اكتب اسم شاعر واللي بعدك يكتب قصيده لهذاا لشاعر.

إبتعد عني للشاعر /عبد الله الفيصل

إبتعد عني ماحبك وش تبيبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لاتذكر ،لاتذكر ماجرى

يوم هفت شمس حبك للمغيب

استرحت وعاد لي طيف الكرى

المطلوب قصيده للشاعر/ناصر القحطاني

( الصورة )

تراها الصورة اللي جا عليها في الوداع علوم
فديتك ما سواها حرك الخفاق و اوجاعه
عسى يا احلى هدايا الكون ما انتب من حلال القوم
عسى يمي يجيبك من تركتك عنده وداعه
معاك اضيع يا عمري .. و ابي لو ساعة من اليوم
تضيعها معي .. و انسى وش اليوم وكم الساعه
عشيرك من يد الترك ليد الفرس ليدين الروم
هذا هو يعربي لانسى حلمك و لا باعه
تعال الكل ينشد عنك و طيور الخيال تحوم
و انا مما بين طيف وصوره ودفتر وسماعه
من اول ما اصبح استفرد بنكهة سرك المكتوم
و اهيم بكل شارع و اندهك و اخرج على الطاعه
اطارد شمسك اللي لآخر الدنيا بدون غيوم
و الى مني ذكرت عيونك و مغناي و شراعه
اجي جنب البحر واحكي له اول ما عرفت العوم
وفوق الشاطي ارسم وجهك اللي سافر شعاعه
و الى جا الموج يمي ضمت ايدي وجهك المرسوم
وطاحت نجمتين مرت الخدين مرتاعه
و اعود للحدايق ما بقى من زادي الا اللوم
افتش عن عبير كم و كم نسمه من ابتاعه
اداعب وردها و الفل و الريحان و اليشموم
ولا هو ملمس الورد الطبيعي يا اجمل أنواعه
و انشد عنك اناشيد و عصافير وشجر و كروم
وكرسي باهت لونه وسبع خيوط لماعه
و اشوفك في فساتين وذهب معلق منظوم
و اخبر بك سرايا كل سوق وغالي بضاعه
واشيل اوراقك ام حروف وقلوب تشيل سهوم
واغني ما طرى و اطبع عليها الطاري طباعه
و اعود للوساده في مسا ما له قمر و نجوم
اصحي صورتك من نومها و تفز فزاعه
انام بحضنها لين الصباح يقول ( صح النوم )
وافيق بوجه اجمل من ( صباح الخير ) مطلاعه
=====================


7
7
7


اللي بعدي قصيده للشاعر

نايف صقر

يهز غصن الرجاء نسناس
وأنا اجمع الدمع من خده

لازلت احس بتعب واعماس
يعاود البال من مده

لاباس ياخاطري لاباس
السيف مايجرحه حده

والقلب لولا عليه اقواس
لا فز بعروقه تصده

يمديه لاهزه الهوجاس
يشقق الصدر ويقده

لي صاحب ناعم حساس
اغليه بالحيل واوده

يقول لي في حشاه إحساس
مانيب كبره ولا قده

ويقول احبك واحس بياس
والأمر ماهوب في يده

قلت أه يالمطرق المياس
من طاري البعد والصده

في عيونه عيونه النعاس
يبني لي الشوق ويهده

والظبي والليل والقرناس
وما لا أقدر احصيه واعده

ياليتي اجمع قلوب الناس
أشباه والضد مع ضده

واحبك بها بدون اقياس
لين العمر ينتهي حده

يازين ما في البعاد اوناس
ان كان لي كفك تمده

عطني لعيني بعدك انعاس
لا تاخذ النوم وتلده

وعطني لنسيانك الاجراس
وقلبي على مهجته رده

وأنا اوعدك واوعد القرطاس
بالحب في اللين والشده



اللي بعدي قصيدة للشاعره/ نوره الحوشان.

