مقناص الدهناء

السلام عليكم ورحمة الله وبركاته

اقدم لكم تغطية رحلة مقناص الوالد وبعض الربع اللي معه في الدهناء لهذا العام ,, طبعا قعدت معهم عشر ايام فقط لان الاجازه مهيب على الكيف ولازم اداوم وان شاءالله ان التغطية تجوز لكم.

ثاني يوم وصلت عندهم شدينا ونزلنا في محل جديد قبلة من لينه ونبدأ مع الصور




فهد بن كميخ العبار




الشيبان ينتظرون الانتهاء من بني الخيام , من اليمين : المحامي فهد كميخ العبار , الوالد عبدالله بن حجرف , عبدالله العتيبي ( ابو مشعل ) , شعيل بن رحيان آل ضاعن


الخيمه الكبيره جاهزه باقي عاد الخيام الخصوصيه كل واحد يزبط خيمته طبعا اشكال وانواع بتشوفونها بعد شوي.

--------------------

وفي الصباح الباكر كان لنا كم لقطه على الطاير


ابو منصور مع الصبح لاقط الكامره يبي يصور خيمته الجديده



ابو منصور وسيف مبارك الدوسري



محدثكم عاد النوم في وجهه ( أخر من قام انا ذاك اليوم )



هذي الخيمه الجديده بس ماشاءالله عليها شغل عدل وتركيبها سهل وسريع ولا تاخذ حيز في السياره



اللي وراها خيمه لواحد من الشباب مشطرينه بعيد من ازعاجه وهو راقد تقول ماطور مهوب مودمي الله يستر علينا وعليه


ابو منصور يبي يصورها من داخل


الخيمه من داخل , ابو منصور حاطله سرير وانا خاشرته في الخيمه بس ماعندي سرير مع العلم ان ارضيتها مبطنه يعني لا تراب ولا حشرات ولا شي , السرير اعتقد شغل السنيدي وخفيف ويتسفط ومريح.


الخيمتين هذي لواحد من الشباب وحده يرقد فيها والثانيه لطيوره , لانه كل ماصبحنا ولا فيه جرة ثعاله عند الخيام .


مقر القيادة في هذي الخيمه ويبدأ الإنطلاق منها

-----------------------------

عاد عقب مادوجنا ضحينا , ومدير المضحى ابو مشعل عبدالله العتيبي سيارته التراثيه مجهزه بكل شي ماشاءالله .


تحية للكامرة , ولباقي طاقم الرحله عقب ماخذينا إحداثية المضحى وحولنا عليه



اكتمل باقي الطاقم



تحية أخرى للكامرة من ابو منصور



ابو فهد حذف الغتره وخذاله فنجال












ابو مبارك وابو مشعل وابو منصور كلن يقول الغداء علي





حجرف بن عبدالله , سيف الدوسري , فهد بن كميخ , الوالد عبدالله بن حجرف












ابو رحيان ماخذ له نعسه قبل الغداء



خدمة مساج اثناء المضحى



انطحوا فالكم



ولازم لبن مثلج









الثعاله في ذيك الديره في كثرها بلى


----------------------

نجي عاد للصيد واللي هو زبدة الرحله هذي كلها :



حي ذالشوف , والله مدري شلون لكشناها وهي طايره لكن رمية من غير رامي ذالصوره









سلمان بن عبدالله بن هصمان



الشيبان لمنهم استانسوا دقوا تحيه









هذي مصيوده ماحنا عندهم يوم الصيد لكن صورناها في المخيم





تالي النهار عاد نرجع لمقر القيادة بعد عناء يوم كامل على ظهور المواتر






ابو رحيان وابو فهد



ابو مشعل على اليمين



حجرف بن عبدالله وفهد بن كميخ



سيف مبارك الدوسري



وفي نهاية هذه التغطية اتمنى ان تكون قد حازت على رضاكم وونعدكم ان شاءالله بتغطيات أخرى في القريب العاجل.

لاهنت أخوي فهد بركه على التغطيه الرحلة
وتقبل مرور ي

ماشاء تيارك الرحمن
رحلة سعيدة , كونوا ع
حذر , وبالتوفيق

تصوير ورحله ممتعه ,,
تسسلم لاعدمنااك _*

وافين

لاهنت على النقل بارك الله فيك

تحياتي لك