أبيات نبطيه فكاهية - المستطرف النبطى - ابراهيم الخالدى

	أبيات نبطيه فكاهية في زيارة للشاعر : مسعود الرشيدي لمجلس الشاعر مرشد البذال فوجئ عند خروجه بفقدان حذائه الذي هو على حد قوله ( مركوب عزيز رافقني وحملني دهراً كان فيه خير رفيق ) فأنشد مخاطباً مرشد : سيـّرت بنعالي وعودت مسروق** وأنا بدار مطوع الضد لاعــال نعولي اللي لي بملبوسها شوق** جتني من الزلفي حشا مالها مثال ناس تسيـّر للدواويين للبوق** رصاصة المجلس خبيثين الأعمال يا أبو عبيـّـد لي مشاريه وحقوق** والحق له عند الأجواد مدخــال فما كان من مرشد إلا أن رد عليه بقصيدة يخلي فيها نفسه من المسؤلية ويعده بالعوض المضاعف : يا إبن سند ماني بحذاك مشبوق** اللي غدت مابين عاقل وجهـّــال حنا بديوان مثل هيضة السوق** ديواننا للربع شرواك مدهـــال ولاني بحاط نعالكم وسط صندوق** من قال قلت حذاك يا طيـّب الفال ولالي على ظلم المسايير طاروق** أقول ردّوا عندنا بوقة نعـــال لا يستوي قلبك من الهم محروق** مافات خلــه وإطلب الله بالإقبال والله لأعوضك وأجعل الطاق مطبوق** وإني لأطرّش لك على نجد جمــّـــال ومن الطريف أن مرشد البذال نفسه تعرض لموقف مماثل عندما سرق نعاله هو وصديق له في مسجد بمنطقه الفنطاس التي لقبت في إحدى الأغاني القديمة بملعب الغزلان فعادا إلى المنزل حافيين وأنشد مرشد يقول : في مدهل الغزلان ضاعت نعالي** في مدهل الغزلان لامره السيل كانه من اول مدهل للغزالي** اليوم اظنه مدهل للمهابيل دشيت مسجدهم ولاني لحالي** معي شهود من فحول الرجاجيل أصلي الجمعة ولاحس بالي** إن الحرامية ورانا مخاتيل يوم انتبهت.. لموقع النعل خالي** قمت اتفكر مير مافى يدى حيل لو اشتكى بالصوت محد شكالى** راحوا على نعلى يغنون ياليل أنا وابو يوسف قضبنا الظلالي** وحنا حفايا ونهبونا الرجاجيل يا بنت في أخريات أيامه دخل الشاعر صقر النصافي أحد الأعراس فرأته فتاة كانت تتطلع لرؤيته ولكنها عندما شاهدته فوجئت بكبر سنه وقالت: يترب شبابك فرد عليها حالاً: يا بنت لا يترب شبابي ولا بيك ** يترب شباب اللي يحطك حبيبه عيّا زرار الثوب ياصل علابيك ** منتفخة كنّك صميل الرويبه في إحدى المحاورات المشهورة بين الشاعر النجدي سليمان بن شريم، والشاعر الكويتي صقر النصافي قال الأول يلوم زميله على إفلاته لفريسة جاهزة، والمعنى واضح: ألا يا صقر يا صقر الندم يا مرتخي الجنحان ** علامك يوم مرّتك الحباري ما تدمّيها نطحني محمل الجرمن يضده محمل السلطان ** عساكرها تراطن والمكاين سوّها فيها عليهن من ملابيس الغوى من سوق ابن رشدان ** نفانيفٍ على المودة جديداتٍ مطاويها فرد صقر مؤكداً أن امتناعه عن الصيد هو توقف تكتيكي لا أكثر: أنا ماني بطيرٍ ما يصيد الصيد يا سليمان ** يبات بجوع والجنحان بالتكفيخ موذيها أوقع لين اشوف اللي تسرّ القلب والاعيان ** وابادرها بمخلابٍ مقرّه في ثناديها في بدايات الشاعر مرشد البذال أراد أصدقائه توريطه عندما أخبروه بوصول شاعر قلطة من نجد بسيط المستوى فذهب لملاقاته وعندما بدأت المحاورة اكتشف البذال الورطة التي أوقع نفسه فيها إذ أن الشاعر النجدي ليس سوى الشاعر سليمان بن شريم الذي كان ملأ الأسماع أيامها وعندما جاء دور مرشد قال : ألا يا رجل روجي وروجي عن ماقف الحقران ** إليا ذعذع هبوبك خلّي الديرة