المشاركة الأصلية كتبت بواسطة النجمه

الهاجس الاول اللي حرك التالي
للمبدع/مفلح الخضيري

ياهاجسي ذب صوتك في خلآ خالي
عبر عن اللي لك ايامآ تنونيبه

الهاجس الاول اللي حرك التالي
يمكن اليا زاد غمق الجرح يدميبه

كع الحقيقه وخل القيل والقالي
تدري هجوسك بجرحك وش تسويبه

وان جتك عكس النتيجه تلطم الجالي
اصبر عليهاومرجعها على الخيبه

وابعد عن الهون والنيه بلاعمالي
واترك خباث النفوس وما تهذريبه

طبعي صبورآ وعز الراس يبقالي
والذل والغدر عيني ماتراعيبه

اقلط على المرجله مع كل رجالي
واهيم بالمرقب العالي وعديبه

وان هيض البال طاروقآ تهيالي
هجرسة مع هاجسآ تضرس هناديبه

تثني عليه الورود جداد وسمالي
وتروى كبود الضوامي من مشاريبه

من ريهجانن قراح الجم وزلالي
اليا لهلب القيض ما تضوي محاضيبه

يطرق عليه الهواء من بحر الاهوالي
الياتكفل هواجيسآ تغنيبه

مع ريشه العود غنا حلوالامثالي
لومملك الوقت تدليله وتعذيبه

من غير كثرالتغاضي كثرت اشغالي
ودي اوصي ولادري ويش اوصيبه

لكن ترى كل شي ولاتحيالي
ومن قل عنه الحياء وش عاد نرجيبه

سبحــأإن الله .. الدنيا تعيد نفسهــأإ ..

مع ريشة العود غنـا حلو الامثالي ...

يا عين هلي صافي الدمع هليـــــــــــه

واليا انتهى صافيه هاتي سريبــــــــه

يا عين شوفي زرع خلك وراعيــــــه

شوفي معاويده وشوفي قليبـــــــــــه

من أولن دايم لرايه نماليـــــــــــــــه

واليوم جيتّهم علينا صعيـبــــــــــــــه

وان مرني بالدرب ما اقدر احاكيـــــه

مصيبة يا كبرها من مصيبــــــــــــة

اللي يبينا عيت النفس تـبغيــــــــه

واللي نبي عيا البخت لا يجيبــــــــه




قصيدة للشاعر/ سلطان الهاجري

الشاعر/سلطان الهاجري
عليك الفرج

عليك الفرج ياالله ياحي ياقيّوم *** إلهٍ عباده كلها تلفت يمّه

الا يارفيقي والله انه عداك اللوم *** انا اللي علي اللوم في ذمتي ذمه

ولكن سامحني ترى العلم فيه علوم *** ولا يفرح اللي بيننا ينقل النمه

حصل ماحصل والعبد يصبر على المقسوم *** يدور الزمان ويخلف العزم والهمه

طرات الرجل لا لحقه من الزمان هموم *** ما يدري بسده كود خيرة بني عمه

وسيع البنايد في الشدايد قوي عزوم *** لعظك زمانك شال همّك مع همّه

وانا والله اني ماتهنى بحلو النوم *** ورفيقي عليه هموم الايام ملتمه

اشيل الحمل منه واحطّه علي واقوم *** مقام يورد مظامي الما على الجمّه

لكن الزمان الشين ظالم وانا مظلوم *** على الهون ياللي تمدح الوقت وتذمه

تهب الهبايب والسفن في البحور تعوم *** وتقفي بها صلف الهبايب عن اليمه

هبوب تصلفقها وبحر وسما ونجوم *** وموج تقفاه العواصيف وتزمه

المطلوب قصيده للشاعر/فهد عافت

دخيلـك لاتصلـح غلطتـك هـذا الخطـا غالـي
رفضت انك تجيبه من عرفتـك ليـن هـو جابـك
ومدام ان الزعل مثل الرضـا يبقيـك فـي بالـي
انا مازعل ولاارضى منك ..انا ازعل عنك وارضابك
هلابـك يالخطـا ضيـف عزيـز يكـرم دلالــي
اذا صبيـت لـه فنجـال عفـو ونـوخ اركـابـك
من الليلـه باسمـي غلطتـك عنقـودي الحالـي
الامنـي قطفتـه بالسمـاح انتـثـرت اطيـابـك
حبست العقـل واطلقـت العنـان لمهـرة اهبالـي
وقريت ان الخطا عين الصـواب بصفحـة كتابتـك
وش القمرا سوى غلطـة ظـلام ولانـي مغالـي
وش الظلما سـوى غلطـة سمـا بتقلـد هدابـك
يساورني يقيـن ان المطـر غلطـة هـوا عالـي
حسـب نفسـه يصالـح غيمتيـن وبلـل ثيابـك
فديتـك لاتعـذر والــذي ســواك واهـدالـي
عيونك مالقيـت الطـف بهالدنيـا مـن اعتابـك
جـزاك الله خيـر وبيـض الله وجــه عـذالـي
متى ماجيت ابنسى سيرتـك قالـوا لـي احبابـك
وانا لاقالوا احبابك عجـزت اسمـع وش التالـي
خذيت الكلمة اللـي تشتهيـك وضعـت باسبابـك


اللي بعدي قصيدة للشاعر / عوض خيران الرشيدي

يالله برزق ماقفا دونه الباب
لاباب من دوني ولا باب دونه

بيت مقول بس حكمه وجذاب
اخر ضنى حنه وحنه حنونه

والله يفك ارقاب من موت وانشاب
وان عنك الله ماتبي غير عونه

الرزق من عنده وتحريك الاسباب
واليا عطاك اغناك والكون كونه

اللي بعدي للشاعر

محمود درويش