اكتب اسم شاعر واللي بعدك يكتب قصيده لهذاا لشاعر.

هذه قصيدة غزلية لشاعر المحاورة الكبير : صياف بن عواد السحيمي الحربي .. رحمه الله




يا نجمة مرت من الليــــــــــل ساعة × في الثلث الأخر مع طلوع الثريا

نظرت نظرة خوف مــــدري شجاعة × وأثره مغير النور من صدر هيا

غروٍ لعبّي لعب طفــــــــل الرضاعة × واليا طلبته بعض الاحوال عيا

يا سرع طرقة رمشهــــــا وارتفاعه × العين فيها النوم والقلب حيا

ياليت ابوها من قريـــــــب الجماعة × أظن يحصل لي من الشي شيا

وإن قلت أنا طماع وابغى الطماعة × قال أنت روح هناك وأنا هنيا

ماني من اللي يرخصــــون الوداعة × عز الله إني ما أحسب أنك كذيا

بضاعتي يا غلوهـــــــا من بضاعة × أغلى من عقود الذهب في العليا



اللي بعدي الشاعر/سلطان الهاجري

قال أنا عند ظنك قلـت لا بلـه أختلف فيك ظني نوبه ونوبـه
قال واللي سواتك يدمح الزلـه قلت والغلطه اللي منك محسوبه
من بغاني على الشده رفيق له لا يقصر بماجوبـي وماجوبـه
الرفيق المهجـن رفقتـه علـه لابس لي عباة الـود مقلوبـه
لو يجامل معي والكره مشتلـه المحردب تشوف الناس حردوبه
والشجاعه رجوله والردى ذلـه لا تحن الحصان إلا من ركوبه
يارفيق يحـد السيـف ويسلـه كل ما أقفى رفيقه حش عرقوبه
رفقة مالهـا مذهـب ولا ملـه يالله العفو والغفـران والتوبـه



اللي بعدي قصيده

للشاعر

وليد خالد العمران

يلي تجاهلني وانا عندك اقريب ****ما هو بحق انك تجاهل وجودي
يمك صدقت الحب من دون تكذيب**** وبذلت لك بالحب كامل جهودي
وعطيتك احساس المشاعر بتهذيب**** ومديت لك قلبٍ لحبك يزودي
قلبٍ صدق لك دون شك ولا ريب**** قلبٍ صفى لك في حنانه يجودي
يا ما عطيتك بس ما قلت لك جيب**** فرشت لك بالحب كل الورودي
ومن بعد هذا شفت منك التعاجيب**** من دون سبه صار قلبك حقودي
واليوم صار الوضع للحال تعذيب ****منك اتعذب كيف قلبك يهودي
لا شك ما عندك احاسيسٍ تجيب**** وتقول لك غلطان ليه الصدودي
واليوم عن عيني ابي ابعدك واغيب**** واقول مات الحب عند الجحودي


اللي بعدي الشاعر/ مفلح الخضيري

هجرس الخاطر
للشاعر مفلح الخضيري

هجرس الخاطر وجيته على طوعه

وقمة اترجم باخر اليـل وجدانـه

مثل هالهاجوس مامرنـي نوعـه

عودت لي منه الاحساس رويانـه

يشهـد الله ماتطرقـة موضوعـه

لين فاجانـي صحيبـي بنكرانـه

قلت اجامل والخوي شانت طبوعه

واعتبرها نـوع تطفيـش وميانـه

وصحبتآ ماهي على الحق مشروعه

تنكشف مع طولت الوقت وازمانه

وتعتبر مع طلعت الشمس مقطوعه

ويندم الجاهل على غلطت السانـه

ولاشتم الجاهل اليا قلت اسنوعـه

ولاقرب الخايـن ولاطـق بيبانـه

والخوي وان ظامه الوقت بجموعه

صرتله اقرب مـن الاخولخوانـه

وحدني وقتي على الجال وفزوعه

واستعزت وعدت والنفس قنعانـه

صحبتآ هالوقت ياروعتي الروعـه

تحرج الرجال من فعـل صحبانـه

كونها من طينة الكذب مصنوعـه

ماو راءها عز بالضيق واعوانـه

والردي غرار لوثـاع لـه ثوعـه

ساعة الشـدات مايحتمـي شانـه

الخسـاره هقوتآفيـه مـزروعـه

ماثمرت من لاهب القيض عطشانه

خاب ضني باجرد الوقت وربوعه

اثرميقـاف السعـه مالـه الخانـه

والثقه من صحبت الوقت منزوعه

والعليل المنتظـر صحـة ابدانـه

مطلوب قصيده للشاعر/زياد بن نحيت

غلطه قديمه وانتهت لكـن بقـا الجـرح العميق
اللـي يبـي يبقـى علـى مـر الليالـي مالتئـم




