حميد رابح الرشيدي

عزيزي رئيس التحرير
يعيش المواطن السعودي في كنف حكومتنا الرشيدة التي لا تتوانى في رسم البسمة على محياه وتسعى له برغد العيش ويعتبر صاحب السمو الملكي الأمير خالد بن طلال بن عبد العزيز حفظه الله إحدى شموع الخير في هذا البلد فهو صاحب الإنسانية في الكثير من مواقفه التي تشهد له دموع اليتامى والأرامل فقد رسم الفرحة على وجوه كل من يحتاج للمساعدة , وهذه قصيدة شكر وعرفان لسموه الكريم لموقفه الإنساني بسعيه لفك كربة الطفلة الصغيرة ودعاء ذويها بأن لا يريه مكروها في عزيز عليه .

سيد" الطيب يا أبو الطيب والمرجله
يا خوي" الهقاوي للزمان الصعيب
يا سليل" المكارم وش بقى نجهله
كل" علم/ن يقود الوجه لك به نصيب
ما قدرت أمدحك بالطيب يا مدهله
كيف أبمدحك طيب ومنبعك ارض طيب
أنت للطيب ساس ولو بغيت اسأله
اجزم أن الهقاوي بحضرتك ما تخيب
علم" أن المكارم درس يا منهله
خل من يجهل دروس المكارم يطيب
ما على الطيب لوم اللوم من يجهله
من يعرفك يعرف أن المراجل نصيب
الله اللي فرق بين البشر بأكمله
وأنت فارقك خلاق الفضآء الرحيب
أنت تصغر لك بأمر الله المعضله
ومعك يضحك زمان الغربلة والنحيب
وفي يدينك تحقق شي نتأمله
وقفتك تبري الجرح القديم العطيب
وقفتك مذهله وأبعادها مذهله
وصلت ابعد مدى لين انتهت بالقريب
جيتك احمل ولائي والثناء احمله
رد معروف والمعروف ما فيه عيب
لأنك أبو المراجل مورث المرجله
تجبر اللي يعرفك غصب عنه يطيب
جعل ميزان طيبك آخره وأوله
ينكتب لك ثوابه في شفاء الحبيب
بأمر من يجلي الأحزان ويبدله
انه يشافي بأمره ولـــيد ويطيب



حميد رابح الرشيدي / الخبر

http://www.alyaum.com/issue/article....2&I=753581&G=1

بيض الله وجه على القصيده ويستاهلها اميركم المحبوب أبو اليتامى

كفو كفو صح السان شاعرها وتسلم يد ناقلها

صح لسانك وأعتلا شانك أخي حميد على هذه القصيدة الرااااائعه وبيض الله وجهك

لاهنت ابو نايف على النقل

أييات رائعه لاهنت خيي حميد
يسلمو أبونايف ع النقل الرائع

لاهنت أخي حميد على هذه الرائعة والممدوح يستاهل كل خير

صح السان شاعرها وسلمت يمين ناقلها


قصيدة رائعة كلهامدح وتمجيد في من يستحق المدح والتمجيد

بيض الله وجهك على القصيده
وبيض الله وجه الامير ولاهي غريبه من أخوان نوره
وصح لسانك وفالك المليون
** ولكم تحياتي**