لقاء.. مع شاعرنا الزعيم : مساعد الرشيدي

بسم الله الرحمن الرحيم

لقد ننقل لكم هذا الموضوع من الاخ الفاضل بندر بن محمد

مساعد الرشيدي شاعر بكل ماتحمله هذه الكلمه

من معنى,فقد استطاع ان يضع نفسه شاعراً متميزاً ونجماً

يتلألأ في سماء الشعر الشعبي

س1/ بداية ماذا تود ان تقول لأعضاء ومشرفي منتديات بني رشيد؟

	سلام مني عد مايدمـح الشـوف//بعيون خل شـاف ميلـه خليلـه او عد من عدا على راس مشعوف//شاعر وقام الريح يطرق شليلـه او عد ماتضحك هنوف لنفنـوف//ماتن عليـه منقضـات الجديلـه

س2/ من الذي يفتخر بالأخر مساعد الرشيدي ام القصيده؟

	القصايد مانساوم عليها بالفلوس//تفتخر فينا القصايد قبل نفخر بها

س3 /افتقدت ساحات الشعر الشعبي في الأونه الأخيره مساعد الرشيدي فما السبب؟

	تعبت من الجروح من القصيد من انتظار طال//تعبت استقبل طعون الزمن واربت على كتفه تعبت من الكلام من السكوت اللي يهد الحـال//تعبت اكثر من الحزن الذي ماينتهـي عزفـه

س4/ الشعر لم يعد ديوان العرب بل اصبح الأن موضه واحياناً,برستيج,واحياناً اخرى شراءً لابد منه كيف
ترى هذه الحقيقه المـــره؟

	انا الشعر عندي مثل الانسان كاين حي//رفيق وله حق اولـف فـي مواثيقـه رفيق ليا لدت عيـون الشدايـد بـي//شلع كنه اللي نـازع عـن شواهيقـه

س5/هناك من يرى بأن قصائد مساعد الرشيدي لاتستحق الثناء فهل تؤيده على ذلك ؟

	شعري شهد له طيبين المجاذيب//وش عاد لو سود النوايا حكوا بي لو كان مالي غيرها من مكاسيب//ماأبغى شهادة ميتيـن القلوبـي

س6/ ديوانك وضعت له عنوان استخلصته من بيت لقصيده شهيره لك فما هو؟

	ماقلت لك عمر سيف العشق مايقتلك//ماتشوفني حي قدامك وانا اموت فيك

س7/ نحن معشر الشعراء نعبر عن حبنا بالقصيده فماذا قلت في ذلك؟

	احبك لو يموت الحب وتصير القلوب قبـور//اشوف الجرح يكبر وانت تكبر وسط تفكيري احبك من هنا حتى طلوع الفجر حتى النـور//صحيح انك قدر محتوم بس اجمل مقاديـري احد ربي يحطك له حبيب وما يجيه غـرور//انا ليه التفت للنـاس وعيونـك جماهيـري

س8/ بصراحه هل انت راضي عن جميع قصائدك؟

	ياقصيدي كان للأشعار سادات وعبيد//والله انك من بحور عريـب جدهـا

س9/ ثقتك في نفسك كبيره الا تعتقد ان هاذا سيفسر على انه غرور منك؟

	اقولها وابصم على القول تبصيم//والعلم بين زايفه من صحيحـه

س10/ هل نعتبر هاذا تحدياً منك او تجاهلاً للشعراء الأخرين؟

	ماهو قصور بالحرار الصماصيم//كل بدرب العز قد هـب ريحـه

س11/ماتأثير بيئتك في حالتك الابداعيه؟

	سهى قلبي معاك وفاحت الدله ولا قهواك//على صالي حشاي اركي لك الدله ولافاقي

س12/ماهي الرساله التي تسعى الى ايصالها الى محبوبتك؟

	ياملحك في حشاي وبالعيون وبارتجاف شفاي//وانا قلبي تخونـه هيبـة الجيـه وطاريهـا انا سيد هواك وقلـت مـره للهدب مـولاي//دريت اني رهينـك ياعيـون عـز واليهـا وطن عمري عيونك ديرتي ربعي هلي منفأي//حلال ان غربتني ضحكـةٍ مانيـب ناسيهـا

س13/ فـــقـــــط؟!