لاهاليها فرد سليمان مشجعا: يقوله من شكا حر السموم ولاهب الضيّان ** أنا طربان والا كان اكبّ الديرة واخليها فقال مرشد موضحاً للمقلب الذي عمل فيه : ألا يا نفس ياللي طاوعت لفلان هو و فلان ** عسى ربٍ رماها بالتهالك ما يخليها أنا مالي بها مير اقترشني طير ابن برمان ** يشيل الحيّة الرقطا وفي حضني يدربيها وأنهى ابن شريم القلطة ناصحا : تعلم بالنفع والسيف خله لك مقاد حصان ** ولا تشرف على الغبة وغالي الروح تهفيها أنا ما شفت موجٍ يا قبيلي طاش به زيران ** بحورٍ مستكن شرها وارزاقها فيها ارتكت للدركسون الشاعر سليمان الرشيدي يوصف بنيةٍ طخما تسوق سيارتها بهذه الابيات : فلت شعـــــرها وارتكت للدركسون ** وتضايـــقت كشناتها من شعرها غريبة المظهر على الحسن واللون ** حوريــــةٍّ كن القمـر في نحرها كتــفٍ وردف وزول وحجاج وعيــــون ** وآخر مديل الغانم ابيض شفرها لحقتها صاحـي وعوّدت مجنون ** ملهوف ماعرف برها من بحرها الغواص بسبب مشاق البحر فإن الشاعر جمعان بن حضينة العازمي كان يتمنى لو فارق السفينة ويعود إلى البادية ويبدو أنه كان مريضاً بالمعدة لذلك أمر النوخذة بسقيه شراب العشرج المر فقال: هنيّ من فارق السنبوك ** شاف الغنم والبعاريني تسعين ليلة وأنا مملوك ** كني من السوق شاريني والنوخذة حلني بملوك ** عشرج من الصبح يسقيني الشاعر راشد الكثيري يقارن بينه وبين الأغنيــاء المترفين : أحد عشاه القرص ومفطح الحيل ** واحدٍ عصيد يلعط الكبد حره واحد يلاعب لابسات الخلاخيل ** وأحدِ عـجوز شاف منها المضرّه واحد يصجه حـس صوت المحاحيل ** واحد يتشفق فالشهر صب كرّه يارب عدلها عن الحيف والميل ** والا انت ميلها على الناس مره شاعره تطلب الطلاق بابيات وتدعو على زوجها : ياشوق طلّقني ترى منك مليت ** كما يمل الغزو ركب الشدادي وإن كان ماطلقتني حين ما اقفيت ** عسى تطلق بك رماح المعادي انتقام بشع.. الشاعر عبدالرحمن الحربي من المدينه االمنوره يدعو على حبيبته سابقا : شخص هويته جعل ربي يشله ** أصعب شلل ويكون مايوجد ادواه وإلا برص يضفي على الجسم كله ** يبدا بوجهه ثم يمشي على عضاه والا مرض طاعون حتى يفله ** يسمــــع علاجه بس من دون يلقاه ويصاب بالسكر وجسمه يسله ** حتى المشي بالرجل ماعاد يقواه اللي بلاني وانتقل من محله ** وأنكر عهود كانت العام ممضاه طرائف شاعرة الشاعرة عابرة سبيل المفتونة بعشق الشعر وأكثر قصائدها يظهر فيه أنها تفضل شعر الفكاهة الذي يعتبر أقرب شيء لنفس الإنسان فهو بدون شك يدخل علينا مشاعر الفرح والبهجة. لي صاحبٍ منه تبي تطلع ا لروح ** خبلٍ ومن هي مولعه فيه خبله عامين المح له من الجد ومزوح ** وأقول يا عنتر تناديك عبله طال المدى ثم قلت أنا أغليك يالوح ** مجروحةٍ جرحٍ مخاطره عجله دنّق وقال أنا من العام مجروح ** وأشر لجرحٍ مبطيٍ وسط رجله الحبيب الخبل لعابرة سبيل حيث يعجبها خبال حبيبها وتشتاق له وتقول : ياخبلي الغايب متى تردّ للعين ** متى أشوفك أو تجيني رساله صحيح بالدنيا خبول كثيرين ** لكـن خبالك ياحياتي لحاله ومن أشعارها الطريفة قولها : دوم يعيرني يقول أنتي متين ** حلجك المفتوح لازم نغلقه هيه يا دُبّه لزوم تخففين ** والا أثور فيك عشرين فشقه وفي رجيمي استمريت اسنتين ** قال دبه وأنقلبتي لي اسلقه من أشعار عابرة سبيل