عايدالسندي ومسلم الحمد ونجا الرشيدي

عايد السندي الرشيدي يخاطب بهذه القصيده


مسلم الحمد الرشيدي و نجـاالرشيدي


-------------------------------

ياذيـب ماشفـت الغـضي نـاب الارداف = اللـي طـوانـي مثــل طـي السجـلي

قـلبي طـواه الحب من عـقـب الانـكاف = عقب اعتزال البيض شف وشحصلي

سبت غــزالـن تـلـني عـسـر واخـلاف = عـلـيه يالمطـنــوخ يـاكـبـر غــلـي

عني نحـوبه في وسيعـات الاطـــراف = يابن حمد شوف الغضي ماحصلي

غـديت مثـل اللي عـلـى راس مهـياف = اهـوم مع دربـن ماهـو جـايـزلــي

انخـاك تـفـزعـلي مـــن الميـم للـكـاف = كان انت ياطير السعـد فـزعـتـلي

وانخـا الصديق اللــي لياقــام مـاخـاف = نجـا صـديقــي باللقــا مـايـذلــي

عـليه وصف اللـي رقــا راسـمـشـراف = الاشقـر اللـي بالجـبـال متعــلـي

يامسـندي فـتـشـت عـن زين الاوصاف = مـاحـدن ذكـرلي يانجـا بكرتـلـي

اوصــافـهــاوضحــا ولـوفــن ومـيــلاف = الياارزمت تكسـرت عـبـرتــلـي

ضاعـت فـوات الحـرص في لم الاسلاف = وامسيت منها ضايقن خاطرلـي

دورت فــي حـضـروبــوادي والاســيـاف = ولابغـا فـزع واثـنينكم عـزوتـلي

مسلم الحمد الرشيدي يرد بهذه القصيده على عايد السندي

--------------------------------------

بـسـم الله المعـبـود للســركشــاف = عـنـد الفـراغ وعـنـد مـاقـوم اصـلي

يامـرحـبـا بـرسـالـت الحـر نــواف = عـايـد ولـد سندي زبـون المتــلــي

كبـيـر قــوم وللــرجـاجـيـل عــراف = مثـل القمـر بـيـن النجـوم متجـلي

لاكن جراله من هوا البيض محراف = نجــل العيـون اللي هواهن يسلي

الشـايـب اللـي للغـنـاديــرمعـطـــاف = علـيه مـن مجـنـون ليلى تحـلـي

مـذهـب وبـذتـه اللـيـالـي بـالاتــلاف = ياعـنـك طـراد الولع مـايـمــلــي

بـكـره غـفــل مـاحـافـهـا كـل حــواف = حسب كلام اللي زهمني وقـلـي

يحــن قـلبـه حـن كـارونــت الـهــاف = من كف شغمومن عليه متولـي

وانـا عـليه لاجـتهــد لــوبهــااتــلاف = فـزعت اخو حيثـن عايد اخـولـي

ان كـانهـــا بــالمــال مليــون وولاف = لـويازنـونـه بالـذهـب راضـيلـي

وان كانها بالجـاه جمعـت الاطـيــاف = قـومن لصعـبات المواقـف تحلي

وان كانهـا فـي غـيـردنـيـت عـســاف = عضيدي اللي بالخطر محتسلي

نجـاالـرشيدي يرد بهـذه القصيده عـلى عايد السندي الرشيدي


-------------------------------

سرياقـلم واكتب على اطـراف شفاف = واحـذرك فـي جـابـتي لاتـزلــي

احـذر يجـيك بلمست لكف خـفـخـاف = ردالجـواب لـواحـدن مشتـكلـي

بـبـيات منـقـيه جـزيـلات وانـضــاف = خـص المثـل لبن حمد والمثـلي

اسباب ناسن ماسعـولـه بـالانصـاف = هذا حسب رايي وعلمن وصلي

واسباب غـرون للـمـعـاليـق خـطـاف = زاه الـوصايف بالجمال امتحلي

وصف على وضحا من الذود معطاف = من شافـهـا فـي دلهـا مايمـلـي

وعندي خبر ماهو بالامثـال مـزهـاف = ولاعنز المعـنا بقصده تسـلـي

رجلن على بدع المثـل يصخر اللقـاف = قـرمـن لياجـاه المسير يهـلي

يوصف عليه مصخـر الخـرب نـواف = الاشقـر اللي للحبـاري يتـلـي

جـثـل المناكب لابـرق الـريـش نـتـاف = عليه من عـايد وصوف و تحلي

عـايد صديقـي بالمواجـيـب يـنشـاف = ولي الفخـر لاصارهوصاحـبـلي

ينخـا ويشكيلي بماونس ومـاشـاف = وانا بنخـوت صاحبي جيت كلي

جـاهي معه والمال يرخـص وينعاف = لوجـيـت مثـلـه كل شين افـدلـي

ابو فيصل ماشاء الله صوت من الشاعر القدير ابوصالح عايد السندي وصدائين من شاعرين

لهم بالشعر باعآ طويل الشاعر نجا مفلح الرشيدي والشاعر بن حمد لله دركم على هذي الموشحات

الراقيات والدررالثمينه لاهنت على تنزيل هذي الروائع وتم التثبيت احترامآ لكم وتقديرآ

لشاعريتكم وننتظر منكم الكثير من الروائع تحياتي لكم وتقديري

صدى وصوت جميل من شعراء لهــم باع في الشعر

الله يوفقكم يارب

مفلح الخضيري صح بدنك ولاهنت واشكرك على كلماتك الطيبه ومرورك المشرف واعجابك المشجع وشهاده منك اتشرف فيها وتبقى وسام على صدري

الصقر الجريح صح بدنك ولاهنت واشكرك على كلماتك الطيبه ومرورك المشرف واعجابك المشجع وشهاده منك اتشرف فيها وتبقى وسام على صدري

صح السان الشاعر عايد السندي وصح لسان نجا الرشيدي وصح لسان مسلم الحمد
كفيتم ووفيتم ولاهنتم تقبل مروري

ابوياسر صح بدنك واشكرك على المرور وعلى كلماتك الطيبه شهاده منك اعتز وافتخر فيها لاهنت

صدى وصوت جميل من شعراء لهــم باع في الشعر

الله يوفقكم يارب