((()تحت جناح الليل()))

السلام
عليكم ورحمة الله وبركاته
اخواني واخواتي
الأحباء
أسعد الله أيامكم جميعاً بكل خير
يسعدني ويشرفني أن أكون بين عزوتي احد أعضاء هذا الصرح الشامخ بشموخ جميع من فيه إدارة وأعضاء كرام
اتمنى من الله العلي العظيم ان اكون عند حسن ظن الجميع وافيد واستفيد إن شاء الله تعالى
واصافحكم بهذه المتواضعه تقبلوها كما هي
عسى ان تنال إعجابكم
وأذواقكم الراقيه

البارحه ليل الشتـاء شيـن لاعـاد=برده شديد وراح من شـد شوقـي
في منتصف مدهال عذب اللمـا زاد=همي وغربالـي وحزنـي وعوقـي
يسوقني يمـه مـع الشـوق جـلاّد=تحت جناح الليـل كنـي سروقـي
بيض النوايا خاطري منـه منقـاد=ماغير ابا أكحل من هوى البال موقي
ياما جذبني ريحة المسـك والكـاد=وعبق الزهور اللي يحرك خفوقـي
في سن جاهل بـس للعلـم نشّـاد=امشي بعقل إنسان عاقـل صدوقـي
ما أبيع دمي خوف مـن كـل نقّـاد=غالي إلى آخر قطرة(ن) في عروقي
تمنعني العزه مـع الملـح والـزاد=داخل عرين أسـود مانـي بلوقـي
عندي كرامة عزوتي فوق الأشهـاد=على سنام المجـد والمجـد فوقـي
أفخر وللنخوه علـى المـوت ورّاد=رهيـن للغيـره ومثلـي شفوقـي
لو يستعيد الوقـت غانـم وشّـداد=والاّ غروب الشمس يصبح شروقـي
ما ادوّر الغره على عرض الأجـواد=أحقوقهم واجب وأنا اسقط احقوقـي
حتى يموت من القهـر كـل حسّـاد=اللي على شـذب المقفـي سبوقـي
نقالـت النمّـه قليليـن الأرشــاد=زبايـن الهزلـه وسـاع الشدوقـي

وسلامتكم
عايض الرشيدي

سعدت بتواجدك بيننا سيدي الرائع الشاعر
عايض
وانا سعديه جدا بما قدمته هنا
فانا من قراء اشعارك
وهذه ايضا اضافة مني هنا قالها الشاعر الرائع عايض


(((() ســاقتني القــدره ())))





البـوك حضّرتـه لتعبيـر الأمـثـال
وراس القلم منه أزرق الحبـر سايـل
كل(ن) طراله طاري(ن) يشغـل البـال
لكـن أنـا طـاريّ قطـع العقـايـل
يا من خبر عقده لهـا الصبـر حـلاّل
ضاعـت مفاتيـح الفـرح والـدّلايـل
قبل أمس وأمس أحتال واليوم ما احتال
ضايق ومـن لوعـات الأيـام شايـل
مافيـه قلـب ألامـن الهـم يشتـال
وقلب(ن) بليّـا هـم مامـن صمايـل
الصّبر طال وبيّـن النّقـص بالحـال
ويـن الرسايـل يـا بريـد الرسايـل
أقشر نهار أمس الضحى جابـه الفـال
ذكّرنـي الماضـي وشفـت الهوايـل
ساقتني القدره على ارسـوم واطـلال
وقفت لـي ساعـه عيونـي تخايـل
هذا مكان اللـي لـه القلـب منـزال
أول غـرام الحـب مـالـه بـدايـل
أبو هدب عين(ن)علـى وجنتـه مـال
وردف(ن) تفرّق عنه شقـر الجدايـل
وش فيه أوصّف مشتل ألوان وأشكـال
سبحان من خصّـه بزيـن الخصايـل



تحياتي لحضورك الرائع عندنا
تقبل مروري
واحترامي وودي

صح لسانك شاعرنا الفاضل بيض الله وجهك فقد ابدعت

كما عهدتنا في اشعارك السابقه ولك بيننا مكان وسيع

وحياك الله اخوي الفاضل

تحياتي لك وتقديري

عايض الرشيدي حياك الله وابرك الساعات وجودك بيننا

صح لسانك على هذه الرائعه

سلمت وسلم بوحك

لاهنت على نزف هذه الجزله

تحياتي

شاعر رائع


تقبل مروري

صح لسانك مليوووووووووووووون ولايكفي قصيدة في قمة الجمال

بيض الله وجهك 0 وجزله من شاعر جزل 0 كما عهدناك ياشاعرنا

المحبوب عايض الرشيدي 000 فاهلا وسهلا بك وبقائدك الجميله

تحياتي وتقديري لك

عاااايض الرشيدي

قصيده جزله من شاااااعر جزل ومافيه كلام
صح لساااانك ولا هنت .. ابداع في ابداع .

كما اشكر الاخت / صاحبة القلب المعذب
التي اتحفتنا هي الاخرى بهذه الرائعه للشاعر / عايض الرشيدي .

تقبل تحياتي