الطريفة والممتعة هذه القوافي على طريقتها الخاصة: أنا لي ثمان سنين متولعة وأغليه ** وعلى جملة أهل الحقد والعذل محتجه كتبت القصايد كلها يا جماعه فيه ** عليه الحشا مثل القراطيس بالعجه عقب هالعمر يسأل قصايدك من هو فيه ** يا ويل قلبي كان نشدته من صجه أنا ودي أطقه وأخاف أتوثم فيه ** هبيلٍ بلاه الله في بنت مرتجه وقصيده تقول فيها : أنا عجوز مطلقة وام ورعان ** وأيضاً مدام وبنت وآنس وعانس أنا بدوية وعايشه عند حضران ** وبنت البحر وابوي زارع وغارس أمية ما تعرف حروف والوان ** وتلميذة دشت جميع المدارس ظفره وخبله وعاقله في نقصان ** شرود وانطح لي ثمانين فارس خلون اعيش العابره دون عنوان ** طيف يمر بلا رقابة وحارس • يبقى الشعور بالقلق هو دليل الحياة بل هو سر جمالها وروعتها وين انت يا للي عيدنا في محياك ** كف القدر من ضيقة الخلق بسته شريت لي ثوب على شان لقياك ** والثوب راحت موضته ما لبسته وشريت عطر ما زهاني بلياك ** اربع سنين بعلبته ما لمسته الشاعره مرام الشوق : لي قصة مع صاحبي فلم هندي ** دايم أنا ويّاه بهواش ودموع ودّه يسامرني على تيس مندي ** وأنا رقيقه ودي بازهار وشموع خلّي غبي والعقل عنده مصدّي ** وبفن التخلف حايز ٍ شكر ودروع قلت له تطور عيش باشا وافندي ** الى متى وانـت بتخــلفك منزوع قـام وتلفت قال قومــي تغـدي ** هذرتك واجد يوم أنا ميتٍ جوع حاول الشاعر سليمان الطويل التهرب من دائنه المسمى شبيب بالالتجاء للمسجد وماترك فرض ولا نافله الا صلاها ليطيل في ذلك املا في ذهاب شبيب عنه ولكن دون جدوى .. وحين اتم صلاته قال : صليت بالجامع وسبحت تسعين ** مع كثـرهن واتبعتهن بتهليله وقريت عـــمّ والمدثر وياسين ** ادخل على الله مايخيب دخيله وقريت وِردي عن جميع الشياطين ** وشبيب ماسوى به الورد حيله خطأ قاتل تعرض الشاعر راعي الملحا لاصابات بليغه بسبب ترديده لاسم محبوبته وهو نائم في فراش الزوجيه وهنا يشرح ماتعرض له ناديت باسـمك وانا مع زوجتي راقد ** لين رفستني على بطني برجليها وسويت نفسي مثقـف واعي وناقد ** واقول عـادي مصير الوقـت يرضيها ويم كفختني طراق وصحت انا حاقد ** الله يلعــن غلاك ويكســــــر يديها واحترت انا وين ابلقى لي بدل فاقد ** ولقيت وحــــده تهـــزز لي علابيها سطو على البنك الشاعر حمود البغيلي فكر في سرقة البنك ولكنه احتار في النهاية .. لننظر ماذا يقول : فكرت مرّه اسرق البنك واعتاش ** وصممت من قلبي انفذ قراري وجهزت نفسي في مسدس ورشاش ** ثم استعديت لجميع الطواري لكن قبل لا اسرق البنك وانحاش ** احترت بين المركزي والتجاري شيخوخة الزوج كان زوجها يهددها بالزواج من اخرى ولكنها لم تلاحظ مقومات ذلك وقالت : العام تبغى لك من البيض ثنتين ** ايضا وتبغى لك عليهن زياده ومثلك الى منه وصل عام سبعين ** يروح مخّه مثل مخ الجراده لايقضي الحاجه ولا يوفي الدين ** وش عاد لو عطّرت فرش الوساده والله مالوم العود مير الكبر شين ** العود جاته خلّته من زناده عيوب غريبه يصف الشاعر محبوبته التي تعاني من عيب خلقي غريب اضافة الى غباء في وضع المكياج ميّـة هــلا باللي يكحّل ثناياه ** اللي يحط الديرمه في عيونه اللي حدا نهديه من خلف علباه ** والنهد الآخر روّحوا يطردونه المصدر : 1 - المستطرف النبطى - ابراهيم الخالدى 2 - مصادر اخرى

