اكتب اسم شاعر واللي بعدك يكتب قصيده لهذاا لشاعر.

المطلوب قصيدة للشاعر بحة ناي

الفـزوع اللـي علـى النقـل الجماعـي
مــــا نـسـمـيـهـا حـمــيــا جـاهـلـيــه

قادهـا فـارس رومنسـي وأجتماعـي
تـحــت قـانــون الـبـنــود العـالـمـيـه

تبعثه (ناسا ) على السحر الصناعي
وأرتـفــع وقـــت انـعــدام الجـاذبـيـه

فـي ترقـب مجتمـع بالحـيـل واعــي
صـفـقـوا صـفـقـه ودقــولــه تـحـيــه

والله إن الريـح مـا هــزت شـراعـي
إلا كـــان أهـتــز بـــرج الفيصـلـيـه

مــا دخـلــت إلا بكـيـفـي وأقتـنـاعـي
يـا الخـوي اللـي وقـف ينخـى خويـه

ديرتك وأنت الحكم وأمرك مطاعـي
لـك .. وحاجـه خصتـك ماهيـب ليـه

يكفـي إنـي جبـت حقـي فـي ذراعـي
يــوم كـــل الـقــوم مجتـمـعـه عـلـيـه


اللي بعدي الشاعر /محمد بن فطيس.

لبيه ياقصــأإيد بن فطيس



هـأإه سم


ياسر التويجري

****يا معذبتني****


يامعذبتـنـي لـيــه هـــذا الـجـفـا لـيــه

وأنـتِ تضميـن الثـرى مـن ظـلالـي



وش ذا الـغـرور الله يّـحـمـد تـوالـيـه

مـن ويـن جالـك هالكـبـر والتعـالـي



تـعـالـي انــــتِ دام كــــلٍ ومـاضـيــه

الحـب مـاهـو بــس حـقـي الحـالـي



لا تذبحـيـنـي بـالـعـتـب والـمـشـاريـه

والله مابـيـدي ســـوى راس مـالــي



معـزتـك وايـضـا القـصـيـد ومـأسـيـه

والضيف لا جاء والحطب والدلالـي



وعـن حلفـي اللـي قلـت طيـرٍ يعشيـه

كـفـه لـيـا بـــردت عـلـيـه اللـيـالـي



يعنـي ثـلاث اشيـاء املـك مـن التـيـه

لسانـي.. وقلبـي.. وطنخـة عقـالـي



أدعيـك فـي كـل اسـمٍ يسمـونـكِ فـيـه

يـا أم الحسـن وأم التـرف والدلالـي



عــودي لقـلـبِ صــار مـاعـاد يمـديـه

يـرقّــع الــلــي راح يــــا هـمـلالــي



وإذ أن قلـبـك وده انـــه انـــا ادعـيــه

بإسـلـوبٍ افـضـل يرتـقـي للمعـالـي



مـمـكـن أحـــاول اتـحـضـر وانــاديــه

واقـــــولله اذا تــحــســن مــقــالــي



ياجـمـرة الـوجـد المسـمـى وطـاريــه

ويـا عقـد باحجـار البحـر واللئـالـي



اليـا ظهـر بـدرك مــع اللـيـل اسـريـه

واليا اختفـى ماعـاد صبحـي مثالـي



أســاور الـشــك الطبـيـعـي وانـاجـيـه

وارقى على رجوم الغلا فـي خيالـي



افـارقـك فــي لـيـه والـقـاك فــي لـيـه

واحيان احسك ما أنت داخل مجالي



احيان احسـك شـيء واثريـن طاويـه

واقاسـمـك والـقـى حـلالـك حـلالــي



اقـتــل خـيـالـك واتـحـسـف وابـكـيــه

وارثيـك واثـرك مـن عيونـي قبالـي



وازعل واخونك واذبح القلب واسقيه

وازعـل علـى نفسـي وادور بـدالـي



مـتـضـاربٍ بـيــن الـغــلا والمتـايـيـه

ضايق واحس ان الزمـن ماصفالـي



واذا تركتـيـنـي اقـــول الـلــي ابـغـيـه

بـقـول لــك انــك سـبـايـب هـبـالـي



خــلـــي فـــــؤادك لايـكــثــر تـغـلـيــه

يسـرع يجينـي قبـل اشـد الرحـالـي



الـخـاطـر الـلــي مـاتـوســع مـفـالـيـه

ماهـوب متحمـل عـلـى كــل حـالـي



لا تحسبيـنـي مــن عـروقــي اغـذيــه

طبعي جنوبي لو غدا اصلي شمالي



طـرح الكريـم اللـي وساعـن مـذاريـه

مــا ينـتـهـض الا يـشـيـل الثـقـالـي



من عرض عصمان الشوارب تواليـه

الـلـي الـيـا غــارت تــدك الجـبـالـي



وانــا مــن فــروخ الصنـاديـد ياهـيـه

اعــمــام والا لـنـجـذبـت لـخـوالــي



ابـسـط نـداءتـي الـــى قـالــوا الـبـيـه

ومن أصغر القابـي طويـل السبالـي



مغـرور فعـلاً واعـتـرف لــك ومافـيـه

عيبي اني افخر وافتخـر فـي فعالـي



لــو قـلــت لـــك يـاهـيـه ردي بلـبـيـه

ولـو طـال بالـك شـر بيطـول بـالـي



كـــذا نـحــل المشـكـلـه والـمـشـاريـه

واضمـن لـك انـك تارديـن الـزلالـي


اللي بعدي الشاعر/ محمد بن مريبد

موضوع رائع جداً,
يعطيك العافية مشرفنا المميز؛
*****
تستاااهل,

هووون طلبك^_^
لفيلسوف الشعر ( محمد مريبد العـازمي )