آسف لاني ماقـدرت اصبـر وغيـرت الطريـق
وآسـف لانـي ماقـدرت افهَـم اللـي مافـهـم




بركت للحمل الثقيل وطقـت لـو ماكنـت اطيـق
مـن شـان لاقالـوا زيـاد يقـال والله والنـعـم




لكـن نعـم مفعولهـا ماياصـل يديـن الغـريـق
اللـي لمـد ايديـه لـلـي مايطيقـونـه سـئـم




ولاعاد يسوى فـي عيونـه لازفيـر ولاشهيـق
شيئ يجـي , تقفـاه منـه يقطعـه لوهـو نسـم




مسرح جريمة قصتي اكثر غموض مـن الحريـق
اللـي تضيـع بـه الدلائـل والقرائـن والتـهـم




مافيـه امـر مـن الصديـق لياتنكـر للصديـق
ولافيـه بالدنيـا اهـم مـن المهـم الا الاهــم




الياصرت بالحالـك فريـق وفيـه قدامـك فريـق
وتخاف بكـره لانهزمـت يقـال مسكيـن انهـزم




خذلـك طريـق تظمـن انـه بالنهايـه مايضيـق
وان طعت شوري خذ طريق الله ترى مابـه نـدم




وانا استخرت الله وعينـي خايلـت قمـة طويـق
القمـه اللـي فوقهـــــا رفـرف للامجـاد العـلـم




والله لعانـق راسهـا مادامنـي حــر طلـيـق
حــــر اليامنـه شلــــع مـن سرعتـــه مثـل السهــــم




ماعادت احلامي على خبرك ترى خبـرك عتيـق
وان شفت بعيونك هرم , حلمي على راس الهــرم




لي مده احلامي من العالي علـى الجزلـه تويـق
صافحت كف المستحيـل وقـال : مـد ام الشحـم




انا بـرئ مـن اي حلـم يلبـس ثيـاب الرقيـق
ان ما امتــطى صهـــوة جـواد العـز بالله واعتصـم




طموحي اخدم امتي وان مت يبقى اسمـي عريـق
قبــلـي فهـــــد خـادم لبيـــــت الله وعبـد الله خـدم




اقسمت ما انسى واجبي واخترت لـي درب يليـق
وانـــــا هنــا والا هنـا مــا انســـى انــتمائـي والقـســـم




مادام نيشان الفخر له في سمـاء صـدري بريـق
وشلون نيشان الولا اللي داخل القلـب انرسـم!!




جدي وابوي معاهديـن الديـن بالعهـد الوثيـق
وانا على نفس الطريق اقسمت والوضع انحسم..!!


