من الارشيف

ابزبنك ونخاك ياسالم جخير == يالشاعر اللي ذاع صيتك باالاعلام
يامسندي معاد فيها تدابير== طويت صحايفها وجفن الاقلام
وانتم اهلها باليال المدابير== فكاكت المضهود فزعت بني يام
ولاهو قصورا بالنشاما المناعير==ولاجحد حقوق الناس ياتي لي اخصام
يالشاعر اللي لك احشود وجماهير== جيتك مبهذل من شقى مر الايام
شرحت لك يالقرم في كل تعبير== وضحت لك موضوعنا يابن الاكرام
عطيتك الموضوع فيه التقارير==كني سجين ينتظر حكم الاعدام
وهقواتنا بشرواك توحي على الخير== ماهو مجرد سرد وعلوم واوهام
وانته من رجالا تقود الطوابير== فعولهم يحكي بها الشرق والشام
اهل الكرم واهل الوجيه المسافير==زبن الضعيف اللي له الوقت لطام
صالو وجالو باليال المغابير==يوم المنايا بين حايم وحوام
من عهد ابن جساس مع سالم الزير==لهم مقاماتن بهادروع وحزام
ومن طيب ذكرك ماحسبنا المشاوير== يالطيب اللي للمهمات جزام
واسمح لنا وان كان بالقاف تقصير== الكامل اللي للخفيات علام
واختامها مني تحيه وتقدير== لك يازعيم الشعر في مسك وختام
الشاعر0 حامد سعود الحنيفان العويمري

وهقواتنا بشرواك توحي على الخيـر
=ماهو مجرد سرد وعلـوم واوهـام

صح لسانك ياحامد ويستاهل المدح سالم وأن شاء الله يلبى مطلوبك

اشكرك سلمت يداك

اشكرك ياجاي حافي على مرورك العذب0
اما بالنسبه للموضوع قام فيه وبيض الله وجهك انت وياه والموضوع قدام سنتين منتهي ولاكن عندي
باالارشيف وحبيت ان اطرحها في هذا الصرح الشامخ التي حاز على حسن التعامل مع الشعراء والزوار
ويشرفني بان اطرح قصائدي الحديثه والقديمه في هذه المنتديات العريقه0

صح السانك يابو سعود فقد ابدعت بكل سطر من احرف هذه الموشحة
ولاهي غريبة على الجود الجواد تحياتي لك وتقديري

صح السآنك ياحـآمـد .

وسلمت يمينك على نقلها لنآ .

بنتظآر جديـدك . لآتحرمنآ .