يوم طاب الوقت ليه والفرح بثـت شعـوره

يوم طاب الوقت ليه والفرح بثـت شعـوره
من رجال الطيب ورجال الكرامه والشكالـه
والله اني غير السوق الشعـر وطيـر طيـوره
وتصيد فـي جنوبـه وتصيـد فـي شمالـه
واعسف الامثال ولعب بالمعاني لعب كـوره
ولستمع لنقد من جمهـور عبـدالله فضالـه
خل راع الثور يحفظ عن سموم الوقت ثـوره
لين ثوره يذبحـه بالقـرن غافـل مادرالـه
والله اللي يرزق الانسـان وييسـر امـوره
ماحدن يقدر يرد اللي مـن المعبـود جالـه
ولردي صوره ولاهل الطيب والمعروف صوره
وكل مخلوق(ن)له رزقه وحر(ن)فـي حلالـه
وناس تعذر بالحياه ونـاس ماهـي بمعـذوره
وكل رجال(ن)لـه رايـه ورغبات(ن)ببالـه
والردا والطيب كل (ن)عارفن وجهت عبوره
ولا يطيب الرجل غيـر بمنصبـه والا بمالـه
وكل رجل(ن) بين ربعه والبشر محسوب دوره
والكرم والطيب ضد البخل وفعـول انذالـه
مايغط الحق يطلع لـو يغيـب الحـق نـوره
والصراحه ثابته والكذب قاصرتـن حبالـه
والرجال اللي من المعروف والطيب مهجوره
ماوراهـا الا المشاكـل والمغثـه والفسالـه
وبالرخا كل(ن)وفاء بالفعل وطوالن شبـوره
والشدايد هي ضمان الطيب ومبيـن رجالـه
والبشر محدن يعلم اللـي يخفنـه صـدوره
وكل رجل(ن)تعرفه قبل المواجه مـن مجالـه
ولو تساوا الناس بالافعال وبحسـن المشـوره
ماعرف طيب والردا والرجل ماربـا عيالـه
ولاشكا المحتاج الاهل الطيب بالشده عثـوره
ولا تنومس طيب الفعال في جـده وخالـه
ولو زمان اليوم كثرانه على الطيب كسـوره
وغتنا راع التجـاره عـن عيالـه بالعمالـه
لوتقدم بالحضـاره وتطـور فـي قصـوره
مستراح الرجـل باليامـه ولانـام بليالـه
ومايزور الرجل ربعـه بالحيـاه ولاتـزوره
ولو تزور الرجل عقب سنين ماسـرك قبالـه
وماشكر غنيه النعمـه ولاعـاش بسـروره
مع كثر ماله يقول الوقت شيـن ولاصفالـه
ويشتك الاسعار في قيمة عشاه وفي فطـوره
والاشتكا الاسعار محتاجه وسـر الله حوالـه
وانت زيد اللي فعولك بالكرم قبل مخبـوره
مجلسك تفوح بالغـلا البـن لزايـر دلالـه
ليت كل المدح بالدنيا تقف عندك سطـوره
وان تعدا حد دولـه يمتثـل قـدم العدالـه

http://g5g5.net/dldRnw18484.amr.html

صح السانك وعتلا شانك قصيده رائعه وجميله

تحياتي وتقديري لك

صح السانك وعتلا شانك قصيده رائعه وجميله

تحياتي وتقديري لك

لاهنت ياخليف على هذه القصيدة الرائعة

صح السانك وسلم بوحك يابو فيصل وبيض الله وجهك لقد عبرت عن مايدور

بساحاتنا هذا الزمان تحياتي لك وتقديري

لاهنت على هذه الابيات...تحيااااتي لك

ولو تساوا الناس بالافعال وبحسـن المشـوره
ماعرف طيب والردا والرجل ماربـا عيالـه

ولاشكا المحتاج الاهل الطيب بالشده عثـوره
ولا تنومس طيب الفعال في جـده وخالـه



ياسلام..
قصيدة جزله وراائعه .. بصراحه اعجبتني شخصياً..
فيه نصائح وتجاارب مفيده ..

صح لسااانك ياشاعرنا الفااضل .. ولاهاانك المولي على هالابدااع ..
ننتظر ماهو بجديد وراائع ومفيــد ..
تحيتي وتقديري لكـ ..



*تنبية ..
سوف يتم نقل القصيده لمنتداه المناسب..
منتدى واحة شعراء سلايل عبــس ..

وفي المره القادمه ياشاعرناا ..
ياليت تنزل قصايدك في قسمها المناسب~> واحة شعراء سلايل عبس..

واسفين على الازعاج..

احترامي وتقديري ..