شكرا استاذنا الغالي



يقول أحدهم محرفا بيتا مشهورا :


لاتحسبن المجد تمر أنت آكله @@ لن تبلغ المجد حتى يأتيك ما جانا

يعيرني يقول أنتي متين
حلجك المفتـوح لازم نغلقـه
هيه يا دُبّه لـزوم تخففيـن
والا أثور فيك عشرين فشقـه
وفي رجيمي استمريت اسنتين
قال دبه.. وأنقلبتي لي اسلقه


شكريا كثير

يا بنت لا يترب شبابي ولا بيك
يترب شباب اللي يحطك حبيبه
عيّا زرار الثوب ياصل علابيك
منتفخة كنّك صميـل الرويـبه


شكرا لك يابو انور على هذا الاختيار الرائع والجميل الاهنت


تحياتي وتقديري لك

مشكور على الفكره


طول السنة في النت قاعدين ..... شطرتنا تطلع أحين
بالدراسة محنا مفتكرين........... للواجب من الصبح ناقلين
لنص الليل طبعاً سهرانين.........في الحصص كلنا نايمين
في الاختبارات كلنا مزفتين.......قالوا كسالا قلنا شاطرين
قالوا نجحتون قلنا حلمانين........طول الحصص سرحانين
في العد دوماً مفكرين..............سالوا فهمتوا؟ قلنا فاهمين
قالوا ختبار قلنا يا معين .......... وجت الفسحة صرنا مجانين
ناكل أكلنا وبالماي لاعبين.........في الممرات كلنا راكضين
إذا هربنا قلوا وين رايحين.........قلنا كفتريا يا مشرفين
قالوا هلا حلاكم منورين...........طلع الورقة صرنا خايفين
عطونا القلم عالتعهد موقعين......يجي المنتصف ونقول راسبين
نسوي في العملي مو زين ....... نقدم النهائي فزعانين
عقب سبوع شهادة مستلمين ......إيدنا على قلوبنا حاطين
باركوا لنا أحنا ناجحين ...........باركوا لنا جايبين ستين

ياراكب عيرا ابطانه بسيسه ==== حوافره تمره واذانه قرصان

سجل أعجــابي

تحياتي لك

شكرا لك اخوي احمد على هل الابيات الجميله جدا... وتقبل مروري,,