اللي بعدي للشاعر الكبير/ عيد بن مربح

سر ياقلم واكتـب بـذوق ولباقـه)
للشاعر/عيد بن مربح
سر ياقلم واكتـب بـذوق ولباقـه

ورحب وهلل وخل للحبـر دوراق

رحب بخـط مبرزيـن الصداقـه

ماهي صداقة قوم ملحـق ولحـاق

لـون مالـك بالمشاكـل علاقـه

عيب ٍ لياهاش الخوي رفعت الساق

والبيت نفس البيت ستـرة رواقـه

ودك يصير البيت مستور بـرواق

وانا بلشت بيت صعـب الغماقـه

عجزت لاكشف مدخله بأي الاشناق

ياليت حامد حـط للبيـت طاقـه

ان كان ريح عيد من عشرة اطياق

لالا ماظنـه يعتـرف بالعشـاقـه

لان المحبـة كلهـا هـم واقـلاق

درت بكـرا سريـعـن فـواقـه

دقيقتيـن وماتعـداهـن افــواق

وبعد الظلام الشمس تبدا بالأشراق

يمكن عقيـد القـوم يلـغ اتفاقـه

ويرفع حضر منع التجول بالاسواق

يقوله اللي صبرت الوقـت ذاقـه

تطعم الحلتيت في مـر الأريـاق

تعلمـو فيـه اصدقـاه الحـلاقـه

مغرور غافل وانتبه عقب مافـاق

اغتر في بعض العلـوم الرقاقـه

لين راسه صنفره مـوس حـلاق

اللي صفقني كيف ابنسـا طراقـه

الله يلعن نوب تحسيـن الاخـلاق

ابعـد ليـااذاك الرفيـق بنفـاقـه

وشلون لو ماالله خلق بعد وفـراق
المطلوب/قصيده للشاعر
فواز مريزيق

سحر الحدايق سرّ مايعدلـه سـرّوبستان بابل سرّ سحر الحدايـق

لو السماء قطر ولو الغصن مخضرّلاالقطر شايقني ولا الغصن شايق

واجرّ قلبي جـرّ سرحـان لاجـرّبعد على نـزل الفريقيـن وايـق

طاوي ثلاث ايام والرابع اضطـرّحوّل بعد ضاقت عليـه الطرايـق

يوم الشفق مع غيبة الشمس محمرّوالريح ذاريهـا يهـزّ الشنايـق

اقبل يطلّ ولا وجـد شـيّء يسـرّالا المراح وماسقط مـن علايـق

أردف بصوت يجمع الغبن والمـرّبيّح مكانيـن الصـدور الغلايـق

ياطارق الغفوه على بالك ان مـرّطرفي تجّمل بـه ومـرّه دقايـق

عيّت مراتيعك على اهدابـي تقـرّحولين من دونك تحـول العوايـق

وجه الفرح شاحب بعيني ومسمـرّماكنه الا يعيـش عيشـة رقايـق

والضيقه اللي كانت تضيق بالبـرّاليوم صار البرّ منهـا متضايـق

ونـا العديـم اللـي لياكـرّ مافـرّعجزت اروق بوقت ماهو برايـق

بامكاني آقف في حلوق العـدا زرّوبامكاني اشعلها عليهـم حرايـق

لكنّ وش لي في هل الحلب والصرّعمر القيـادي مالتفـت للحايـق

آقف بنقطه تفصل البـرد والحـرّوانقل صوابي والجروح العتايـق

واعيش رافع راس حرّ ولـد حـرّمانزّلـه بـوم يـغـطّ النعـايـق

تكبرّ في عيني صغايـر وتصغـرّكبايـر بظـل انكشـاف الحقايـق

لله يــاورد الـنّــدى درك ودرّعروقي اللي من غرامك غدايـق

فيك الفرح والحزن والخير والشرّمخلوق لكن غيـر كـل الخلايـق

اللي بعدي مطلوب قصيدة للشاعر/ ضيدان بن قضعان.

فمان الله
قصيدة للشاعر/ ضيدان بن قضعان.

فمان الله ياول من سكن بين الضلوع العوج
عسى دربك سفير وعسى الله مايخلني
توكل لاتوادع عسى درب الجفأ المسهوج
يصادف درب فرقى عقب هامة تلمحك عيني
سمحت من الهوى ومن القصيد ومن زراق الموج
رميت اغلا مجاديف الغرام وجيت بإيدني
ابغرق في عذابك لارحلت يصبح المنتوج
قصيد في حياتي سلوتي وإن مت يرثيني
وإذا هبن بنات الريح للذكرى بدون سروج
ابسرج مهرةالنسيان وابرحل من عنوايني
وابنسى الين اسج وابرسل الونات فوجوفوج
وابنسى دمع عيني الي ينتثر وانساك من حيني
صبور ايه والله اني ماثنيت العزم قبل ادوج
برضاني الجفا ورمال وصلك لين تسقيني
شجاع ايه والله اني ماعرفت الذل قبل اسوج
قدم رجلي على درب لبيت اهلك يدوديني
كريم ايه والله اني ماعرفت الشح قبل تروج
دموعي في عيوني ثم اشح بحسرتي فيني
احبك حسبي الله ليت مالك في سمائي بروج
ولالك في البسيطه كود شئ بينك وبيني
دخيلك لاتفلت رح بفالك واترك المرجوج
ترى انا مابقى لك الا انا ماعاد يمديني
فمان الله سق ركبك على درب السنين العوج
لكن طالبك بيت عمي لاتخليه

المطلوب قصيده للشاعر/خالد المريخي