها

10من10 التقييم

تحياتي

تستاهل 10من 10

10 من 10










قصييده جززززله