	دريت انك حبيبي قبل اموتك واعشقك واهواك//وصرت اول طريقي واخر احبابي وعشاقـي

س14/ ومــاذا أيـــــضــــاً؟

ي

	اصاحبي عطشان عطشان لك حيل//مظمي وهمال السهـر ماقويتـه الدرب ميت والخطـاوي مقاتيـل//وان لاح طيفك مت فيه وحييتـه

س15/ هل هاذا ماتريد ايصاله عبر منتديات بني رشيد؟

	قولي لهم ياعزوتي ماعابنا موت النخيل//اللي يوافيها الأجل وتموت لاكن واقفـه اخر عباراتي وداع اخر مشاويري رحيل//جيتك وكبدي ناشفه واقفيت كبدي ناشفه

س16/ رساله توجهها لمن يهاجم الشعراء ويحط من قدرهم؟

الـ

	بنـادم لاتعافـى علـى كفـه يبـوس//وش يبي بااعراض الاجواد يوم يسبها لايحسب ان المراجل تجي درباي روس//ينتبه من جمرة النـار لايلعـب بهـا

س17/ رساله توجهها الى شخص عزيز على نفسك فقدته لظرف ما؟

	ياشيخ عقبك كن مااحدٍ هنيا//وانا ورب البيت كني لحالي اللي رفع قدرك مكان الثريا//انك قبل غالي وهالحين غالي

س18/ الاخفاقات في هاذه الحياة ماهي بالنسبه لمساعد الرشيدي؟

	انا اعتبرها كبوة حصان ويقوم//وانت اعتبرها زي ماتعتبرها

س19/ قطار العمر يسير فماذا استفدت منه؟

	التجارب علمتنا وصمينـا الـدروس//نعرف النفس المريضه ونعرف طبها

س20/ ماهو البيت القريب الى نفسك؟

	من خلقنا الله وحنا عزيزين النفوس//مانوطي شمخ الروس غير لربهـا

س21/ واخر تفتخر به وتردده؟

	ينجرح قلب لاكن ترتفع هامـه//والله اني لأموت وماانحنى راسي

س22/ ماهي اجمل كلمه سمعتها؟

	سمعت احلى احبك في حياتي كلها بشفاك//اثر بعض الشفايف همسها غيمه وبراقي

س23/ حكمه ترددها؟

	من شرب من كف غيره ماروى//لعنبو كف على المـده قصيـر

س24/ ماذا تود ان تقول لضيوف هذا المشاركه؟

	هلا والا هلا قد قلتها قبلك لذاك وذاك//ابدور كلام ماسمعته وانثر اشواقـي

س25/ قبل الختام بطاقة شكر وعرفان لمن تقدمها؟

	يابوي لايلحقك شـك ولا ريـب//انقض هجوسك وارفع الراس عالي انا شبابك لاغزا راسـك الشيـب//وانا عضيدك لو تجـور الليالـي ان عاش راسي ياعزيز المجاذيب//لشيل حملك لـو يفـوق احتمالـي

س26/ في الختام نريد ان تتحف منتديات بني رشيد باخر ماكتبت؟

	انا لي عن جداد الفرايد شهر وشوي//نشف دم قلبي والقلم ناشف ريقـه

س27/ واخيرآ ماذا تقول لكل من قرأ هذا اللقاء؟

	لك مقام ولك سلام ولك تحيـه//عد ماعدو عن جدودك فعايـل وعد ماطاب الرشيدي في خويه//وعد ماسال القهد وروى الثمايل

وتقبلو خالص التحيه