العمر فرصه والحياه ايام والدنيا ظروف =والمشتبه فالامر ما بين الحرام من الحلال
والشعر ديوان العرب وانا بشعري فيلسوف= أترك أدقاق الشعر وأنقى من معانيه الجزال
والبارحه صدرالجنوب يضيق وتسوق الحسوف =وين أنت يا صدرالشمال أحتجت للفزعه تعال
وردت مجاهيم الليال أحيام ورياحي شعوف = من يوم وقفني بدرب العشق يسألني سؤال
وأقوله بيني وبينه يا عسا الحب مخلوف = ان مارجع ربحه علي الله يرده راس مال
كم لي وأنا تكويني الدنيا على روس الكتوف = وأشيل ما لا أطيق من شانك وأحمله الجبال
ومديت لك ريحانة الاشواق في بيض الكفوف = قبل يجف العطر والاوراق تدفنها الرمال
وقفتني بالشارع الضيّق وممنوع الوقوف = مسار واحد والمصيبه لا يمين ولا شمال
تقول طوّفها معي واقول عيت لا تطوف = اجيبها منا تجي منا و لا فيها مجـــــال
الحب ما ينفع معه فزعه ولا واو معطوف = الحب لو زالت جبال الارض ذكره لا يزال
يرقا على رجم الغرام ويخدمه نبض الحروف= اشوي من نسج الغلا واشوي من نسج الخيال
وش عاد لو غنيت طاروقك وصفيت الصفوف = صفٍ يبا ياقف معي وصفٍ اليا من رحت شال
والله لتبطي ما وصلت ادنى مواصيل الهنوف = الجادل اللي دمعها لارحت والا جيت سال
الجادل اللي طيفها عندي ولا كل الطيوف = ام الحلا / ام الغلا/ ام الدلع / ام الـــدلال
اللي هداياها ملت كل الزوايا والرفوف = يطلع ابطلتها بدر ويغيب لا غابت هلال
وانا اقدرها مثل تقدير حاتم للضيوف = وأطرب على فيّة غلاها كل ما مال الظلال
واعيشها عيشة عمر مابين أمن وبين خوف = وازرع لها شعري وهي تسقيه من غيث الوصال
حتى خذتني عشق وانا خذتها رغم الانوف = واسكنتها روحٍ عن أهروج البشر منفى اعتقال
والا أنت قربك ما يشجعني وفرقاك امعروف = أقلط على نزف الشعر والفال يقفاه العقال
حتى لو أنت ألذ من تمر المدينه والهفوف = أرحل ترى أيامك خضر لكن ترى أسنينك اهزال
وفر أدموعك دام دمعك مر والدرب امحفوف= جعلك فدا من هلت ادموعه علشان ابتهال

للي بعدي ؛
على ذوووقك من قصائد فهد الشهراني يالله اجتهد ^_^

موضوع رائع تشكر عليه بن هرسان


من قصائد الشاعر علي مساعد الرشيدي

فكره جميله والاجمل تثبيت الموضوع

كل الشكر لك عبد المجيد




امممممم


هذي ابيات لــ علي مساعد

آخر حبيب


قلـت لـك يـا قلـب لا تآمـن غريـب
لـيـش تحرقـنـي مـعـاك وتـحـتـرق


بهالزمن ينساك حتى أقـرب قريـب
الوفـا فــي هالـزمـن حـبـر و ورق


أنـــا مـــو أول ولا آخـــر حـبـيـب
فــي النهـايـة مــع حبيـبـه يـفـتـرق


من متى صابت معـي حتـى تخيـب
البخـت ويــاي عـمـره مــا صــدق


من يداوي جرحي اللـي مـا يطيـب
مـن يـرد اللـي مـن أيامـي انسـرق

البحـر عالـي وفـي صمتـه رهيـب
وإلا قلبـك مـا يخـاف مــن الـغـرق


الغريـب إنـي و أنـا بجنبـك غريـب
لـــو نـحــاول نـتـفـق مــــا نـتـفــق


ايـه يـا قلبـي مـعـه مـالـك نصـيـب
مــن فـراقــه لا تـشــب وتـحـتـرق


كيف أصير الجرح وأصير الطبيب
لـو سكـتّ الجـرح فعيـونـي نـطـق


مـا تغيـب الشمـس لـو عنّـي تغيـب
لــو أمــوت الفـيـن مــرة وأختـنـق



اللي بعدي مطلوب

لمهندس الكلمه الامير الشاعر بدر بن عبد المحسن

فكره رائعه كل الشكر لك عبد المجيد


يا بنت انا للشمس في جلدي حروق
وعلى سموم القيظ تزهر حياتي
اطرد سراب اللال في مرتع النوق
ومن الظمى يجرح لساني لهاتي
عاري جسد والليل هتان وبروق
دفاي انا والبرد سمل العباتي
دفاي انا والبرد سمل العباتي
يابنت انا عشق الخلا من صفاتي
وشم على رمل المتاييه مدقوق
لاشك من منهم يسوي سواتي
انا بدوى ثوبي على المتن مشقوق
ومثل الجبال السمر صبري ثباتي
ومثل النخيل انا وهامتي فوق
ماعتدت انا احني قامتي الا فصلاتي
والي افتخر بفعال يمناه مخلوق
يابنت انا فعلي شهوده اعداتي
الله خلقني كلمة الحق بوفوق
وملكت الارض وراس مالي عصاتي


اللي بعدي
قصيدة لشاعر / مساعد ربيع