( الحب الاول ) .. وفيّ .. لكن من اللي يستحق !!

السلام عليكم ورحمة الله وبركاته

اهدي لكم هذه القصيدة .. علّها تلقى القبول والاستحسان ..



:

ملامح ذكريات .. وبرهة اوقات .. وحديث الذات = على شاطي .. بحر ليلة ضياع ٍ .. جوّها هادي
ضياعي / منهل اوجاعي / وداعي / قلبي اللي مات = سبب صدمة فراق ٍ .. لو تبين اسبابها .. عادي
فراقي / واحتراقي / واشتياقي .. في زمن يقتات = من احلى حب .. عزّاني رحيله .. ضيقي البادي
اضيق .. ولا طريق.. الا مضيق .. الفُقد والحسرات = افيق .. ولا صديق .. الا بريق .. امسي وحسادي
تشبعّت .. بصمودي من قيودي .. واسود الاوقات = ركنّت لنور .. درب الذكريات .. وحزني اقنادي
عرفت اني غريب بواقعي .. مُستنفذ الحيلات = عرفت اني على باب الرحيل .. انقش : من اسنادي؟
لويت اذراع صمتي .. للرحيل .. وحسرة اللي بات = زهيد بكل ما يملك .. وانا زُهدي من اعتادي!
وفيّ .. لكن من اللي يستحق الحب .. والابيات = وفيّ .. لكن خسرت الحب كله .. و اعرّض امدادي!
لو انه حُب .. فوق الوصف .. وألجمّ معجم الكلمات = عزاي .. اشيل .. عذر اول حبيب .. لطعنة اندادي
وفاء عشرة .. يكفنّها وداعي .. بالزمان الآت = ورى حدب ٍ .. يقوّسها الضياع .. وغربة افوادي
عذابي .. يا اعتذابي ..من كتابي .. طيف .. بالصفحات = اغني له .. وانا استعرض سطوره .. ضاعت امجادي!!
بداية.. من فراق الحب الاول .. واعمق الطعنات = نهاية .. باللهيب اللي .. حرف وجهي .. عن ابلادي
رحلت انزف حياتي .. والشموخ .. يقودني بسكات = رحلت .. وسكرة الموت .. الرفيق .. وصفق الآيادي
رحلت .. اقطف من الذكرى .. ثوان .. من اجمل اللحظات = واعيش ابها .. ورى باب الوفاء .. واستلطف اسهادي
تكبّدت العنا .. بين الجروح .. وهادم اللذات = غريب يغيب زولي .. لا احتضرت .. بشوفة اسيادي!
تعبت من الفراق .. وضاقت اعيوني .. من العبرات = مثل ما ضاق .. سدّ الماء .. من الطوفان والوادي
رحيل .. اربع سنين .. بغبة الذكرى .. مع الآهات = كفيل انه .. شفى جرحي .. ومات الجرح .. واعنادي
سجدت .. استنجد الله .. في طريق يجبّر العثرات = وانا بين الرياح .. وهقوتي في ربي .. اوتادي
عرفت ان البشر .. فيهم يخيب الظن والهقوات = وثقت .. اني تحت رحمة وليّ العرش والهادي
رخص حب / وصرخ قلب / وبكت عين / وشكت نظرات = و أفلّ نجم / وبزغ نجم / وذرف جزن / وعزف شادي
طويت مع اللحن .. فصل الحزن .. من عمري اللي فات = كتبت .. الحب الاول .. هو سبب .. موتي وميلادي!
تنفست الصبر .. لأجل الفرح .. يستنزف الضيقات = صدحت من الفخر .. وش مات .. ياايامي .. من اعيادي
بديت ابني .. مع الآخر .. تواصل .. وانثر البسمات = بديت .. اجمع شتاتي .. وارميّ احزاني .. على اصفادي
الين استشرّب القلب .. الفرح .. وانكف عن السجات = وطاب النوم .. في ليل السكون .. و نفحة الكادي
رغم عطر السكون .. وليل داجي .. والتعب خذ / هات = وقفت .. انظر مع الشباك .. واطلق للمدى .. اجيادي
سريت احضن من النور .. الشعاع .. وخطوتي .. خطوات = قربت .. وهزّني .. بين الزوايا .. صرخة امنادي!
هنا .. يا مرحبا بك .. حُلّ ضيف .. وتعرف العادات = قلطت .. وعادني .. في مجلسة .. وبجانب اقيادي!
تشبعّت .. بجروحي .. من وضوحي .. و اكتفّت غابات = صبرت ولا انكسرت .. وغربتي .. بوابة ارشادي!
اسامر .. صوت الامس .. بذكرياتي .. وارفع الرايات = و ألملمّ .. للصدى .. حاضر شتاتي .. وأربطّ اجهادي
يزف الامس .. ترسانة صمودي .. و أدحرّه مرات = واناظر .. في مضض .. طيف الفرح .. والحاضر ألحادي
على الماضي .. غبار الوقت .. لا جيت .. اختلس نظرات = ما اشوف الا .. سنآ جرحي .. يلوح .. بعتمة افوادي
وفيّ .. لكن جزاي .. ارحل جريح .. وقصتي بأبيات = جريح .. وسكرة الموت .. الرفيق .. وصفق الآيادي!

وسلامتكم ..

مع فائق التقدير ..
اخوكم .. ابو نايف

صــــــــــــــح لسانك واعتلاء شانك ابو نايف 00 وبيض الله وجهك


علي النزف الرائع الجميل 00 شاعر مبدع كما عهدناك 0 ولا تحرمنا

جديدك 0000 عجبتنا اعجاب لايوصف 000 تحياتي وتقديري لك

صـــــح لسانك واعتلاء شانك ابو نايف
وبيض الله وجهك علي النزف الرائع الجميل


تحياتي وتقديري لك

شامخ شكريا شكريا

صح السااااااااااانك واعتلا شانك ابداع مقطوع النظير

بيض الله وجهك يابو نايف على هذي الدرر اتعجب

عند ما يمر احدى الاداريين ولا يثبت القصايد الثمينه

اتمنى مستقبل اي قصيده لها تميز ان لايكتفى بشكر صاحبه

الا بتثبيتها تحياتي لك وتقديري

صح لسانك شامخه بشموخ صاحبها

سجل حضوري لاهنت

صح السانك .

ألف شكر لك